عركنك الفتو- حمر عين اجمل شخصيه عفويه تسحرك بالبساطه

عركنك الفتو يفابلك بابتسامته التي لا تفارق شفتيه ويجعلك تعيش في عالم من النقاء والصفاء انه حمر عين تلك الشخصية البسيطه وكل ما يقابل مغترب عائدا من بلاد الغربه والالام يقابلك حمر عين وفي دقائق معدوده وكان له سحر خاص يجعلك تنسي كل الام الغربه واول شي يطلبه منك عايز سفنجة ويا لبساطة وعفويه هذا الرجل واطلب من الرمتالي عوض صديق ان يمدنا بمواقفه ومما يذكر عنه انه في احد الايام اراد ان يختبي في خلوة الصلاة للنسوان حتي يخلع واحده منهن وكانت هي اتيه لصلاة الصبح وحمر عين حسب قوله وعلي ما ورد علي لسانه هي جات تفتح النور وانا قاعد جوه وقلت ليها واااااااااااااااه والحاجه من الخلعة لما غمرت ونساله اها يا احمر عين تاني الحصل شنو المراه غمرت وجبت ليها موية سكر وله مواقف اخري وعركنك الفتو هذه هي احدي كلماته المعروف بها والي شخصيه اخري

العم ابورونق تحياتى لك وانت تهيج فينا ذكريات عن العسيلات والذ زول فيها احمر عين برضو
عركنك كلاب اللفوقو وازكر قبل مجئ للهند ادانى الفاتحه وطلب منى خاتم كبير وكالعاده سفنجه جديده وازكر كان ينادينى بود حاجه حليمه
تحياتى ارجو ان تتحفنا اكثر بروائعه وطرائفه

لك الشكر ابورونق وفعلا احمر عين من الشخصيات الذى لاتنسى وله كثير من الماقف والطرايف
وبالمناسبه لديه اخت توفت فى اليومين الفاتو ومتزوجه من واحد فى اولات الجبل ود خلفالله او ود مصطفى الجبل ندعوالمولىعز وجل ان يرحمها ويغفر لها ويسكنها فسيح جناته

ابو رونق الرماد كال خشمك واحمر عين حا يحدث عليك بنات
ام المحسن وارج الراجياك

عركنك الفتو يوم لقياني وقالي يطلقوك ويعركنك الفتو قلت ليه ليش قالي جيت من السفر
وماجيبت لي شى وقالي يسكلو عليك.......
ولك الشكر ياابورونق علي هذه الشخصيه السحريه والاخت تونه حجر احمر عين اوحجر النجاح
نفس زاك الحجر اداني ليه قالي حجر النجاح وحاليا الحجاره موجوده معاه

أولا أخوي ورفيق دربي أبو رونق أو " أب شرا" كما يحلو لنا أن نناديك

أحمر عين جمعنا مرة أخرى على طاولة يدغار هوتيل وقدامنا بوروتا مع تشنّا مسالا والشيك متأخر ليه ستة شهور . لكين برضك هباهيبو أب ....... على رأي أخونا النوراني وما حا أرضى منك لإلا اسمع سوطك

اخوك أبو مازن

الاخ ابو رونق شخصيات العسيلات لاتنسي من طيبتها وناس طيبيييييييييييييييييييييييييييييييييييييييييييين شديد ربنا يخليك لينا وانت فينا.........ززز

أستاذي الفاضل.. وأخي يوسف أبو رونق...
السلام عيكم ورحمة الله وبركاته،،،
صبحك الله بالخير والجميع.. وجمعة مباركة...

لأحمر عين مواقف جميلة.. وكثيرة.. وذات مذاق سحري يريح الأعصاب.. وينسي الهموم... ولكن أكثرها حلاوة تلك التي تربطك به شخصياً... فكما قلت أنه دائماً ما يوجد في المناسبات السعيدة... وكأنه يشمها على بعد عشرة كيلو أو بقدر مساحة الدلتية وود بخيت أهله الذين لا يرضون له إلا الخير.. كما وقفت القبيلة جميعها في قصة أخيه عثمان الأخيرة.. وكان ما جابوا الأخ الحبوب (((عدار))) بالصدفة من ود الامين لاستمرت مآساة في كل القبيلة بسبب هذه الشخصية، شهرة أحمر عين زائعة الصيت وقد يكون تغلب على الكثيرين في ذلك ...

في بوسته الخاص.. وولاءً لمن لحقتنا فاتحاته ودعواته من أيام الابتدائية وحتى في الغربة الشينة... سنسرد ما تيسر من جميل مواقفه... إن شاء الله

وله منا تحية الود والعرفان...


((( خارج الإطار)))
جميل هذا القسم من المنتدى... فاستمروا في تعريفنا برجال ونساء حق علينا أن نذكرهم بالخير.. ويعرفهم جيل اليوم... فاسمروا إخوتي..

هو شخصية صراحة تحمل اكثر مما كتب عنها وهو الذى بشرنى بالسفر واستلمت منه حجر البشارة بالسفر وايضا هو الذى بشر زوجى بالسفرونزرت نزرها الذى اوفته له وماذالت الهدايا تترا علية فهو فعلا عركنك الفتو سلمت يا ابو رونف على ما خطت يداك

الاخوه الكرام ياأخوآنا نحن محتاجين الى حاجات ذى ده
وعاوزين كلام اهلنا الحلو ده كلمونا واحكو لينا عنهم وعمنا على اللعمى
شيخ سوق ام ضبان وعكاشة الاذان والباصات الصفر والسواق ياسين
ياأخوآنا العسيلات عندهم الذكريات والطرفه اكتبو عنهم وجملو المنتدى
وماتنسو اهلكم ناس السديرة عشان تتم الفرحة القبيلة عامة!!!!
فنرجو العارف يكتب........وشكرا ليك الاخ يوسف بركات احمد
(ابو رونق)

واللة مادخل على بيت والا ترك فية الابتسامة والضحك الكثير من كلام تسلم ابو رونق

ليه على نزر جلابية

والله فعلا احمر عين من اجمل الشخصيات وغالبا ما نجده مقفول بالمخزن عند زيارتنا لهم خاصه اذا كان فى مناسبه ويكون معاى النور ود عمى حسن يكورك لينا افتحوا الباب وانا ارفض يقوم النور يفكوا قال للنور تمشى ابوظبى ولى انا انت حله كوكو وفعلا النور سافر ابوظبى وانا حاليا والحمد لله فى الحله ولم اسافر وان شاء الله لن اسافر