لقمان ...... الدومه اصلع وبدون حواجب

لقمان الدومة شخصية اخري عسيلاتيه تزيل عنك الهموم وتدخل اليك السرور وتجعلك تضحك غصبا عنك

لديه مشيه مكعوجة وينط من باص لي باص ومره قالوا اتشقلب وقع من فوق البص وقام اتنفض كانه ما حصل شي ناس الحلة قالوا لقمان ده مشارك معاه شيطان ولا جان لكنه والله نصيح لا مشاركه جان ولا شيطان فهو في نفسه شيطان في حركاته ونطاته وانت تكون سارح ومنتظر ليك حافلة ولا عربيه تركب فيها يجيك لقمان من ورا ويخلعك ويقول ليك جيب ميه وميه دي زمان اسع تلقاه اترقي وبقي يطالب من الف لفوق

ويعرفه رواد سوق الشيخ ورواد الطلمبات وتلقاه زي القرد ينط من بص لباص ومن حافلة لحافلة وقالوا لقمان مستعد ينط من بص بسرعة 150 كيلو في الساعة وما تجيه حاجه ولو ضايقوا زول وزعلوا ده شي تاني واحسب الشتائم الشينه ديك ويديك منها الف واهلنا ناس الدومة ناس طيبين ولديهم مواقف طريفة وحلوه وقالوا الحسناب الخاتيه والدومه العاتيه واهلنا ناس الدومة اذا داير تلقاهم شوف محلات الباسطه وين وقالوا مره يفتشوا لحنانيه وقالوا ليهم تلقوه عند ناس الزنبه قاموا يسالوا في الحلة بيت ناس الزنانه بوين هههههههههههه

وهناك مرتضي ودعمه وقالوا يوجد كم لقمان في الدومه وقالوا مره بتاع الحركه قبض الشيخ علي بتاع الباص وشال رخصته جاء لقمان قالوا ليه فكوا افك امك بنخنانته ديك قام بتاع الحركه ضحك وفك الشيخ

وقالوا مره بتاع الحركه قبض الشيخ علي بتاع الباص وشال رخصته جاء لقمان
قالوا ليه فكوا افك امك بنخنانته ديك قام بتاع الحركه ضحك وفك الشيخ
هههههههههههههههههههههه حلوة دی ضحکتنا یا خال الله یدیک العافیة.

الاخ يوسف سلام عليكم ولك التحية على الموضوع
أولا لقمان ده مش من الدومه بس , ده ماركة عسيلاوية مسجلة !!!
فى جميع قرى العسيلات هوى وشرق + قرى شرق النيل
عشان كده هو ماخذ الصفه العالمية !!!!! وبعد ين هو حاضر فى اى
مناسبة وبدون كرت دعوة فى الهوج ولا فى الشرق ويجى يجامل
وبدل مايدفع هو عاوز يدفعوا ليه شوف العحائب كمان يجاملك
واخلص منك !!!والعجايب كتيرة لكن خلينا فى لقمان ده احلى
حاجة ’’’’’,,,, وده فى قانونوا مافيش تك يقضى على الاخضر
واليابس وبرضو عسيلات حلوين ... ونتلاقى إنشاء الله فو ق
الرفاس ......

والله يا ابوعمار لقمان ده قصصه لا تخلص ومكانها مش المنتدي دي دايره ليها قعده والواحد يضحك لما مصارينه يتقطعن وهو زي ما قلت ماركة عسيلاتيه وعالمية كمان والله يديك العافية

Thanks Yousif Barakat. Pls we want to hear your nice voice,sent my wishes for your family and brs.from China :Magdi Elbakheit