اب بنطلون قول تك

احد اعمده التعليم في العسيلات غيور علي اهله وعلي مدارس العسيلات يحب التشجير والنظام تسحرك طيبته وهو والثلاثي عوض جون وابراهيم احمد موسي اساتذه اجلاء قدموا للعسيلات ومازالوا بالاضافه لزعيم التعليم الاستاذ ادريس علي مصطفي علي حسن عيلمونه الجيلاني دفع الله حسن الشيخ ادريس المرحوم الاستاذ الفاضل ووو قائمة من الاساتذه سنعود اليهم بالتفصيل هنا نود ان نتحدث عن الاستاذ خالد محمد عبدالله وله مواقف طريفه صادفته في مسيرة عمله ومنها اب بنطلون قول تك حدث هذا عندما اتي عدد من المفتشين في جوله ميدانيه لتفقد مدارس شرق النيل فصادف د.........هم للمدرسه الابتدائيه الام( مكان مركز صحي الفرقان العسيلات الان) كانت بحق مدرسه وحديقة منسقة تزدان بالاشجار الجميلة المهم استاذ خالد شاف ليه غنم داخلات علي المدرسه قام كورك في المشرفين يا اب بنطلون قول تك اب بنطلون قول تك فيا لها من ايام ولنا عوده لمدرسه العسيلات الابتدائيه بنين تاسست عام 1949

ومن الاساتذه الاستاذ المرحوم احمد عبدالباقي الاستاذ صلاح ادريس ستو وصلاح ستو دي جننوهو ناس المحس بيها خاصه الاخ عادل حسن لديه قصه مع الاستاذ صلاح ادريس والاستاذ احمد النعمه ذلك الساخر الظريف ساعد له بوست خاص وخاصة قصة ابوحميد ود بت سرار عربيه حمده جابت الحطب وقولته المشهوره ودالنعمة انا فرقت من المدرسه هههههه قصص طريفه وايام لها ايقاع مش حقت حسين خوجلي ايام ودالنعمة والمدرسه

تلك الاسماء كانت تلمع في العصر الذهبي ايام كانت العسيلات منارة بترجع التائهين
هؤلاء شعوا نورا واتذكر بان الجمعيات الادبية كانت تنفس عن الاهل اي محضورة
كرة القدم العلاقة بين الاهل كانت وطيدة لدرجة لا يفتح الراديو الا بعد البرود والذي
كان سبعة ايام وبحق كانت فترة العصر الذهبي في كل شئ والله يرحم ايام المحطة
الاوسطة ولقد وفقت كثيرا في ان تصع اضاءات لتلك الحقبة وهذه الموضوع له مني
جائزة افضل موضوع وانا لقد تحاشيت ذكر الاسماء مخافة الوقوع في المحظورات

شكرا بن عمى لنرجع للقامه الرفيعه استاذنا خالد فله قصه طريفه فى احدى المرات زار المدرسه مفتش انجليزى وكعادته كريما جهز له افطار يليق بالضيف لكن ياحسره رفض تناول اى حاجه واستاذ خالد يترجاهو وهو يهم بالركوب water بس ان شاء الله وكت ما عاوز تاكل حاجه

ربنا يده الصحه والعافيه استاذنا الجليل خالد محمد عبدالله ويطول فى عمره بقدر ما قدم للتعليم

يا سلام يا أبو رونق والله أصيل

أستاذنا خالد محمد عبدالله جندي يعمل في السر والعلانية .. وقد عملت معه متطوعا لمدة عام لسد النقص وكان ذلك في العام 1997 والله أقول بمعنى الكلمة لم أجد إنسان متجرد لخدمة العسيلات مثله وهذه شهادة مني أما الله..

يكفي أن حمادة الطريفي علق بطرافته المعهودة قائلا " والله الحكومة دي مافي زول خادمها إلا البيار وأستاذ خالد" وفعلا عمنا محمد الأمين مضوي "البيار" كان يحرص أن يذهب للخرطوم سيرا على الأقدام حتى أم ضبان "في ذلك الوقت" كل عصر يوم جمعة قاطعا متعة جلسته مع عياله مفضلا البكور في أداء الواجب .. يرحمه الله بقدر ما أعطى وأطال الله عمر أستاذ الأجيال العم خالد محمد عبدالله الرجل البشوش المرح صاحب الطرفة والروح المرحة

أبو مازن

يا سلام ياجماعة والله العظيم ذكرتمونا البلد والحاجات الحلوة والجميلة والواحد افتقد هذة الاشياء منذو زمن طويل حتى الضحكة بقينا نشتهيها الله يديكم العافيية .اما بالنسبة للاستاذ والمربى الفاضل استاذنا خالد محمد عبدالله ربنا يعطيه الصحة والعافية ويطول عمره انشاءالله يارب فلديه كثير من المواقف الطريفة فالاستاذ خالد هو سبب تسمية ابلعة بهذا الاسم ولكنى لا اذكر تفاصيل القصة جيدا فمن يذكرها جيدا فليرويها لنا ودمتم

شكركم الاخوة ابناء الشرق
والله كلامكن وقصصكم وحكاويكم حلوة وخاصة حكاوى الاهل
إكرنك الفتو ويا اب بنطلون قول تك .......
الاخ يوسف بركات (ابو رونق ) لك منى التحية وانا صراحة بحب
قصص وحكاوى الاهل فنرج منك ان تمدنا بهذة القصص والحكاوى
العسيلاوية البحتة نطلبها منك فى منتدى السديرة لو تكرمت علينا
نحن اهلك نا س السديرة

ابو عمار العمده والاخوة المتداخلون شكرا علي مساهماتكم ونواصل السرد

يحكي عن شيخ خالد انه عندما كان يقوم بالتدريس كانت له طريقة خاصة منها ترديده للكلمات بعبارته المشهوره كماااااااااااااااان كماااااااااان اها اخونا حنانيه كان دافن ليك دي لاستاذ خالد ومره استاذ خالد كان مريض وذهب لحنانيه للعلاج وحنانيه الفرصه جاءته لحدي عنده وقال لازم ينتقم ليك من استاذ خالد فقال ليه افتح خشمك عشان نفحصوا وبعدما ان قام استاذ خالد بفتح خشمه حنانيه يقول ليه قول ااااااااااع قول ااااااااااع واستاذ خالد يقول اااااااااع اااااااااااع وحنانيه يقول ليه كماااااااااااااااااااااااااان كمااااااااااااااااااان كماااااااااااااااان ههههههههههه
وهنا استاذ خالد عرف المقلب

ولاستاذنا الجليل ودالنعمة مواقف مضحكة وجميلة ومنها انه ذهب هو واخونا عبدالحميد ودالبيار ( ودحنينة) للفنان الراحل سيد خليفة رحمة الله عليه وكانوا يريدون السفر لابوظبي واعطوه الجوازات وبعد كام يوم سيد خليفة عمل التاشيره لعبدالحميد عشان صلة القرابه بينه وبين عبدالحميد ورجع جواز ودالنعمة بدون تاشيره وفي اليوم داك سيد خليفة كان يغني في الرادي

فما كان من ودالنعمة ومن شده الزعل ان قام بقفل الرادي وقال لسيد خليفة
امش غني عند ناس حنينه

ابوعمار العمده

ان شاء الله سوف امدكم بهذه القصص ولكن هناك اشخاص ملمين بها اكثر مني وربنا يقدرنا علي امداد منتدياتنا بكل ما هو مفيد ومشوق ولك الود وبالمناسبه انا مشترك في منتدي السديره

الاخ يوسق بركات احمد (ابو رونق )السلام عليكم .
ابعث اليك تحياتى واشواقى اليك من بلد جد العسيلات (الرسول)
وكل عام وإنت بخير ورمضان كريم ومبارك عليك ..
وى الحقيقة حكاوى العسيلات عاجبانى جدا جدا ويا اب بنطلون
قول تك !! بصرحة رسخت ى ذهنى والله كلما اتذكرها اضحك !!!!
وباتلمناسبة انا تركت منتدى السديرة عشان مافية نوادر عسيلاوية
فارجو منك ياأخى أن تواصل فى الحكاوى إنشاء الله حتى ولو فى
الخاص ضرورى وانا معاك على صول ,,,
بالمناسبة استاذ احمد ود النعمة جلس معانا فى السديرة سنة
كاملة خدر فيها الحواشة (ويا اب بنطلون قول تك)