سيناريوهات اتحاد الكرة كل يوم تزيد سيناريو.. وتصريحات ناس مجدي عكس التيار.
* والمريخ يخاطب لجنة الاستئنافات في امر لا يهمه.
* كلما يوقع علي عريضة يدخل في بيانات جديدة.
* وهذه ليست القضية.
* عرفنا اتجاهات وتوجهات السيناريوهات تخيلوا عزيزنا الفريق منصور رئيس لجنة في اتحاد الكرة ويصرح لصالح المريخ.
* الحياد وين ما عارف.
* صديقنا ازهري وداعة يقال انه من جماعة تغيير شعار المنتخب من اخضر الي احمر.
* برضو عندو راي مضاد لما يدور في الساحة.
* تكتيك اعلامي منظم واستضافة لمريخاب يعزفوا في اتجاه ضد همت.
* همت وقع باسم المريخ.
* والتوقيع لا يعجب مجلس المريخ.
* ورؤساء لجان الاتحاد مريخاب.
* همت وقع بالقلم الازرق وليس الاحمر.
* الراجل غلطان كان يغير القلم.
* تخيلوا مشتاق جدا للعزيز الفريق منصور عبد الرحيم والعزيز ازهري وداعة الله.
* فجاة صدموني بعزفهم عكس التيار .
* قلبي يحدثني بان الهلال ربما يضربونه من الخلف كالعادة.
* لذا لابد من الانسحاب قبل ان يسود قانون الغاب.
* استاذنا محمد الشيخ ما مضمون.
* يخليك تعيش علي امل ويصادر الجمل بما حمل.
* وناس عصاة نائمة وعصاة قائمة لن يخدموا القضية.
* والمهم القطن.
* السيناريو العجيب لم يكتمل بعد اصل السيناريو هزائم متتالية للهلال حتي يستسلم.
* هزيمة المريخ المصنوعة كانت البداية.
* والحرب نفسية تتواصل من اجل الهزيمة امام القطن.
* ومن هنا تنبع الرجفة.
* تخيلوا اتحاد كرة رؤساء لجانه ضد فريق عريق يمثل السودان.
* عشان كده القطن اولا.
* انصحكم نسيان كل ما يدور.
* عدم الالتفات للذين يصنعون الكابة من خلال الكتابة.
* الهلال قوي بجماهيره ورجاله واقطابه.
* الذين يحاولون محاربته ينحتون في الصخر.
* والقطن هو القضية.
* قضية نيل الحصاحيصا صنعها اتحاد الكرة وروج لها ليستفيد منها المريخ وكان له ما اراد.
* رؤساء لجان اتحاد الكرة كلهم حمر لا يرون في الازرق شيئا جميلا.
* صدقوني رئيس اللجنةده يلعب بالبيضة والحجر.
* علاقته مع الاخ الارباب ربما تؤثر في القرار.
* القطن هو القضية.
* السيناريو مخطط نعرف نهايته تماما.
* وقرار الهلال سلمه للاتحاد.
* نحلم باستعادة استاد الخرطوم لامجاده ولاتحاد الخرطوم صولاته وجولاته.
* اقول ليكم ادق الاسرار.
* الهلال لن يتاثر مهما كان القرار.
* ومحاولة الخداع لاداء المباراة القادمة في الممتاز مكشوفة.!
* اقفلوا المفقات خليكم مع القطن.. القطن هو القضية. الممتاز ما عندو اهمية.
ايقاعات خفيفة:
* مريخابي رزق بطفلة اطلق عليها اسم (بيان).
* المريخ خاطب لجنة الاستئنافات!! حكاية مضحكة لجنة الاستئنافات تستلم استئنافات وليس بيانات وخطابات.
* مشجع احمر شاهد علم الهلال فوق احد المنازل طلع بيان.
* اسامة التعاون زعيم المظاليم في الهلال عليكم السلام.
* مانشيتات الصحيفة الحمراء تصلح لرياض الاطفال.
* طبعا المريخاب ضمن مشجعي القطن في مباراة الغد.
* عودة فوزي المرضي اصبحت مثل مدينة صالحة.
* سيناريو تجمع الاندية والوزارة قصدوا به اضاعة الوقت لا غير.
* قلبي يحدثني بان القضية ستعود الي مربع صفر.
* اخاف ان يتعامل استاذنا ود الشيخ مع القضية بنفس اسلوب التعويضات.
* تصريحات مجدي عزف عكس التيار.
* من مصلحة الهلال الانسحاب دون انتظار ما احلي دوري الخرطوم.
* دوري الخرطوم لا فيهو مجدي ولا معتصم جعفر ولا شداد ولا سيد احمد فرحان.
* القطن.. القطن. ولا شيء غير القطن.
* طمبج سابقا لاول مرة استعاد اسمه منذ مغادرته الهلال.
* لواء قالوا مرشح لمجلس المريخ يشتم في الهلال ويستفزه كل يوم.
* ناس القلعة هزموا القبة فمتي يغادر صديق وجماعته.
* الاخ ابو هريرة صعد بالاسانسير وقفل الموبايل ورجع الي قواعده غانما.
* الفريق بحر.. في حالة صمت رهيب.
* الاخ عبد الرحمن ابو مرين مكتبه يستضيف يوميا مؤتمرا للاهلة الصفوة.
* اجمل التهاني للاخ الوقور جمال الوالي وهو يتراس مجلس ادرة بنك الثروة الحيوانية.
* حبيب البلد صحيفة في طريقها للجماهير الزرقاء التحية للمدير العام الاستاذ خالد القوصي وداؤود مصطفي وابو شيبة وسيبويه وعاطف الجمصي والعزيز رشا الله يوفقكم.
* يا يوم باكر ما تسرع تعجل برجفتي.
* ممكن نحلم با اسامة التعاون وجوليت ومانديلا وصالح عبد الله في التشكيلة.
* يا ريكاردو خليك معانا.
* يشتموا الهلال وينصروا المريخ ويقولوا ضد تصنيف الاعلام لهلال مريخ.
* كلما شتموا سيدا رد عليهم يتالق وكتبوا عنه قصيدة.
* بعد الطمبلا المريخ جاهو بلا.
* المعز مججوب يحتاج الي بديل جاهز في حراسة المرمي! خائف عليهو يسحروه.
* 13 ناقص ٤ الباقي كم.
* المريخاب لا يستطيع اي فرد منهم الاجابة علي هذا السؤال.
* اقول ليكم يادبل محمد احتمال لمن ننسحب تفرحو قليلا وتخشو دوري الابطال وتفضحونا اهههههههههههههههههههههههههههههههههههه لمن تلاقو النجم !!!!!!!!!!!!!!!!!!!!!!!!!!! اوعه اشوفكم حايمين وتقولو الزعيم