مجادعات وقطع أخدر

مشكورين على هذه المجادعات الجميلة

الوحلك لانك مني زي وترين وما بتبعد
وابدابك صباحا زين مساءا انتي في الخاطر بكون اسعد
تفتشي كيف ومن الجوف شوقا ليك فات الحد
وما تسافري بجيلك بكرة في دارك ومنك انتي نتزود

إبداعات حلوة وسمحها فيكم المجادعات
طرب ونغم وليك مني دي الارتجالات
اهلي البفخر بيهم والقاهم وقت المناقرات
ياهم معانا هنا في منتدى العسيلات

انا واحمد اخوي في الكتب والدفاتر طالعنا
الانكسر السلم بعد ما طلعنا
كان السما تنهد او الارض تبلعنا
الزارعنا غير الله الاجي اقلعنا

تسلم لي عيونك من البكاء
ولاتنزل قطرة منهم
ياريت لوقلبك بالالم حكى
كان افدي عيونك حياتي ولا بدمعة اشوفهم
مانتي حبيبتي ونور عيني ان شاء الله
ربنا مايحرمني منك ولا تشوفي هم

الدنيا ام قدود فيها النعيم مابدوم
مرات فوق عسل ترقد يود وتقوم
ومراتا وحيد تاكل عشاك وتنوم

حين رسمتك فوق جداري حتى الحجر حكى وتكلم
حين عزفتك في اوتاري غنى الطير شدى وترنم
حين تلوتك في اشعاري صلى الحب عليكي وسلم

لقمان عبد الهادي كتب:

أهل الدار سلام دايرلي زول صنديد
ثابت في النزال وليهو معني جديد
يجيب في الدرر واصدح معاو تغريد
نتجادع سوا وحديد يلاقي حديد

نعم يالقمان حديد الاقي حديد خليه المضي ولاقي البجيك جديد

بنبرش الطروره وبسبت الصنديد

تسلم ، حقيقه الكلام جميل ، الله احفظك ،