شوااايقا يا رسول الله

شايقي مشى فندق خمسة نجوم عشان

يعمل حمام ساونا...قالوا ليهو بِـ 50 ألف

قال ليهم : خلاص شَطِّفوني
........................... واحد رباطابي جزار....نهاية اليوم شايل عظام من الجزارة

لاقاه الشايقي قال ليهو : إنتَ عازم كلاب؟؟

الرباطابي قال ليهو : أيوة...إنتَ الكرت حقّك ما جاك؟؟
ود الدخينات .....................

هههههههههههه تسلم يا ودالدخينات والنكات حلوه لكن العنوان ده كان لموا فيك الشوايقة بشلخوك لان هذه المقولة حقت الدناقلة

العم يوسف بركات تسلم ، وعلي فكره كل عام وانت بالف خير ، ونتمني من المولي عز وجل انو نقابلك في هزا العيد السعيد.

يا يوسف اولا كل عام وانت بخير

قالو في واحد شايقي ابوه طردو من البيت ايام احداث خليل ابراهيم في الخرطوم وكل اجهزه الدوله بتفتش علي خليل وهو مارق من البيت شال ليه فحمه من لبشارع وكتب علي باب بيت ابوه منزل خليل ابراهيم

شايقي مشترك في برنامج من سيربح المليون ووصل ل500ريال وباقي ليه سؤال واحد يكسب المليون وعندو فرصه واحده هي الاستعانه بصديق واتصل علي صديقو :

السلام عليكم معك جورج قرحي من برنامج من سيربح المليون ومعانا صديقك سيد احمد وعايزك تساعدو في الاجابه حتي يكسب المليون

سيد احمد قال ليه لو جاوبته بيكون عندو مليون

جورج قال ليه ايوه ده صديقك وعتمد عليك

سيد احمد قال ليه ابيت وقولو نايم

كل عام وانت بخير ، وتشكر علي هذا النكت الجميله ،

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعزِبو بيهُم الكُفار

شايقي دخل البيت زعلان شديد .. مَرَتُو سألتو مالك يا راجِل
قال ليها تخيلي الصيدليه عامله تخفيض كبير في الدواء
وما عندنا زول عيان

السلام عليكم
والله نكاتكم حلوه شديد
ومبسوط منها
وما تنقطعوااااااااااااااا

يا ود الدخينات انت زعلان من الشوايقه مالك
عملو ليك شنووووووو

رباطابي دخل المستشفى سألوه: زيارة؟ رد: لا عمره

* واحد قالوا ليه اكتب لينا امتحان انشاء من 10 صفحات كتب في الصفحة الاولى ركب الرجل الحصان وفي الصفحة الاخيرة كتب نزل الرجل من الحصان وبين الصفحات كتب كبجك كبجك كبجك كبجك

دكم كان مدير مستشفى الاسنان وشالوه من المنصب .. وجابو مدير جديد
واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد

مرة عوض دكام جاء داخل العيادة بتاعته لقى في كشف المرضى
اسم فتحي فرج الله لاعب المريخ زمان ... وبعدين ما كان شافو قبل كدا
طبعا فتحي فرج الله عيونو في نص راسو ) .المهم دكام عاوز يشوفو قام ناداهو أول واحد)
لما دخل عليه ، دكام اتخلع بي شناته ، كان متخيله نجم وجيه
قال ليهو انت فتحي؟ قال ليهو أيوة أنا فتحي
دكام رد بسرعة طيب فرج الله يكون كيف ؟؟؟

عوض دكام قال فى واحد

مشى يقلع ضرسو فى مصر

الدكاترة قالوا ليه يا زول

ما عندكم دكاترة اسنان فى السودان

السودانى قال ليه فى دكاترة

بس الحكومة مانعانا نفتح خشمنا

عوض دكام قال جاتو واحدة

جميلة جميلة جميلة

قدر ما فتشها لا سوسة ولا صفار

ولا الم ولا التهاب لثة

قال ليها انتى ما عندك حاجة

مشكلتك شنو؟؟؟

قالت ليه عارفة بس جيتك تعمل لى فلجة

عوض دكام قبضوه ناس الدورية

وما بعرفوه

يا زول شايل شنو فى الضهرية؟؟؟

قال ليهم جنا حرام

يا زول نحن ما بنهظر

فتحو الضهرية لقو بيض

قالوا ليه انت بتلعب علينا؟؟؟

شايل جن جداد تقول جن حرام

قال ليهم وده ما جن حرام

شفتو ليكم ديك عقد ليه على جدادة؟؟