ما رايك فى تشابك الايادى بين الزوجين بالاماكن العامة

[size=18]اولاً مشكور الاخ شمس الدين علي طرح هذا الموضوع وكذلك التعقيب من الاخ اسماعيل وانا لي فترة طويلة منقطع من المشاركة في المنتديات وذلك لظروف خارجة عن ارادتي ولكم العتبي حتي ترضو .

لكن انشاء الله سوف تكون العودة تدريجياً
بالنسبة لموضوع تشابك الأيدي زمان كنا قبل الزواج ننظر لهذه الحركة بأستغراب شديد ونستنكرها لكن ذي ما بقولوا الفي البر عوام .نظرة الشخص المتزوج تختلف عن نظرة الغير متزوج فكما قلت قبل الزواج كنا نقول ( عليك الله شوف ده ماسك يد مرتو كيف التقول عاوزة تطير منو ) لكن بعد الزواج اصبح الأمر عادي وكل واحد له سبب وانا بالنسبة لي شخصياً يد مرتي ما بفكها كلو كلو ومرات تلقاني ضابي يدها في اباطي ( كناية عن المسكة القوية ) وهي حركات لا شعورية ويمكن ان نرجعها للأسباب الآتية :
1 - كناية عن المحبة والريدة الزايدة .
2 - خوفاً عليها من زحمة الشوارع والعربات ( اذا كنتم ماشين كداري ).
3 - عايزها تكون قريبة منك في البيت والشارع .
4 - المرأة عندما يكون زوجها ماسك يدها تحس بالحماية والطمأنينة .
5 - في ناس شغل شوفونا نحن مكسرين كيف في بعض .
6 - كذلك في ناس ذي القرود بس شافو ليهم اثنين متماسكين في مسلسل أو فلم طوالي طبقوها في الواقع .

لكن لابد من مراعاة البيئة التي تعيش فيها وذلك لانه توجد مجتمعات لا تقبل هذه الحركات المستحدثة وتعتبرها عادات لم تكن موجودة في الماضي وهي من إبداعات الجيل الجديد لذلك نجدها مستنكرة من الناس الكبار .
الأخوة العزابة ما عاوزين تعليق لحدي ما تعرسوا ,,,

ما اظن فى حرمه بل هى نتاج لكوامن داخليه اى ان هذا التصرف لا اردى ومرات بكون فى ظروف بتخلى الواحد ماسك زوجته فى مكان عام اما لشدة الزحام او بكون خائف عليها وغالبا يكون تصرف حميمى لا ارادى
انا من انصار هذه العاده ولا ارى حرجا بين الازواج من فعل ذلك اينما كنت

اعتقد هدف تشابك الايادي بين الزوجين وفي الاماكن العامة فيه رسائل
منها كيئه للعزاب والرسالة الثانية عشان يدو فرصة للشمس تنشف منهم
الغسيل الذي عفلته الدنيا والرسالة الثالثة صرخة من اجل البقاء في عش
الزوجية والرسالة الاخيرة ان يشعر بهم الناس ويركزو علي الجانب الحلو
والمشرق من الوجه الاخر عموما اتمني ان لا اغرد خارج السرب السرب
______________________________
الاماني العزبة تتراقص حيالي

هي موده ورخمه وتجلب السعاده وتبث الطمانينه

وممكن يوم يكون زهجان ومفلس وبدل مايمسك ايد مرتو يمسك جلابيتو ويجري

وممكن تكون في زحمه ويخاف عليها

وممكن مستعجل وعاوز يجرها بسرعة

اقول ليك حاجه ياشمس انا مرات بخجل ومرات دون ان احس بتجي عفوا ومرات بكون قاصد
الحاجات دي في مجتمعنا زي ماقالوا الاخوان حسب الظروف

محمد بركات احمد كتب:

معارض وبشدة هذا التصرف المبني على عدم الاحترام لابسط قوانين واخلاق الحياة الزوجية فاكيد اذا وصل الامر لدرجة التشابك بالايدى وفي الاماكن العامة فانه قد وصل لدرجة اللاعودة و الانفصال الذى لارجعة منه فامراءة بهذا القدر من البذاءة يستحسن تركها ورجل بهذه الاخلاق غير جدير بان يكون مؤهلا لبناء حياة زوجية سعيدة

ده رد الوالد وانا متفق معه تمام


تخريــــــــــــــــــــمه
بعد ما اعرس بوريكم ردى بكون شنو بعد داك انتظرونا ؟؟؟؟

قالو العزاب يمتنعون بس مريت وقريت

محمد بركات احمد كتب:

محمد ميرغنى كتب:

المشكلة انّو الناس ما بتخلّي الناس في حالا ....

دي يد مرتك وانت حر فيها ,,, تمسكها وكت ما انت عايز وتفكّها محل ما انت عايز ... دا الشئ الطبيعي والمنطقي ...
ولكن ...
كما جاء فى المقولة ( المعروف عرفا كالمشروط شرطا ) والعرف عندنا انّو مرتك دي قدّام الناس أبعد منها بعيد ... وعيب جدا لو لاطفتها أو مسكت يدها ... بينكم وبين بعض اعملو الدايرنّو وزول سائلكم مافي ..

الابن محمد ميرغني ابشر بالخير رجعت لاهلك قبل قايلنك ودخرتوم

ياحي أنا مرتي ليييي هسع كان سألوها الجاب ليك التوب دا منو بتقول جابو لي هووووووووووو

والله ياجماعة الخير موضوع تشابك اليدين دا شييييييييييييييييييييييييييييييييييين عديل يعني شنو ماسك يدها وكل الناس تبحلق ليكم والتعاليق ما تديك الدرب ,,, في داعي لجنس الكلام دا ,,, ماقلنا شي خليك قريب منها وجنبها كان خايف عليها ,,, لكن ( المسكة ) دي عندنا ما مقبولة والله الطفل زمان مابرضي والدتو تمسكو من يدو ,,,