نادواااااااااااااااااااااااااا الناس

من منا لا يعرف احمد الحلاق من منا لم يقص له شعره عند زاوية دكان امحمد ودابراهيم انه احمد عبدالله الحلاق قريب ناس حنينة احمد للذين لايعرفونه انه تلك الشخصية التي عاصرناها عندما كنا صغارا ومما نشوف مكينة الحلاقة نقعد نصرخ وتجد شعرنا متناثرا هنا وهناك وبعد الحلاقة مكانه شقوق الحيط وحيطة ناس احمد ودابراهيم اخذت كل الشعر ويحكي عن احمد الحلاق قصته المشهورة عندما طلع في البيارة القديمة التي كانت تقع بالقرب من دكان صباحي الان يقولوا عمنا احمد الحلاق طلع فوق وكان لما وصل لفوق لقي سطح الصهريج مسطح واملس وعاين تحت لقي ليك الواطة بعيده ومن الخوف قعد يكورك عووووووووووووووووك نادوا النااااااااااااااااااااااااااااااااااااااس انا داير اقع نادوا الناااااااااااااااااااااااااااااااااااااس وربنا يطيل لنا في عمره العم احمد الحلاق

نعم ابو رونق من منا لم يحلق شعره عند احمد الحلاق

وراديه المشهور وعندما يكون زهجان وتجى تختار ليك نوع حلاقه يقول ليك يا ولد ابوك قال نمره واحد
مع على البعد نرسل تحيه له

احمد عبدالله الحلاق اطال الله في عمره سمعت بانه قد فقد البصر وهذا هو سبب اختفائه وفعلا احمد الحلاق كان شخصية ظريفة وتسلم ياابورونق

شخصية احمد الحلاق جديرة بالوقوف عندها كثيرا واسال الله ان يرد له بصره ويشفيه ويعافيه فسلامنا له ولابته سيف فدوما اخى يوسف تتحفنا بالذكريلت انت والاخ عجبوهذا ان دل انما يدل على طيبة معشركم

تسلم علي المك وتسلم محمد بركات واحمد علي المرور ونسال الله العلي القدير ان يشفي العم احمد عبدالله ويا علي ولده سيف علي ما اعتقد انه معكم بالسعوديه تحياتي له

انت الرونق والله يا ابو رونق فحفظ العشره شمات الفرسان وقيمه الرجال وحفظ الجميل شيمه المؤمنين فعشت ودمت ود عمى حاج بركات وود بت سرار البتقول ماشا فرق التوم عشان هى عارفه التوم وسرار الاثنين جدودها وهم بطن واحده تسلم

تسلم وداب اضينة ( ابو....) انت سيد الناس وفارسهم والله طبعا عرفتك من اسلوب كتاباتك نفس اسلوبك في الكلام وسماعي لصوتك قبل مده قليله جعلني اميزك جيدا وتسلم علي ذكرك حاجه رحمتو الوالده الله يطيل في عمرها واذكر لها قصه مره سالوها ماشه وين وكان الجماعه مختلفين في اسم فريق التوم وودسرار قالوا البتقولوا حاجه حليمه نحن بنرضي بيه فسالوها ماشه وين قالت ليهم ماشه فريق التوم هههههههه وناسف لاهلنا السراراب ولهم العتبي حتي يرضو

السلام عليكم اهلنا الاشراف تسلم يا ابو رونق علي القصه الطريفه عن عمنا احمد عبدالله اطال الله في عمره

نسيت القطعة البتشبه الجلد البسن فيها الموس. والله ما عرفها كانت بتسن الموس والا لا. لكن بتذكر حركتو الخفيفة وهو يسن الموس

ابورنق دايما ما تثير فينا شجونا وتحرك الذكريات .
العم احمد ربنا يمد فى عمرو ماحصل لى الشرف بالحلاقة عندو لكن اذكر ايضا عمنا الشكيرى والعم ابقدوم اطال الله عمرهم وديل كلهم كانوا بحلقوا لينا نمرة واحد غصبا عننا ودايما كما قال احمد يستدلون ب(اسكت ابوك قال احلقوا ليهو كدى) Very Happy

ربنا يديهم العافية ويديم المحبة