قهوة العسيلات

يلا يا حبيبنا احلي قهوه وشاي لاحلي ناس والله يلا يلا الافتتاح اليوم والتصديق من سعادة المدير العام شخصيا

يا سلام يا اب احمد ارح ادينا قهوه كدي بمناسبة الافتتاح

سلام يااب احمد

كيف الجماعه السفافه والفرد لسه فى الطرمبه والقهوه والشيشه .

واحد شاى لى اخوك باقى الهنود ديل جنهم شاى كملوا علينا الليله قلنا نجى قهوه اب احمد ونشرب شاى كارب من السودان

ياناس قهوة اب احمد دى نطالب بان تكون مثبت لزوم الونسة والدردشة وممنوع د......... الصغار خوفا من لخمة الجبنة ولحس الفناجين ... هل من مؤيد ؟؟؟

نرجو التثبيت زى ما قال الاخ محمد بركات واليوم الاول كل شى مجانى يلا ادينا اتنين شاى انا وابكدر

ودالخاله القهوه كان انتهت نادى لى بى فوق النشرب لى معاكم فنجان

صباح الفل والورد والياسمين ياناس القهوة
وينك ياابحمد القهوة مافيها اى زول محمد عبدالوهاب تاوق ورجع واناكمان حاارجع واجيكم مرة ثانية ماتنسى السكر وامكن العدد اليوم يكون زائد شوية معاك شوية بنابر
وماتنسوا اخبار البلد معاكم اى حاجة ان شاء تسردوا لينا الرحلة في الحافلة من الحلة حتى الخرطوم ..... !!!!

صباح الخير عليكم والله الواحد من الصباح داير ليه فنجان قهوه وين الزول الماسك القهوه دا

ماجاء
عووووووووووووك ياابحمد وينك تلقاك فى الطرمبه والحافلات ماجن ولا فى حافله مبارك ود ابقدوم وقال مامشى
تحياتى

محمد بركات احمد كتب:: ياناس قهوة اب احمد دى نطالب بان تكون مثبت لزوم الونسة والدردشة وممنوع د......... الصغار خوفا من لخمة الجبنة ولحس الفناجين ... هل من مؤيد ؟؟؟

خلّيهم يجو كبار وصغار ...

حلاتا جبنة ناسنا والقعدة في الراكوبة
البتفرّح قلوبنا ال بالاغتراب منكوبة
لي أرض الحنان اليوم بدور لي ركوبة
ينعشني جنزبيلا وفوح المسك من كوباا

احمد محمد بركات كتب:: صباح الخير عليكم والله الواحد من الصباح داير ليه فنجان قهوه وين الزول الماسك القهوه دا

ماجاء
عووووووووووووك ياابحمد وينك تلقاك فى الطرمبه والحافلات ماجن ولا فى حافله مبارك ود ابقدوم وقال مامشى
تحياتى

صباح الخير عليك سيد الجلد والراس
لو مشيت حيدر اباد أو كنت في مدراس
حايز للعلوم وبيها مالي الراس
جهدك في المنتدي في عينّا قبل الراس

مافي قعدة بتحلا من غير نغم غنّاي
ينقرش عودو مرّة ومرة عازف الناي
يا أرض الحنان بريدك وكل مناي
أزورك وابتهج ويفرح معايا جناي

القهوة دايما عامرة ساحاتا فيها الفرحة
فيها الكرم من ناسا سابفاو وشوش منطرحة
في جوار أهلي قلوبنا يوت منشرحة
خلّوني الندوبي وأغنّي وأنشد غناي يا مرحي

فنجان جبنه وسط اهلي وفي قهوة اب احمد يسوي الدنيا بحالا ويا بص ام حنا عليك الرسول بوري بوري ولقهوة اب احمد ودينا وتسلم وعايزين الشمارات الدقاق يااب احمد ولصاحبك محمد عثمان حبابو وتفضل معانا قهوه

حبابك ودميرغني خليفه ود عز الرجال
حبابك وسط اهلك فهنا العم والخال
هنا اولاد الفكي ابراهيم واولاد النجال
هنا ناس القويز والحسناب واولاد ابوشمال
هنا اولاد اب اضينه هنا اولاد النحاس والبستروا الحال
هنا القبيله هنا الركيزه هنا احفاد النبي اهل جاه ومال
حبابك وابشرن يا بنات ام حمد وبنات حلو ولودميرغني ادن الشبال

محمد بركات احمد كتب:: ياناس قهوة اب احمد دى نطالب بان تكون مثبت لزوم الونسة والدردشة وممنوع د......... الصغار خوفا من لخمة الجبنة ولحس الفناجين ... هل من مؤيد ؟؟؟

لكن اقترح كل واحد يجيب معاه الشئ البقدر عليه يعني نشوف راكوبة للجلسة وانا علي السكر للناس السكر
ولكن الفحم علي حسب الظروف

صباح الخيرعليكم وكيف حال ود عباس الجعلي انشاء اصبح كويس اه انا صاحب
الاقتراح وعشان كدي امس وصيت ابقرجة وجاب لي بنابر من سوق ود حسونة
اها اقعدو عافية فيها ومع بعض نشرب قهوة اب احمد
-------------------------
الاماني العزبة تتراقص خيالي

سلام اهلنا العزاز وكيف حالك اقبيلة ادوني بنبرانتوهط وعندى موضوع مع احمد عجب دا تعال بيجاى ازول
كوبوا لي فنجان قبال مااجيكم ...

ياجماعه كيفينكم جيتا جيتو حبابكم عشرة الظاهر انا جيت فى اخر الجبنه البسموه البركه واظن محمد ميرغنى اخوى ده البركه ما خلاها لينا بى كلامو البشرح القلب ده الله اديك العافيه وصح لسانك

ياجماعه كيفينكم جيتا جيتو حبابكم عشرة الظاهر انا جيت فى اخر الجبنه البسموه البركه واظن محمد ميرغنى اخوى ده البركه ما خلاها لينا بى كلامو البشرح القلب ده الله اديك العافيه وصح لسانك

السلام عليكم اولاد امحمد عسيل اها مافي خبر عن وليد ناس الجعلي انا حا ارص البنابر واشرب لي
فنجان وايمكن اخد لي قعدة في دكان الحبر اتونس شوية وعلي امل القي خبر عندهم تخريمة كما يقال معليش ياود اعمي ابو احمد بس فارق الزمن بخليني اشرب قدامكم

سلام يااهلنا
والله القهوة دى اول مافتحناها ماقلنا للسلام وبس اهم حاجة في القهوة القعدة والونسة
واهم حاجة اخبار الحلة عووووووك ياناس ا بحمد وعمر ادريس وعلي الجعلي وبورداب السودان في انتظاركم وانا حالف الليلة مااضوق لي فنجان ....
تخريمة // محمد عبدالوهاب وقت الله وداك السودان لقط لينا خبرين تلاته نبل بيهن شوقنا للحلة ماضقت الزرة براك .... وعليك الله قول للعيش قلل الملح في الفته نحن ناس كبرنا خلاص بينفع معانا اكل الماسخ

ودالخاله جبنتك جاهزه والله امشى اجيب ليك البن

خائنين والله مابتكلموني ليه كدي قبال الشكله كوبو لي جبنه مافي فنجان في كباية شاي والسكر بره ( اشرب الجبنه دي وراجع ليكم )
والله الجبنه الخلت ابورونق يدوبي دي ماساهله

وعجب وعمنامحمد بركات ومحمد عبد الوهاب حرسوها حرسه طبعهم شين هههههههههههههههههه

الله يخليك يا ود الخالة بس الايام دي قاعد اخرم لي تخريمات
وامشي منتدي السديرة قلت اشيل ميراث امي نور والله هم
ماقصرو ناس لقمان والفاتح قدوم واعطوني حقي وزيادة
في شان كدي اليوم كان في تاخير ولكن ركبت من الكنار
--------------------------
الاماني العزبة تتراقص حيالي