رزاق يا كريم
صلى على عجل
همهم همهمة
حصن للعباد
وهوزز سبحتو
ودنقر للتراب
هم فوق همهمـة
صنقع للسما
وكان في الجو
في غيم
وكم نجمات بعاد
وكان الدنيا صيف
لا قالتو كيف
كيف أصبحت كيف
لا لمسة حنان
لا لمسة وداد
لا رمشة طريف
من قلبا وفى
زى ايام زمان
أيام الدفى
***********
كانت ماهـا في
كانت فى المراح
شدتـلـو ال<<<<<<
تحلب في الغنم
لي شاي الصباح
والطير ما نضم
ما رسل نغم
عم عبد الرحيم
أتوكل نزل
في المشرع لقا
زملان الشقا
الجا من الجريف
الجأ من الجبل
عل الناس بخير
صبح هاظرم
نقنق ناقرم
غاظوه ونعل
وعم عبد الرحيم
ما بخبر زعل
كل الناس هنا
ما بتخبر زعل
تزعل من منو
وتزعل فى شنو
كل الناس هنا
كل الناس صحاب
كل الناس أهل
والماهم قراب
قربم العمل
الطاق اليطق
عشت ابو الزمل
بالحالة العليك
بالفال بالامل
**********
عم عبد الرحيم
فلاح في يوم كت
فى ايدك تنوم
على كيفك تقوم
لا دفتر حضور
لا حصة فطور
تقرع بالقمر
تزرع بالنجوم
لكن الزمن دوار آبدوم
عم عبد الرحيم
ماشى على الشغل
في البال القديم
أتعارض تكل
تنشايح جراح ..
يا كيف الغسل ؟
الدنيا أم صلاح
تبدأ من التكل
من حجة الصباح
في حق الملاح
في اللبس الجديد
في القسط القديم
وبيناتن عشم
في الفرج البعيد
***********
امونة الصباح
قالتلو النعال
والطرقة انهرن
ما قالتلو جيب
ما قالتلو جيب
شيلن يا الحبيب
غشهن النقلتى
والترزي القريب
بس يا أم الحسن
طقهن آبفيد !!
طقهن آبزيد !!
انطقن زمن
وان طق الزمن
لازمك توب جديد
وبى اية تمن
غصبًا للظروف
والحال الحرن
يا ام الرحوم شان
ما تنكسفى يوم
لو جاراتنا جن
مارقات لى صفاح
او بيريك نجاح
ده الواجب إذن
وأيه الدنيا غير
لمة ناس في خير
أو ساعة حزن
**************
عم عبد الرحيم يا حر
ماكا حر
ياريت التمر
يا ريت لو يشيل
كل تلات أشهر
والله أيام زمان
كانت ما تمر
كان ما جاك هوان
ما لاقاكى ضر
كان لا ضقت ضيق
لا اتغرغر فقر
لا شابيت غريق
لا طلوح صبر
وكان ما كان وكان
كان اكسيكى در
*******
حيكومات تجى
وحيكومات تغور
تحكم بالحجى
بالدجل الكجور
ومرة العسكري
كسار الجبور
يوم باسم النبي
تحكمك القبور
تعرف يا صبى
مرة تلف تدور
ولا تقول برى
أو تحرق بخور
هم يا الفنجرى
يا الجرف الصبور
كل السقتو ما
باقي على التمور
وأرضك راقدة بور
لا تيراب وصل
لا بابور يدور
والماهية أف
عيشة هاك وكف
في هذا الزمن
تب يا دنيا تب
في هذا الزمن
تف يا دنيا تف
يا العبد الشقي
ما أتعود شكي
لكن الكفاف
فوقك منتكى
والسوق فيك ياسوق
حالا ما تسر
الا كمان فى ناس
فايتاك بالصبر
ساكنين بالايجار
لا طين لا تمر
واحدين بالايجار
ما لا قين جحر
سلعتم الضراع
والعرق اليخر
عمال المدن
كلات الموانى
الغبش التعانى
بحارة السفن
حشاشة القصوب
لقاطة القطن
الجالب الحبال
الفرن الفطن
الشغلانتو نار
والجو كيف سخن
فرقاً شتى بين
ناس عيشا دين
مجرورة وتجر
تكدح بالاجر
ومرة بلا اجر
عيشهم كمهو
ودﻴﺷﻦ هان قدر
*********
وناسا حالا زين
مصنع مصنعين
طين فى طينو وين ؟
ما مرابا مر
بارد همها
لا يعرق جبين
لا وشا يصر
عين والله عين
كلها كمها
وعزها هان قدر
دى الجنة ام نعيم
الجنة ام قصر
عبد الرحيم يا
الا ورا القبر
يلكد فى ال<<<<<<
لا تسرح كتر
وان كان الفقر
يا عبد الرحيم
اشبه بالكفر
***********
حيكومات تجى
وحيكومات تغور
تحكم بالحجى
بالدجل الكجور
ومرة العسكرى
كسار الجبور
يوم باسم النبى
تحكمك القبور
تعرف يا صبى
مرة تلف تدور
ولا تقول برى
او تحرق بخور
هم يا الفنجرى
يا الجرف الصبور
كل السقتو ما باقى
على التمور
وارضك راقدة بور
لا تيراب وصل
لا بابور يدور
*********
نقرط لل<<<<<<
نقريط ال<<<<<<
لا تنسى النعال
الطرقة ، الخدار
اللبس الجديد
تسريح السفر
للماشى الصعيد
ماشى الديش نفر
والبــال اشتغل
والبال اشتعل
بالابا مايعيد
الحول ما اشتغل
الغبن الشديد
السابة ورحل
الضيق المحل
الفرج القريب
الجا وما وصل
زى الحال دة يوم
لا كان لا حصل
والبال اشتغـل
*************
السكة الحديد
ياعم القطر
يا عبد الرحيم
قدامك قطر
وسال الدم مطر
وطارت دمعتين
وانشايح وتر
يا طاحن الخبر
ما بين القضا
ومرحاكة القدر
الشهدو الدموم
و الدمع الهدر
ايدهم فى التراب
والعين فى القطر
عارفين الحصل
عارفين فى حذر
الخبر اليقين
بوخ وانتشر
اطفال القرى
وعمال الحضر
ادوهو الطيور
ودنو البحر
انصاعد السحاب
وادفق مطر
عم عبد الرحيم
فى الشارع عصر
لى تالا اليسار
متفادى الكجر
عربية الكجر
دورية الكجر
جفلت ال<<<<<<
وطوح زى حجر
وعم عبد الرحيم
اتلافا القطر
فتاح يا عليم
سال الدم مطر
جرتق بالتراب
منشور بكتاب
روشتة وجواب
ماهية شهر
مفتاحا قراب
اورنيقين سهر
جم لبدة <<<<<<
مقطوعين ضهر
عم عبد الرحيم
يا كم ن بشر
عم عبد الرحيم
يا كمين بشر
صحى الموت سلام
ما يغشاك شر
صح فى الموت سلام
ما يغشاك شر
**********