التفــــــــــــــــــــــــــــــــــــــــي

والله يا أبو أفكار دائماً أنت السباق لهذه الفاكهة اللذيذة. والله سيرة التفي وأمثاله بمجتمعنا البسيط تبعث البهجة في النفس لمجرد الذكرى . نسأل الله أن يجعل كلامنا بارد على التفي " أب راساً ماكن" وأن يعطيه الصحة والعافية ويطيل عمره . يكفي أنه الوحيد الذي يتجرأ على سب :
1) عمنا البيار رحمه الله وكان ينبسط جداً ويضحك ملء شدقيه ويجيبه فقط بكلمة "يا مغفل"
2) العم الحبوب علي الحاج وهذا من كثرة فضالته بقول ليه " والله ياودالأخت الله يديك الصحة والعافية من محبته فيه.
3) الأخ عوض أحمد حمد وأيضا لايقل إنبساطة عن سابقيه
4) الوالد عبدالله عبدالرحيم أيضاً يضحك حتى تسيل دموعه ويجيبه بكلمة " عاين خيسته أكان خيسة عمي دفع الله"

فمن منّا يتجرأ برفع رأسه أمام كلٍ من المذكورين أعلاه. ولعلك تذكر جلستنا معه قبل ستة أشهر بمنزل الأخ عطا عبدالله.

وهذا دليل على تفرد مجتمع العسيلات البسيط

أخوك أبو مازن

Abu Mazin كتب:

والله يا أبو أفكار دائماً أنت السباق لهذه الفاكهة اللذيذة. والله سيرة التفي وأمثاله بمجتمعنا البسيط تبعث البهجة في النفس لمجرد الذكرى . نسأل الله أن يجعل كلامنا بارد على التفي " أب راساً ماكن" وأن يعطيه الصحة والعافية ويطيل عمره . يكفي أنه الوحيد الذي يتجرأ على سب :
1) عمنا البيار رحمه الله وكان ينبسط جداً ويضحك ملء شدقيه ويجيبه فقط بكلمة "يا مغفل"
2) العم الحبوب علي الحاج وهذا من كثرة فضالته بقول ليه " والله ياودالأخت الله يديك الصحة والعافية من محبته فيه.
3) الأخ عوض أحمد حمد وأيضا لايقل إنبساطة عن سابقيه
4) الوالد عبدالله عبدالرحيم أيضاً يضحك حتى تسيل دموعه ويجيبه بكلمة " عاين خيسته أكان خيسة عمي دفع الله"

فمن منّا يتجرأ برفع رأسه أمام كلٍ من المذكورين أعلاه. ولعلك تذكر جلستنا معه قبل ستة أشهر بمنزل الأخ عطا عبدالله.

وهذا دليل على تفرد مجتمع العسيلات البسيط

أخوك أبو مازن

ياسلام ياابومازن والله ياحمد ذكرتني ذلك اليوم الذى امطرنا فيه التفي بسيل من الشتائم مقرونه بضحك الجميع وطيب المجلس وروح المودة التي كانت سائدة حينها ،، ولحظات كهذه لاتنسى ادامها الله علينا والتحيه لكل اهلنا الذين زكرتهم اعلاه ولك تحياتي ومودتي ...

اى والله ود الخالة التفى فعلا فاكهة الحلة ويسب اى حد وهو يتبسم
فسبحان الله على هذه الشخصية

لك الشكر محمد بركات والله فعلا الاخ التفى فاكهة الحله ومن منا لا يحب التفىومواقفه كثيره جدا ولى معه اطرف موقف انا كنت كثير الهظار معه وكل ما اقابله اقول له لقينا عريس لامك(الله يرحمها) وهذا طبعا قيل وفاتها ويوم وفاة والدى الله يرحمه وصل الخ التفى للعزاء ونزل من البص ومعه مجموعه كبيره من الناس وكان يتقدم المجموعه وكل الناس رافعين ايديهم لقراؤة الفاتحه والدعاؤ للمرحوم اتخيلو التفى فى اللحظه دى كلن بقول فى شنو قال لى الحمدلله ابوك مات عشان تانى ما تقل ادبك والله انا ماعرفت اعمل شنو بقدرة قادر كتمت الضحكه بالله عليكم فى براءه اكتر من كدى

اب و افكار دايما سباق ربنا يحفظك ولى مع التفى مواقف كتيرةمنها كنا فى العراق جماعتنا كلهم قاعدين فى بعقوبة وانا الوحيد قاعد فى البصرة فى احد الاعياد مشيت بعقوبةوالتفى صاحبى شديد معاه شلة بيجيبو باسطة وحليب بالليل فاليوم داك عزمنى والصديق الكوز عزم حمزة الضيب جابو الباسطة الكوز قرص لينا فقمنا ختفنا انا مليت ايدى وهو الوحيد الطلع فاضى عاين جاى لقى الناس كلها يدينا مليانا فقال الما دافعين يختفوا انا قمت بزعل رميت الباسطة من ايدى قلت ليه يعنى قاصدنى انا وقمت مشيت والله يا جماعة الليل كلو يعتذر لى والباسطة معاه لحد ما اكلتها وقال ياكا ترب مكة

والله فعلا ابو احمد التفى مافى زول بزعل منه ابدا