قضية وطنية

معا لنتفاكر فى أمور وطننا فى جوء من الصراحة والوضوح.....
معا لنبذ أساليب الساسه القدامى المبنية على المدح والزهو بالنفس وتقليل من شأن الأخرين....
معا لكى لا ننسى أوطاننا ونغرق فى مغريات مدائن ألف ليله وليله...
معا لنتفاكر فى مستقبل عازة ...إذا كنا فعلا مغرمين بها

.
الــي ابن امـــــــي وابـــــــــى بهـــاء

تحيتى مسترسلة مع نفحات ادعية الصباح

مقرونة باسمى وابهى صور التواصل ... لك ازميل زمان الاحرف

بحجم قبضة صواع الملك ...

واصل ابداعاتك ... مكانك صميم مواطن الروعة ...

مازلنا فى محطات الانتظار ... نسامر وعدا اّتِ لمزن احرفك المدرار ..

اندى الامانى ...

ياسلام يا اولاد جادو والله اجمل ما كتب علي هذا المنتدي تلك الكلمات الرائعة بروعتكم واصالتكم نعم لنبني وطننا الكبير السودان ومعا لنبني وطن عزه وطن مهيره وطن حدادي مدادي ما بنبنيه فرادي وفي حضره السودان تسمو معاني التضحيه والفداء ولك الله يا وطني ودمت حرا ابيا شامخا واليكم قصيده عزه في هواك اهداء لكل ابناء وطني ولابناء العسيلات خاصة

عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محال
وبحسب النجوم فوق الرحال
خلقه الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمال
ولا ابتغيت بديل غير الكمال

* * *
وقلبي لي سواك ما شفتو مال
خذيني باليمين وأنا راقد شمال
عزة ما نسيت جنة بلال
وملعب الشباب تحت الظلال
ونحن كالزهور فوق التلال
نتشابي للنجوم وأنا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما اشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال

* * *
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجو الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدي كل يوم عظمة ازداد جلال
عزة في حذا الخرطوم قبال
وعزة من جنان شمبات (العسيلات) حبال
وعزة لي ربوع أم در جبال
وعزة في الفؤاد دوا يشفى الوبال

اخى بهاء مادايرين نرحب بيك فى دارك ويالله منتظرينك تجى وتقعد معانا فى راكوبة ابو رونق كريم وكرمو فياض عندو جبنه كاربه وتعدل المزاج لى الحكاوى

ياريت نحب السودان حتى ولو نصف حب المصريين لمصر

اشكرك اخ شمس الدين علي طرح الفكرة وقد علقت عنها في منتدي السديرة وها انا اكررها للقبلة كلها وللسودان اجمع ، نعم قضية الوطن اصبحت هامشية بالنسبة لقضايانا الخاصة وهذه ام المصائب ، علي كل فرد فينا ان يتحمل مسؤليته تجاه الوطن و ان لا نتركه لهؤلاء الدجالين الذين عاسوا فيه فسادا وفقد نال السودان الايزو في الفساد ، فهل كتب علينا ان تظا ايادينا مكتوفة تجاه كل ذلك العبث؟

مشكورين الاخوان لكل حرف وصيه والوصيه امانه

عشان عازه نعمل المستحيل

وينك ياعمر ادريس عساك بخير

حب الوطن يبدأ من حبنا لبعضنا داخل الاسرة الواحدة ويتطور لايثار بعضنا على انفسنا داخل الفريق الواحد وتدافع الفرقان في مساعدة بعضها البعض ومن بعد ذلك ياتي الوطن الكبير..
ولكن يا اخوتي هذا لن يتاتى الا بتصافي القلوب وواقع المعاش ينبئ غير ذلك !!
بالله عليكم تعالوا نجرب الصدق مع انفسنا مرة واحدة ونحاسبها ..
ما هي اخر مرة زرت او هاتفت صلة رحم ؟
هل رايت اخا لك انعم عليه الله بنعمة ففرحت له وقلت اللهم بارك له فيما رزقته وزده؟
هل انعم الله عليك بنعمة ولو قليلة فتذكرت اخا لك يفتقد ذرة من هذه النعمة ؟
و الاسئلة كثيرة ولكن اعظمها احياء فضيلة صلة الرحم والحمد لله وسائل الصلة في تعاظم مستمر (صل من قطعك ) صدق رسول الله صلى الله عليه وسلم...
وتعلمون جميعكم ان العسيلات شرقا وغربا بطن بيت واحد ومن صلب رجل واحد ورحم امرأة واحدة ولا زالت هي القبيلة الوحيدة حتى الان تحافظ على نسبها على الرغم من المصاهرات التي تتم هنا وهناك ولذلك اعتقد ان ترجمة حبنا للوطن واعني بالوطن العسيلات يتمثل في تنمية المنطقة والسعى لترابطها اجتماعيا واخلاقيا ...

والكلام يتصل باذن الله تعالى ان كان في العمر بقية

مشكور بهاء

مشكور ودالخالة كلمات مليانة نتفاكر ونحنا معك لوطنا الحبيب حاول ان تزرع ورود الامل في دروب الآخرين