البت القبطية الحبت صاحبنا

اسماعيل الريح بلال كتب:

اسرع ياودالخليفه بشوف فواصلك كترت الله استر ما اجونا ناس MPC مصطفي الاغا اقولوا لينا اعملوا توقعات فروجه بتزوج القبطيه ولا مابتزوجه والجائزه شاشة بلازمـــــــــــا 21 بوصه
ارسل الاجابه علي تلفون 09xxxxxxx
اما عن زميلتنا فلن نرضي سوي فــــــــــــــروجه بديلا امكن فراريجك الجديده ده اكون عندها انفلونزا الطيور لكن فروجه صاحبك ده شكلوا بلدي اصلي من ايديه المشققات ديل

تسلم ويسلم فروجــــــــــــــــــــه الكع الكع الكع ياخال

والله تسلم انتا
ردودك دي تخلي الواحد يقطع مصارينو من الضحك
وردودكم دي سبب في ان الجماعة يقعدو يخطفو مني الجهاز سااي
اي زول يقعد ويكشف ويحلف ما يقوم من الجهاز لو في طريقة الواحد يعمل للكرسي باسوورد
كان عملتها زمان عندنا الكراسي اقوى من الضماير اوع تدقس وتقوم من الكرسي ما بتلقاهو فاضي الا في اوقات الذروة
(اوقات الذروة هي التي يمكن للشاحنات فيها عدم التقيد بالخط الايمن )
عشان كدا عاوز الف وارد لاي واحد فيكم وازور بوستاتكم
لكن المشكلة الجماعة البقعدو في الكرسي وما بقومو

لكن ردك دا والله يستاهل بوست فكااهي كامل
تسلم لتوزيع لرسم الابتسامة على وجه كل من يجلس على الكرسي
الكرسي بتاعنا دا ولا سائل في الكرسي بتاع ناس الكونجرس
واهو اصبر اللكع جاييك

احمد محمد بركات كتب:

تحياتى ياودالخليفه والله انا لى كم يوم متابع مسلسل فروجه دا وقلت مابرد الا اشوف الحلقه الاخيره

لكن شوقتنا شديد بى فواصلك الكتيره دى زى تلفزيون السودان عشان كده طلعنا قرار ادارى وهوممنوع وضع اى موضوع به عدة اجزا بالذات اذا كان موضوع ممتع ومشوق ومثير عشان الناس دى شمارها كتير ودايره تعرف الحاصل على صاحبك شنو بتزوج القبطيه ولا .....................
ياود راشد رايك شنو فى القرار ده
اها هدى قعده النشوف اخر فروجه شنو

اوووو السيد المدير بنفسه هنا
والله اشرقت وانورت
انا لو عارف فروجة بجيبك هنا كان جبتو وجبت معاه القبطية كمان (دي قوية صح )
وشرفتنا قعدتك والله
وفروجة والله اخرو عجييب
واهو نحنا قلنا نمسك من اليد البتوجع ومافي شي بحرق الروح زي تكون راجي ليك شماار وسيد الشمار يتجرجر عليك
تسلم يا ابو حميد للجية
وشرفتنا كتييييييير
والتقيل قدااااااااااام بس صبرك

حمزة محمد على الجــعلى كتب:

قوووول الواقع اكان خير يعم وكان كدىكدى خلص نفسك سريع بس كمل بالحقيقة

حمزة كيفك يا غالي
تسلم للجية
هسع بنديكم حاجة
لكن الواقع لقدام خير
ما عاوز احرق ليكم الفلم ثواني واخليكم مع فروجة

*جمال الوجه بابتسامته البريئة .

* إبتسامتك البريئة تكسبك المزيد من الأصدقاء .

* الإبتسامة لا تكلف شيئا ولكنها تعني الكثير .

* إبتسامة صادقة خير من ضحكة زائفة

ابتســـــــــــــــــم مع ود الخليفه
سوداني وخليك سوداني استقبال مدي الحياة

اه الدعيــــــــــــــات انتهت رجين الباقي ناس اريبا و مشروع المكابراب خليناهن لي دعايات بكره

ود الخليفه الجزلي ان جاء مابديك طريق في الشاشه باقي التلفزيون ده حقوا احسن ليك تسرع الزول ده قبال كده طير قريبي يحي ود كركاب من معاينه في التلفزيون قال ليه ريئس محلية جبل اولياء منو زي الجزائر بلد المليون شهيد قالوا للبنت الشينه احسييهم لينا انا خايفه اجي اطير لين القصه ده من راسنا واقتل احلام فروجه

كده وريني فروجه ده عرق المحبه عملوا وين ......ده شغل مايرنو عدييييييييييل

اسماعيل الريح
تسلم يا ملك للردين اللذاذ العسل
والتحليل جايك قداااااام
بس اتم القصة واجيك


الحلة كلها انكسرت جات تشوف الخواجية
الدايراها فروجة ود حاجة فاطمة00 بت الجراري اول مادخلت سلمت علي البت
وعوجت خشمها وقالت مخير الله البت الزي بت ام لعاب دي شني 0 لكن وحات الله
سمحيتن00 وقالت ليها خصمتك بالنبي مالقيتي راجل غير فروجة ده شنات العدو
عليهو00 لكن بي شانتو دي ولدنا كان قال داير واحدة من بناتي بديها ليهو00
بت بله عاينت يمين وشمال وقالت ليها اسمعيني هنا يابتي بتعرفي الحنة
والدخان اكان مابتعرفيها الرماد كال خشمك الزمن ده الرجال بدورو البت
المجيه وانت سمحة ماشاء الله لكن مابتعرفي عاداتنا وتقاليدنا البت قالت
ليها ياحاجة انا مولوده في السودان وبعرف كل حاجة وانا متربية تربية
سودانية00 حاجة التاية قالت ليها اجي كان سودانية كان اسلمتي وعرفتي الله
كويس00 البت كانت متكيفة جدا لي لمة الناس والتعليقات ورغم التعليقات
الساخرة جدا لكن اكرموها كرم حاتمي عجيب وكل واحدة من الحريم دايرة تقدم
ليها خدمة00 حاجة خديجة قالت ليهايابتي العاجبك في فروجة اب عوينات ده
شنو00 خلاص الرجال عدمو مافضل الا فروجة وجاية يابتي من مدني متكركره
عشانو قادر الله 00 بعد شوية دخلت حاجة فاطمة ام فروجة الكلام كلو اتغير
00 والله بابتي كان ليك نصيب بتاخدي وكل حاجة قسمة ونصيب 00 لكن ابسالك
كان عرستيهو بتسلمي وتقولي لا اله الا الله محمد رسول الله البت قالت كيفن
مابسلم طالما زوجي مسلم اكيد انا حااسلم00 اكان كدي ماعندنا مانع وحلال
عليك فروجة00 انزوت حاجة التاية معاها بت بلة يوسوسن ساكت شوفيها المطلوقة
جاية من مدني لاام ولا ابو ودايرة تعرس الولد هو شن الولد والله كان اخير
ليها تبيت القوي من عرس زي ده00 غايتو يابت امي فروجة الشين ده كان عرس
البت دي بعدين يجيب ليهو سمحت جنيات مخير الله في خلقو00 طبعا شوية بقن
يجن البنات القدرها وفي سنها وبدن الحاجات يمرقن شوية شوية يمشن يعقدن مع
الوالده في المطبخ والمنهمكة في اعداد الغداء00 دخل حاج علي شايل عصاهو
السلام عليكم ناس البيت 00 مرحب ياعمي علي اتفضل لي جوه قال لي ويني
البنية الخواجية بدور اسلم عليها قلت ليهو ابقي داخل البنية في الغرفة مع
اخياتا 00 دخل عليهم حاج علي ومسك ليك البنية بالحضن ازيك يابتي كيفنك
اهلك طيبين ويتحسس في يده ويقلدها ليك تاني انتي كويسة 00 بعد شوية حاجة
التاية حست بانو حاج علي زوجها ده اتاخر مع البنية جات داخلة ياراجل
ماكفاك خلاص سلمت عليها شن بدور منها تاني قال ليها بدور اعرسا00 رايك
شنو00 بسرعة بديهه فائقة قالت ليهو طالما دارت فروجة ماعندها مانع تعرسك
انجره لي بره جراك كلب00 طلع عم علي قال لي ديل النسوان ولابلاش شوف
البنية سمحة كيفن الصاعقة00 والله ياولدي نحن اتمقلبنا وعرسنا ناس خالتك
التاية الكلها شلوخ دي00 حوالي الساعة 8م هدأ البيت شوية 00 ناديت علي
فروجة عشان نقعد مع البت ونشوف حل للقصة دي جاني فروجة ومعاهو حيدر ودخلنا
قعدنا مع البت00 وكانت القرارات الحاسمة في تلك الجلسة التاريخية00 ونواصل

اها يا حلوين زدنا عدد الحلقات
عشان الدعايات كترت وبقى فيها دخل وكدي
(ريد بول بعطيك جوانح )
(عسيلاتي وخليك عسيلاتي )
(في زول عندو قطعة او صقوعاية يعلن عنها هنا )
(قطعة ناصية على الزلط )
يلا يا اسماعيل شوف المناديب بتاعين الدعايات ديل
ونوااااااااااصل القصة

ود العمدة تسلم يا رائع للمرور
اسماعيل لك الف تحية
شباب نأسف للتاخر عليكم نسبة لظروف وكدا
وسأرد على تعليقاتكم واحد


جيتكم صادي عشان نشوف حكاية الولد ابوالفررايج دة موديانا وين00
طبعا بعد الاجتماع الساخن داك افترقنا كل واحد فينا مشي في اتجاه حيدر وفروجة طلعوا مع بعض والبت دخلت عند الحريم لي جوة وانا مشيت الصالون الساعة كانت حداشر وربع تقريبا مع انو مشينا عشان ننوم لكن انا متأكد مية في المية مافي واحد فينا نام اليوم داك لان الموضوع اصبح اكثر تشعبا والبنية مصرة تعرس الولد الشين ده مصرة كان بالرجالة كان بالحسنة00
المهم اصبحنا الصباح الدغش بدري جاني فروجة جاري لقانا نحنا متلمين نشرب في شاي الصباح بالقليمات وشاي الصباح دة متين بعد صلاة الفجر مباشرة عندنا الحاجة الله يطول لينا في عمرها من تصلي الفجر تاني مابتنوم وعلي طول تشرع في اعداد شاي الصباح الانا بعتبروا من اجمل الاوقات عندي 00 المهم فروجة لهط ليهو كباية شب اليلت لبن وزي خمستاشر حبة لقيمات والحاجة تشيل وتديهو في اللقيمات وتقول ليهو اكل يااب رويس تلقاك نايم علي لحمة بطنك من الهم00 طبعا البنية الوحيدة الكانت نايمة 00 الحاجة قالت لي فروجة هي بنية بتنوم لحدي الشمس تطلع دي يسوا بيها شنو00 المهم فروجة قال لي انا طبعا مانمت ابدا و جاتني فكرة ماعارف هل تعجبك ولا لا قال لي انا فكرت اسافر مدني واقابل اهل البت عديل كدة واقول ليهم بتكم في الحفظ والصون وانا جيتكم مادي يدي بدل ما البت تجيب ليكم فضيحة احسن يكون العرس برضاكم 00 طبعا انا عارضته بشدة لاني اعلم تماما بان اهل البت لو انطبقت السما مع الارض ماحايوافقوا وربما يفعلوا في فروجة حاجة علي حسب زعلتهم وغضبهم من هروب بتهم00 اثناء حديثنا صحت البت من النوم والله حقيقة السمح سمح ولو قام من النوم والله تحلف تقول البت حسي مرقت من الكوافير قادر الله علي بناتنا نحنا الواحدة تقوم من النوم تقول كافته شيطان اعوذبالله الشعر منكش كيف والحالة مبهدلة اخر بهدلة00 المهم يالحبان البنية بعد مااخدت ليها دش واتجيهت علي الجيهة العليها جاتنا 00 صباح الخير ياشباب 00 فروجة قال ليها قيلتي كيف بس اتخيلوا زول يقول ليك صباح الخير تقول ليهو قيلت كيف انا ده الله يصبرني غايتوا المهم فروجة قال ليها انا فكرت امشي مدني واقابل اهلك علي طول اعترضت وقالت ليهو لو في فايدة كان عملتها انا الحل الوحيد اننا نضعهم امام الامر الواقع نتزوج وخلاص بعد داك اليحصل يحصل 00 امام هذا الاصرار قلت لي فروجة نمشي السوق ونقابل شيخ الازرق ونسالوا عن هذا الموضوع وفعلا مشينا وقابلنا شيخ الازرق وحكينا ليهو الحكاية كلها من الالف الي الياء 00 شيخ الازرق قال لينا هذا الزواج لايتم الا بواسطة المحكمة امام القاضي الشرعي لان المحكمة لها الولاية المطلقة في مثل هذه الامور وطالما البت هربانة ودايرة تتزوج من غير رضا وليها فالاولي ان تتولي المحكمة الشرعية هذا الامر قلنا طيب هي مسيحية قال تجيب اذن من الكنيسة او تعلن اسلامها لتنظر المحكمة الشرعية في دعوي التزويج00 البت قالت ماعندها اي مانع تعلن اسلامها00 في اثناء ما نحنا راجعين البيت عشان نجيب البت تعلن اسلامها 00 قابلني واحد صحبي ضابط شرطة وهو علي دراية تامة بموضوع البت قال لي كنت ماشي ليك في البيت موضوع البت القبطية عامل ضجة في مدني وانو جاهم تعميم موزعين صورها علي كل اقسام الشرطة للتعرف عليها وقال لي انا راي عشان ماتدخلوا في مساءلة قانونية سفروها وانهوا هذا الموضوع00 قلت ليهو علي بجملة الايمان لو فيها اعدام مابنسفرها طالما لجأت لينا وجاتنا طائعة مختارة لاخطفناها ولا هددناها و جاتنا بارادتها الدايرهو بنسوي ليهاقال لي والله عافي منك وقلت ليهو حرم فروجة دة الليلة دي نعرس ليهو00 المهم رجعنا البيت لقينا في عربية لاندكروزر واقفة قدام البيت دخلنا جوه نلقي ليك البت تبكي وفي واحد من اهلها واثنين من المباحث بجرجرو في البت قلت ليهم مين اذن ليكم تدخلوا البيت ده وهل عندكم امر تفتيش واحد من المباحث قال لي ياخي نحنا جايين بناءا علي معلومات وعلي ضوءها جينا البيت ده قلت ليهو طيب ممكن تتفضلوا في الصالون شوية وقريب البت كان متهيج وثائر المهم هديناهم ودخلناهم في الصالون وعلي طول ركبت العربية وجريت جبت معاي ثلاثة من ضباط الشرطة ووكيل النيابة واتصلت علي عدد من اعيان المدينة وماهي الا لحظات وكان بيتنا كأنوا استاد الهلال وتعالوا شوفوا الحصل00 لمن وصلنا البيت لقينا الحلة كلها متلمة في بيتنا وبناقشوا في قريب البت وناس المباحث 00 قمت انا طلبت من كل الحاضرين ان يخرجوا بره عشان نلقي فرصة نتناقش مع اهل البت وفعلا كانت جلسة تاريخية وسوف احكي لكم بالتفصيل مادار في هذه الجلسة الساخنة جدا00 بس بعد شوية ونكمل يالحبان00

عازين جبنة نعدل بيها الراس المليتو ده عرف نفسك لي عمو علا ء . عصام محمد عثمان حميدة اموه فاطمة بت حاج امحمد ود العضيم يسكن التقر مقيم في جدة خالو جدو حمد

بركات ودالعمده كتب:

ودالخليفة يارائع بس شعتفتا روحنا والله بى فواصلك الاكثر من فواصل قناة mbc والله الواحد جالس وهو مشدود بكل الحواس مع فروجة والواحد حينوم وهو بفكر فى فروجة وفى انتظار تكملة القصة بالله قشة عينك من النوم تبدا تكملا ولك الشكر

بركات ود العمدة كيفنك
وتسلم للقعدة الحلوة القاعدا معانا دي
والله ما براكم انا برضو متشحتف شحتفة
اصلو المصدر برضو بدينا ليها حبة حبة
واهو عشانك حديكم حلقتين زيادة بس خليك قريب
تسلم لمرورك المعطر

احمد محمد بركات كتب:

لحظات وارجع ليكم تاني يالحبان


قاعدين ومنتظرين بفارق الصبر
النشوف ابو عاقلات عملوا شنو
بى مناسبة ابو عاقلات دى عندنا واحد زى فروجه لكن بحب ليه بت واحده بس وحصلت بينهم مشكله وتدخل كل الاخوان والاهل وكان معاهم واحد ظريف
سمى نفسو ابوعاقله على اب عاقله عمر (الدومه )
لان بحل المشاكل ومن ديك اى مشكله يقولو نادو ابو عاقلات

ههههههههههههههههههههههههههههههههههههههههههه
لكن ابو عاقلات دا مبالغة والله
اها اب عاقلة دا ان شاء الله بمش يحل المشاكل ورابط عمتو كويس
لو رابطة دورين ما بنفع
اهاا حنديكم حلقة تانية هسع
بس خلليك قريب شدييييييييييييييييد
تسلم والله جيتك اسعدتنا

سماح ابوبكر مساعدابوعاجبه كتب:

عازين جبنة نعدل بيها الراس المليتو ده عرف نفسك لي عمو علا ء . عصام محمد عثمان حميدة اموه فاطمة بت حاج امحمد ود العضيم يسكن التقر مقيم في جدة خالو جدو حمد

سماح بت ابو بكر هنا
تسلمي والله للمرو والقعاد معانا
وشكرا لتعريفنا بعمك علاء واهو عرفنا كويس بس الصورة ضللتو شوية
الليلة القصة دي جابت ليها عظماء والله
غايتو فروجة كان كدا ليو حق يجيب راس البت القبطية
تسلمي للقعدة وللمرور وللمتابعة

اسماعيل الريح بلال كتب:

ود الخليفه الجزلي ان جاء مابديك طريق في الشاشه باقي التلفزيون ده حقوا احسن ليك تسرع الزول ده قبال كده طير قريبي يحي ود كركاب من معاينه في التلفزيون قال ليه ريئس محلية جبل اولياء منو زي الجزائر بلد المليون شهيد قالوا للبنت الشينه احسييهم لينا انا خايفه اجي اطير لين القصه ده من راسنا واقتل احلام فروجه

كده وريني فروجه ده عرق المحبه عملوا وين ......ده شغل مايرنو عدييييييييييل

قلت لي البت الشينة يخلوها تعد في اسامي الشهداء ساااااااااااااااااي
بعدين الجزلي دا بعد برنامجو دا البستضيف اي زول وبعد ما يستضيفو بودي ضيفو التوج ودائما الناس البتتوفي ديل بكونو اغلبهم استضافهم عمك الجزلي دا
قلت لي استضاف يحي ود كركاب في اسماء في حياتنا غايتو بختو

خليك قرييييييييييب بس

اسماعيل الريح بلال كتب:

*جمال الوجه بابتسامته البريئة .

* إبتسامتك البريئة تكسبك المزيد من الأصدقاء .

* الإبتسامة لا تكلف شيئا ولكنها تعني الكثير .

* إبتسامة صادقة خير من ضحكة زائفة

ابتســـــــــــــــــم مع ود الخليفه
سوداني وخليك سوداني استقبال مدي الحياة

اه الدعيــــــــــــــات انتهت رجين الباقي ناس اريبا و مشروع المكابراب خليناهن لي دعايات بكره

احتمال ناس صالح كامل وناس شوتايم يشفرو القصة دي
جهز حق الاشتراك

جيتكم تاني

[size=24]

جهزنا العربات واي زول عمتو صغيرة رجعناهو عشان يكبرها الموضوع ماساهل 00 اتلموا ناس الحلة كلهم بودعوا فينا التقول ماحانشوفم مرة تانية خوفونا بي لمتم الكبيرة دي وجنس وصايا عجيبة خلاص اوعكم ترجعوا بدون البنية00 لازم تعقدوا وتجيبوها معاكم في عبكم00 واحد قال لي يامنتصر دي زي معركة احد حرابة بين المسليمن والكفار قال لي خسئت اذا جيتنا فاضي البنية مامعاكم00 عربيتين لاندكروزر ملانة فل ومعانا البت وواحدة من اخوات فروجة ونحن علي وشك التحرك منتظرين فروجة تاخر علينا 00 وحاتكم لما جا ماعرفت اودي وشي وين من الفضيحة صاحبنا جا لابس بنطلون احمر وقميص اصفر والله حلاوة مولد بس00 المهم ركب جنب البت ويقرقر معاها ساكت بقول ليها في شنو انا ماعارف00 ونحنا في طريقنا لي مدني بدينا نتشاور كيف نقابل الناس ديل وهل نفأجئهم ونحنا معانا بتهم ولا نخلي البت في بيت صديقتها00 اتفقنا فعلا نخلي البت في بيت صديقتها ونمشي نحنا نقابل اهل البت والناس الماشين معانا ناس خير فعلا ودايرين انو الموضوع الجو من اجله ده يتم لانو عارفين القصة من قولة تيت00 خوف وحذر واحيانا صمت رهيب ينبئ بحدوث عاصفة قوية 00 البت في الطريق قالت مهما حدث لن تتخلي عن فروجة وهي تبكي قطعت قلوبنا الله يجازيها00 بعد مرات اعاين لي فروجة يقوم يلوي لي خشمو يعني الله يستر تحس بيهو خايف من المجهول 00 المهم يالحبان وصلنا مدني واول حاجة مشينا بيت صديقة البت وهي ساكنة معاهم في نفس الحي تبعد من منزلهم نحو مربوع واحد 00 اهل صديقة البت استقبلونا استقبال خرافي وابوها لما شاف العمم الكبيرة حلف طلاق لازم ننزل عشان يكرمنا وعلي طول مانشعر الا المرارة والشية جاتنا ياهو ده السودان ناس الكرم والجود والطيبة ابو البت قال لينا ربنا يسهل مهمتكم لكن هي صعبة لان اهل البت في حالة صعبةجدا 00 مالفت نظري صحبت البت جمال وادب واخلاق غير عادي والحقيقة نالت اعجابنا كلنا البت قالت لي ام البت في حالة غيبوبة من يوم ماهربت حاولت استفسر منها صعبت لي الامور شديد المهم بعد ما اكلنا عندهم وجبة الغداء توكلنا علي بيت القبطية طبعا هي تركناها مع صديقتها ومشينا نحن الرجال فقط ومعانا ابو صديقتها منزل جميل جدا مكون من طابقين امامه حديقة دقينا الجرس جاناولد صغير عمرة حوالي عشرة سنوات قلنا ليهو وين ابوك قال لينا دقيقة بعد شوية جانا الابو مارق شخص عمرة فوق الخمسين وتبدو عليه ملامح الطيبة سلمنا عليه قال اتفضلوا دخلنا في الصالون مشي جاب لينا بيبسي واكرمنا كرم انا قلت يمكن الزول ده جعلي الكل في غاية الحذر والغالبية في صمت وبعد شوية عمنا ابراهيم فتح الموضوع وكانت المفأجأة00 نواصل بعد شوية 000[/size]

ياودالخليفة شويتك دى اخدت ليها يوم كامل ياخى حن على الجماعة المساكين ديل مبارنك ليهم اسبوعين بطريقتك دى بتفقع لى واحد من ناس الشمارات

بركات ودالعمده كتب:

ياودالخليفة شويتك دى اخدت ليها يوم كامل ياخى حن على الجماعة المساكين ديل مبارنك ليهم اسبوعين بطريقتك دى بتفقع لى واحد من ناس الشمارات

ود العمدة كيفنك
لازم اشحتفكم الشحتفة الاتشحتفتها انا من المصدر
هههههههههههههههههههههههههههههههههههههههههه
قلت لي ناس الشمارات هسع بكونو ممغوصين مغصة
(ومغص مغص يا العزابة )
تخريمة
انا مستغرب اكتر ناس جنهم الشمارات الحريم وما شايف لي الا بت واحدة جات هنا
الباقيين بكونو بتاوقو بس
وتسلم للمتابعة وحنزل حلقة زيادة عشانك
لك ودي وتقديري