هشتك بشتك 1

موضوع: هشتك بشتك 1 الأحد سبتمبر 28, 2008 9:03 am

تخيل انك عريس .، ثم فكر وجاوب ، لماذا عندما ، عندما يسير العريس ، يسير الي البحر، هل هناك سر ، ام هي عادات وتقاليد..؟

موضوع: رد: هشتك بشتك 1 الأحد سبتمبر 28, 2008 9:27 am

الاخ يوسف كل عام انت بخير والله انا تاني عريس تخيول مابتخيلها ولكن مشي العريس للبحر مجرد عاده قديمه والان ندثرت زيها وتكسر الكتوش وجريد النخل

موضوع: رد: هشتك بشتك 1 الأحد سبتمبر 28, 2008 11:07 am

يوسف ود الدحينات كتب:: تخيل انك عريس .، ثم فكر وجاوب ، لماذا عندما ، عندما يسير العريس ، يسير الي البحر، هل هناك سر ، ام هي عادات وتقاليد..؟

عريسنا ورد البحر ياعديلة وقطع جرائد النخل ياعديلة
عادة عرف تقليد وارث توارثته الاجيال واظنه تخليدا للنيل واحتمال ان تكون عادة فرعونية كغيرها من عادات العرس كالجرتق و طقوس الزواج ويقال ان كل الكلمات التي بها كلمات نوبية مثل الجرتق والحق و.. الخ تلك العادة مازالت ولكنها ليس بتلك القابلية التي كانت في الماضي ربما لللتطور الاجتماعي الذي حصل وعدم الالتفات الى الماضي من الاجيال الحالية وبعد السيرة ماكانت دلوكة اصبحت بالزفة المصرية والله يستر من القادم !!!!!

موضوع: رد: هشتك بشتك 1 الأحد سبتمبر 28, 2008 11:16 am

حسن الشيخ بادي كتب:: الاخ يوسف كل عام انت بخير والله انا تاني عريس تخيول مابتخيلها ولكن مشي العريس للبحر مجرد عاده قديمه والان ندثرت زيها وتكسر الكتوش وجريد النخل

تسلم ياحسن الشيخ والله ماشاء الله يسعدناو بكل سرور ان تكون عضوا من اعضاء راية عمنا امحمد عبدالله ودعبدالرسول ويازول مافي عوجة تب نسيبك حاج مصطفى من كبار زعماء الراية وانت عارف براك اى محاولة للدفاع مرفوضة لانك خلاص تم تسجيلك وبموافقة كل الاعضاء ولك الود والتقدير

موضوع: رد: هشتك بشتك 1 الأحد سبتمبر 28, 2008 12:54 pm

عريسنا ورد البحر
بالمناسبة دي يا ابواحمد
جدي ابوعركي عندو نومة العصرية لانوبجي من الخلا تعبان
وكان وسط الدلتية في زواج واحد من الشباب
جات واحدة ساكنة اخر الدلتية وشايلة مع باقة الموية عشان تعبر للعريس
وتشيل مع الموية مرة واحدة وبي كل بساطة
(عريسنا ورد البحر ياعديل قطع جرايد النخل ياعديلة)نطة لي جدي ابوعركي
يابنت العطشل معمنك جاي من الخلا .

موضوع: رد: هشتك بشتك 1 الأحد سبتمبر 28, 2008 6:04 pm

الاخ محمد السلام عليكم والله حاج مصطفي من ناس الرايه دي شي معروف ولكن انا زول عندي سوابق مابسجلوني والزوجه نهي بتبلغك التحايا وبتقوليك والله ضبحلي الكديسه وهذا كلامه والله

موضوع: رد: هشتك بشتك 1 الأحد سبتمبر 28, 2008 6:31 pm

زي ما قال الخال حسن مستحيل اتخيل انو انا عريس دي من سابع المستحيلات وشائل الرايه كمان
وذهاب العريس للبحر بقولو انو البحر يجلب الحظ السعيد لانعدمت

تسلمو تسلمو ، لاكن كما قال الاخ محمد بركات فانآ البحر يجلب الحظ كما يقولون ، والله اعلم.

فعلا عادة فرعونية فقد كانوا يعبدون النيل و يتبركون به فى كل مناسبة...

موضوع: رد: هشتك بشتك 1 الإثنين يونيو 07, 2010 7:10 am

It just a traditional hubit as the participants said