اديني سفة خلي المزاج ينعدل

ابورونق كتب:

هوي يا اهلنا هوي البسفو والما بسفو ادونا رايكم في الداهي ده صحي او غير صحي حلال والا حرام اجتماعي ام لا اجتماعي غايتو انا كرهتي في الدنيا دي داهيا يقولو ليه سعوط او سفة وزي ما قلت جربتها مره وانا صغير اشوف ليك الدنيا دي لافة لف زي المروحة وحالتي دي سفيتها بقطنة وطرشت جنس طراش يفوت طراش الملاريا والجداد عافاه اها رايكم شنو والعندو موقف مع السعوط يحكيه لينا واشوف النسبة الكبيرة من شباب العسيلات يدمنون السعوط واتمني ان يقلعوا عن هذه العاده السئية

اخي يوسف تحياتي اول حاجة الطراك الشي الكعب دا شنو انت في امريكا زول ساى بسف فيها مافي وتاني حاجة ا لحمدلله ا لدوش راسك وبقى ليك عدو دائم ... الجداد ماجربه ساى اكان جربه اكان بقى مدمن ... الحمدلله الشئ الوحيد الذى لم اجربه طيلة حياتي واكن له نوع من الكراهية العمياء هو وشقيقه السجائر حمانا الله من الاثنين فضررهما اكثر من نفعهما اذا كان لديهما نفع والله اعلم ...

الخال ابو رونق جزاك على الموضع الرائع
التمباك او الصعود كما يحلو للسادة مستخدى هذا المكيف
المقرف تماما الذى لايليق باى شخص يقابل البنى ادمين
وذلك لقباحة منظر حضرة المسنخدم امام الناس ويذيد المنظر
قباحة وعيبا عندما يريد القرييف ان يبصق التمباك ويالهو من منظر بشع
تكبر عينه وهو يشد لسته ومنظر اللثة كرحم البقرة
صاحة الشى عيب وماهو اجتماعى وشنو يعنى صعود
وماهو الفوائدة الممرجوءة عند تناولك الصعود ياناس
هو بالله عليكم والله اظنكم اكان بتدرو تكبرو راس مال الغرابة ويجو يعاونا
حركة عدل ومساواة ده اركو مناو والشى ده انتو السبب فيهو
وبالنسبة للراي الدين والله اعلم فى حديث بيقول
قال صلى الله عليه وسلم لاتقودو بايديكم الى التهلكة
اى ان يجب ان نمتنع عن اى شى قد يضر بالصحة
واظن بل او اكد تماما ان التمباك ضار بالصحة ولذا عند استعماله
قد توثم عليه والله اعلم

الخال ابو رونق لك التحيه
الحمدلله الذى جعل فى نفسنا كرها لهذا المخدر اللعين وانا ماجربتو نهائى فى حياتى ولكن لى موقف ان فى عمر صغير كان الحورى خالى بسف وبحكم انا معاهم فى البيت على طول كان يداوم على مرسالى وانا مابقدر ارفض طلب من خال عزيز ففى احدى المرات علم بلال عمى الله يديه العافيه بانى بجيب السعوط لى الحورى خالى فحزرنى ان اجيب ليو السعوط وقالى اخر مره لوشفتك مابرحمك بهذا اللفظ فبقيت بين البين لا اقدر ارفض لى الخال ولا بقدر اعصى العم فكان حازم معنا يعاملنا بشده ليس كرها ولكن خوفا علينا فقررت ان اشوف حل بتغير اتجاه الرجعه من دكان الحبر بدل ما ارجع بى شارع بيتنا ارجع بى شارع النص واصل ميدان الشعله مرورا بى ناس المحجوب ودحمد من الخلف وانط بى الحيطه لو مشيت بى الباب كنت اخاف انو اشوفنى ففى بعض اليوم عرفت انو بلال مشى الخرطوم وقلت طالما هو مافى احسن امشى بى شارعنا اقرب فازكر اول ما لفيت على شارعنا اصادف بلال عمى انو رجع على البيت نسى شيئ وراجع على المواصلات كان بطلع متأخر هو ولسوء حظى كنت احمل الكيس فى يدى لانى لا اطيق ان اضعه فى جيبى ويلاحظ بلال الكيس من غير ما يسألنى ما احس بى نفسى الا وانا طريح على الارض نلت منه كفا جامد وهذا لن انساه طيلة حياتى وكل ما اشوف سعوط اتزكر الضربه وماتشوف الا الخير يوم كامل نايم فمابالك لو سفيت كان حا يعمل معاى شنو والله بلال كان نعم المربى لنا فى عدم وجود الوالد كان والدنا الثانى وما عايز امدحو لكى انقص شيئ من شأنه فله فى نفسى مكانه لا يعلمها الا الله ما حسينا لحظه بفراق الوالد فى الغربه لما كان فى السعوديه وماعايز اطيل عليكم فليس عندى الا ان اقول ربنا يديم الصحه والعافيه الى من كلف نفسه وحل محل والوالد ومن الصعب جدا ان تجد شخصا يحل محل الوالد فى كل الامور لك تحياتى وحبى يا عمو الغالى ابوعلا

بركات ودالعمده كتب:

لك النحية الاخ بوسف
طبعا كما هو معروف التمباك سبب رئيسى من اسباب سرطان اللثة واتحدى اى شخص ان يزكر له اى فائده ترجع على الشخص المتتنبك فهو يصنف فى بعض الدول من المخدرات وهو فعلاً من المخدرات اذ يصعب على المدمنين ان يتخلصو منه
ولكن بالعزيمة والاصرار يمكن التخلص منه وانا واحد من الناس ادمنت علية قرابة الخمس سنوات وبحمد الله تمكنت من تركه منذ اكثر من عشرة اشهر وفعلاً الاقلاع عنه كان صعب جداً ولكن الحمد لله الذى اعاننى على تركه
وللاسف 75% من السودانين يدمنون التمباك وبالذات الشباب وذلك عائد للفراغ والقرف والقهر الذى يعيشه شبابنا اليوم اسال الله ان يعين كل من فى نيته تركه وخايف من الخرمة

ههههههههههههههههههههههههههههههههههه



لنا عودة لهذا الموضوع

ابن العم ابورونق والله ده موضوع جميل وحقو اي واحد يفكر في موضوع السفة ابداءا من شحدتها الي رميها في الواطة وكلها مراحل كريهة وتجلب للاسنان الاشمأزاز واتمني من كل عسيلاوي يغير رأيه في موضوع السفة ويقيف تماما عنها والله يا اخ يوسف حتي الرائحة في فم السافي حكاية شينة وربنا يحمي اولادنا منه يارب .... وبعدين تعال يا يوسف انت في امريكا شنو الخلاك تذكر الصعوط زي ما قال الاخ ابن العم محمد بركات تحياتي له اذا شاف تعليقي ده

[size=24]ابن امي محمد والله الشي الطراني ليه لقيت ليك سودانيين بالكوم في امريكا ما خلو العاده دي رغم ما تجده من نظافة ورقي المجتمع السوداني بامريكا ولكن لسه مع كيف السعوط ولا ادري هل هو اخف وطاة من السيجار ام لا والاثنين مضارهم كثيره وربنا يهدي الجميع

الاخ يوسف هو جدمقرف لكن انا مبتلى بهذا الشى وما قادر اخليه وبقت على قصة ودالنعمة مرة قالو ليه خلى الصعوط قال ليهم والله من شدة ريدتى ليه لى مراد ابلعها ما ابصقها

والله فعلا السفه خطيره وبتسبب امراض خطيره وزمان جدى عبد الباقى كان برسلنى من دكان جباره ومره سفيت ونمت نومه فى جنينه امحمد تاتا واتاخرت عرفنى سفيت ادانى ليك تنقلات بالمركوب وتانى اصلى ما تنيتها

سفة بى عطرونا ,,, ولا بقرة بى قرونا

اعمل مسكول .... جيب سفة .....

ياابورونق انت عايز تبور صعودالحبر عمي
احكيلك دي الحبر عمي قالولي الشباب المعاي علي يوسف بسف انا مابسف بس بضحكو علي
قال لي ياعلي ماتسف اسكر ساي

الاخ العزيز ابو رونق لك مني كل الود لطرق هذا الموضوع الغير اجتماعي وقبل ما ادخل في الموضوع احب اعرف ابن الاخت محمد عبد الوهاب بانني وبفضل الله خليت السفة لي قرابه السبعة شهور ولله الحمد وقبل احكي قصة حصلت لي مع السفة. وطبعا كنت مدمن صعود لدرجة ما تتصورها والله انا بسف وكرهانو الي ان جاء اليوم المشهود قبل صلاة المغرب بقليل طلعت الكيس عشان اسف شوف سبحان الله بقيت ادردم في السفة فجاة نظرت الي الكيس وجدت في نفسي كره إشمئزازشديد بدون ما اشعر رميت بالكيس بعيد والحمد لله من ذلك اليوم وجدت راحه نفسية كبيرة وايضا انصح كل من يسف يعزم علي تركه والله مافيه اي نفع بل ضرره مادي ونفسي ومعنوي. في المرة الجايه احكي ليكم قصتي وتحياتي لك اخي يوسف