0هاكم دى عن الدناقله 00

0هاكم دى عن الدناقله 00

كان فى مجموعه من الدناقله بيتناولو الغداء تحت شجره ظليله وهاك يالونسه فى واحد

نط وقال ليهم ماسمعتو الخبر 00 قالو ليهو فى شنو 00 قال الامريكان ماطلعو القمر 00

واحد من الجالسين قام قال الخاذوق يقولو عاوزين طباخين هناك

مع تحيات ود الدخينات

أمريكي و إنجليزي و دنقلاوى دخلو نار جهنم سوا , الامريكي قال
لي إبليس عليك الله شوف لي طريقه داير أتصل بي أهلي بواشنطن بالتلفون
بس خمسه دقايق .. إبليس جاب ليهو الخط وبعد المكالمه إنتهت قال لي الحساب
مليون دولار .. الانجليزي طلب نفس المُكالمه لي لندن و إبليس حاسبو بي
مليون جنيه استرليني .. الدنقلاوى طلب مُكالمه للخرطوم قام إبليس أداهو ساعتين
قام الدنقلاوى سأل الحساب كم؟ إبليس قال ليهو دولار واحد بس لأنها
مُكالمه داخليه

-واحد عندو ولدو الصغير عيان وداه الدكتور وبعد الكشف والفحوصات الدكتور قال ليهوالولد ده بيســنن. المسطول رد والله انا زاتي قلت كده********

واحد ماسك قسيمة الزواج وقاعد يقلب فيها يمين شمال
زوجته سألتو : بتعمل في شنو يا راجل؟
قال ليها : لا أبدا مافي حاجة
قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ نهاية العقد