سو... سو... سو ... سو ... سو ... سو... سو... سوكرتا ... يا لذيذ يا رايق

@@@ العنوان دا حق التّسدّي يعني اتسدينا عنوان (سا سا سأهرب) الذي كتبه آنذاك الباشمهندس عبد الجليل...
الموضوع عبارة عن حوار بين هلالابيين ......................................ز
# السوكرتا اسم الدلع بتاع حي العرب بورتسودان
& يا أخوي حي العرب انت مالك ومالو كمان
# كيف مالي ومالو حي العرب ما سوداني ... خليك سوداني
# حي العرب دا ما لاعب معاي في دوري واحد؟
$ هي علاكين البخليك تشجعو شنو يا زول.
# انت يا أخوي يوم الجمعة الفاتت الساعة عشرة كنت وين؟
$ كنت قاعد مالو قي شنو ؟
# أحمد سعد سمعت بيهو ؟
$ أيوة .. بعرف أحمد سعد لاعب السو سو سوكرتا
# بالله قال ليك أول أمس خل ليهو ناس من البيت ما مرقو .
$ هو كان لاعب مع منو ..
# والله انت زول ما بتفهم ... يعني أقول ليك الناس ما مرقوا من بيوتهم تقول ديل منو بالله دي دايرة سؤال.
# أيوااااااااااااااااا غلب المريخ ...؟
# لا لا يا أخوي ما غلبو اتعادل معاهو واحد واحد ...
# هسع بالله فرحتك دي كلها عشان المريخ اتعادل والله ما عندك شغلة.... المريخ التعادل بقى عندو زي الفوز عشان كدا بنقول ليهم مبروكة عليكم نقطة بورتسودان وتتربى في عزكم.

الاخ هاشم السلام عليكم الحمد لله اللقيت لى واحد فى منتدى دا والله الواحد نتكلم معاهو
اها لسه مع الكوره ما قلتا ليك خليها

طبعا الهلال مافي زيو
والمريخ ما بساوي متر من الهلال

هاشم يالذيذ لذة لذاذة لزة الحكام ان شاء الله دوشة الراس من الخمسة فكت , طبعا يقال والعهدة علي الراوي وانا مالي في عصر الجمعة بعد ضربة الجزاء المعهودة لبني زرقان كالعادة الجماعة العملوا فرررررررررر من الابطال بنمرة خمسة واسالوا الدموع وحاجات كدي لاتكتب تسيل عبر الانوف العملية دي ظلت مستمرة من يوم استقبال ابطال كاس الاعتبار بالمطار فمسحوا هذا القرف علي حائط الميرغني المسكين بعد ان اتسخت الايادي والملابس في الايام الماضيات وكانما اراد المتلاعبين باسم الزعيم ان يتمموا ازالة ماتبقي من دميعات وحاجات تانية من بني مهلهل فاتوا يجرجرون ارجلهم كجرجرة مساوي والتعاون يوم الخماسية ربما شربوا عصير علاء الدين ومن هنا اتقدم باحر ايات الشكر للاشباح التي مثلت بالمريخ التي جعلت الناس الحياري ومن افعال موبوتو كانت سكاري تصحو وتشم الهواء فاهدى لكم اولئك مع الاتحاد العام الكاس مقدماً ولاعزاء للاخرين , ولك التحيات

الحبر ابراهيم احمد موسى كتب:: الاخ هاشم السلام عليكم الحمد لله اللقيت لى واحد فى منتدى دا والله الواحد نتكلم معاهو
اها لسه مع الكوره ما قلتا ليك خليها

الأخ الحبر تحياتي وودي لكم كيف الأخبار عامل شنو والله غايتو بقينا نتلفت ساي المنتدى دا اول مرة نتعامل معاهو عشان كدا الواحد بشوف نفسو زي الغريب ...

محمدعلي محمداحمد كتب:: طبعا الهلال مافي زيو
والمريخ ما بساوي متر من الهلال

مشكور اخي محمد على مرورك واعليقك، كيف اخبارك إن شاء تمام.
زي ما قلت مافي مقارنة بين الهلال والمريخ ناس المريخ قدر ما حاولوا بقلدوا الهلال ما قدروا أي حاجة يسويها الهلال المريح طوالي يعمل حكاية (حاكونا حاكونا شربوا الجّبَنة وجونا)

عبدالجليل مضوي علي كتب:: هاشم يالذيذ لذة لذاذة لزة الحكام ان شاء الله دوشة الراس من الخمسة فكت , طبعا يقال والعهدة علي الراوي وانا مالي في عصر الجمعة بعد ضربة الجزاء المعهودة لبني زرقان كالعادة الجماعة العملوا فرررررررررر من الابطال بنمرة خمسة واسالوا الدموع وحاجات كدي لاتكتب تسيل عبر الانوف العملية دي ظلت مستمرة من يوم استقبال ابطال كاس الاعتبار بالمطار فمسحوا هذا القرف علي حائط الميرغني المسكين بعد ان اتسخت الايادي والملابس في الايام الماضيات وكانما اراد المتلاعبين باسم الزعيم ان يتمموا ازالة ماتبقي من دميعات وحاجات تانية من بني مهلهل فاتوا يجرجرون ارجلهم كجرجرة مساوي والتعاون يوم الخماسية ربما شربوا عصير علاء الدين ومن هنا اتقدم باحر ايات الشكر للاشباح التي مثلت بالمريخ التي جعلت الناس الحياري ومن افعال موبوتو كانت سكاري تصحو وتشم الهواء فاهدى لكم اولئك مع الاتحاد العام الكاس مقدماً ولاعزاء للاخرين , ولك التحيات

تعليقك راقي كما عهدناك الأخ عبد الجليل والله أحسن من الموضوع لكن يا اخوي ما قسيت علي الهلالاب شوية؟.
# الحكام يا اخوي عشان أبوا ليكم على مباراة حي العرب نازل فيهم شتيمة برة شغلة (مشوا بي جمال واليهم بورتسودان بعد دا عقدتكم مع حي العرب ما انفكت) .
# جماهير الهلال المغلوبة على امرها جراء الخمسة ضربت مثلاً رائعاً في الولاء والإنتماء للون وأثبتت أنها أحسن جماهير تشجع كرة القدم مثلها مثل جماهير اليابان التي شاهدتها (أمس) وهي تشجع فريقها (ناجويا) الذي كان يلعب ضد الإتحاد السعودي في اليابان وكان الفريق الياباني قد خسر مباراته في السعودية 2 / 6 والله لم أر جماهير كهذه الجماهير لم تصخب ولم تغضب رغم ان المباراة كانت في الدور قبل النهائي وكان المباراة تلفظ آخر انفاسها والاتحاد متقدم على (ناجويا) 2 / 1 وهي النتيجة التي انتهت عليها المباراة. لم يقف تشجيع اليابانيين لفريقهم طوال التسعين دقيقة (إضافة للزمن بدل الضائع). عشان كدا فريق الهلال (إدارة وجهاز فني ولاعبين) عايزين يضاروا خجلتهم شوية وقالوا لازم نغلب في مباراة الإياب إن شاء الله تعادل وشنا ضاق قدام الهلالاب قبال غيرهم عشان كدا أصروا إنهم ينتصروا وكما شاهدت بأم عينك أو سمعت من خلال المذياع كيف انه كان الهلال أقرب للتأهل لولا أنه عانده الحظ.