منتدى بااااااايخ

صراحة يا اهلنا وحبابنا وماعليكم مدسة... المنتدى بقى بايخ ... معليش بس دى الحقيقة .. الواحد كان فى الاول بدخل المنتدى وهو متأكد انو حايلقى حاجة يستفيد.. بس الان المواضيع الهادفة بقت قليلة والمداخلات تكاد تكون معدومة.. كل المداخلات شكر على المرور...وكلها مجاملات.. مافى اى وجهات نظر او اراء على الموضوع ..زى كأنو الموضوع دا منزل... وفعلا عدد الناس فى زيادة بس المواضيع قليلة.. وبعدين يااهلنا الشغلانة ماتبقى قطع من اى منتدى ولصق عندنا هنا.. دايرين مشاركات حقيقة.... ماداير احبط الناس بس كلامى دا مقصود بيه الناس تحاول تطور المنتدى بالافكار والمواضيع الجميلة والهادفة..
اما مسألة غياب الاعضاء لفترات طويلة بقت مسألة مزعجة شديد والواحد لمن يجى بعد الغيبة الطويلة ولابكلف نفسو اعتزار صغير.. (عدا بعض الاعضاء الراقين)... كلنا عارفين مشاكل الشغل والجرى وراء المعايش بس الناس برضو تدى المنتدى حقو.. لوفى اى عضو عنو اضافة مرحب بيه...
وانا عارف انو العنوان ثقيل جارح بس دا عملتو عشاع يكون لافت للانظار والناس تدخل وتقراء وجهة نظرى وتعلق عليها عشان ننهض بالمنتدى وبعتزر شديد على العنوان فقط ودمتم اهلى العزاز

سعد مصطفى محمد سعد كتب:

صراحة يا اهلنا وحبابنا وماعليكم مدسة... المنتدى بقى بايخ ... معليش بس دى الحقيقة .. الواحد كان فى الاول بدخل المنتدى وهو متأكد انو حايلقى حاجة يستفيد.. بس الان المواضيع الهادفة بقت قليلة والمداخلات تكاد تكون معدومة.. كل المداخلات شكر على المرور...وكلها مجاملات.. مافى اى وجهات نظر او اراء على الموضوع ..زى كأنو الموضوع دا منزل... وفعلا عدد الناس فى زيادة بس المواضيع قليلة.. وبعدين يااهلنا الشغلانة ماتبقى قطع من اى منتدى ولصق عندنا هنا.. دايرين مشاركات حقيقة.... ماداير احبط الناس بس كلامى دا مقصود بيه الناس تحاول تطور المنتدى بالافكار والمواضيع الجميلة والهادفة..
اما مسألة غياب الاعضاء لفترات طويلة بقت مسألة مزعجة شديد والواحد لمن يجى بعد الغيبة الطويلة ولابكلف نفسو اعتزار صغير.. (عدا بعض الاعضاء الراقين)... كلنا عارفين مشاكل الشغل والجرى وراء المعايش بس الناس برضو تدى المنتدى حقو.. لوفى اى عضو عنو اضافة مرحب بيه...
وانا عارف انو العنوان ثقيل جارح بس دا عملتو عشاع يكون لافت للانظار والناس تدخل وتقراء وجهة نظرى وتعلق عليها عشان ننهض بالمنتدى وبعتزر شديد على العنوان فقط ودمتم اهلى العزاز

تشكر الابن سعد مصطفى محمد سعد نسبة لغيابك وعدم مواكبتك للاحداث وماطرا على المنتدى من تغيير يتضح بانك غير ملم بما حصل فقد اتجهت كل الناس ورحلت الى المنتدى الجديد بعد ان تعرض هذا المنتدى للهاكر وتم اعدام اكثر المواضيع بردودها
واصبح المنتدى الان مقفرا خاليا الا من بعض الناس الولوفين والذين لديهم اصرار على مواكبة المواصلة في هذا المنتدى وانا واحد منهم عليك التكرم بزيارة المنتدى الجديد والتسجيل وعنوانه هو http://www.osailat.com/vb/

ولك كل الشكر والتقدير وتسلم على اهتمامك بالمنتدى ومع الف سلامة وتحياتي لكل الاهل بالسودان

اشكرك ياعمنا على مداخلتك القيمة... اولا انا ماغبت عن المنتدى اكتر من اجازة العيد والجمعات.... وقصة المنتدى الجديد د الاسمعت بيها منك الان وحادخلو ونشوفو.. وانا فى المنتدى من شهر اغسطس وماسمعت بتنوير عن انو فى منتدى جديد او فى عملية بتاعت هاكرز... مع انو المنتدى القديم موجود والناس قاعديييييييييييين.. والمواضيع مطروحة والمجاملات شغالة... انا اعتراضى ماعلى شكل المنتدى والاخوان صراحة بازلين مجهود مقدر ى النواحى الفنية ونشكرهم شديد...

اخونا محمد بركات اشكرك شديد عل مشاركتك وحنيتك وموالفتك على المنتدى القديم ( العتيق).. بس التطوير من مطلوبات الحياة ولو كان المنتدى الجديد مفيد وشكلو مناسب حقو الناس تدخلو عشان مانفقد اسهاماتك الجميلة والمفيدة... كدى اول حاجة ادخل المنتدى الجديد وبديك راي فية... تسلم ياغالى