عمنا خالد الازرق رجل طريف وسريع البديهه مره سالته ونحن فى السعوديه انت ما قلت على ابراهيم جاى عمره ايه الاخره قال لى على ابراهيم جاهز الصور طلعهن ومره كنا عاوزين نودع الفكى احمد البشير مسافر على السودانيه بعد الوزن قالوا الطياره تاخرت قعدنا معاهو فى الصاله لنص الليل واستاذنا وودعناهو وتانى يوم مساء قلنا نمشى المطار وكان وسط جده لقينا صاحبنا قاعد وجلسنا معه لنص الليل واستاذنا لكن الفكى مسك فينا عشان نونسه قام خالد قال ليه عندنا شغل باكر لكن باكر نجى نسهر معاك للصباح عشان جمعه ومره اشترينا من يمانى دقيق خالد اداهو 100 ريال اليمانى طبقها عشرين طبقه وختاها فى سسته الكمر الخلفيه خالد عاين لى وقال لى دى على الطلاق ما تشوف الشمش الا فى تعز ولا الحديده
