ايداهو مرفوع عنه الالم.
* سافر الي الامارات نيجيري وعاد منها سوداني.
* ايداهو رفضوه واعادوه ثم جنسوه.
* جاء البلد سوداني عديل.
* والهلال تقدم بشكوي بعد مباراة السيناريو.
* شكوي لاتحاد لونو احمر وكل لجانه حمراء.
* الشكوي قانونية 100٪ وايداهو الضحية القادمة.
* لكن البقول الحقيقة منو؟
* كل شيء احمر حفلة ظار عديل.
* والاقلام الحمراء تحول الابيض الي اسود.
* ما تستغربوا لو قالوا الفيفا تهدد بايقاف النشاط في موضوع ايداهو.
* الفيفا عندهم اقرب من لفة الكلاكلة القبة
* الغريبة!
* الهلال لم يطالب بالثلاث نقاط.
* ولا حاول يعيد سيناريو التصوير الجماعي.
* الهلال طالب باعادة المباراة فقط لا غير.
* شوفوا الثقة.
* ده الفرق بين الهلال وباقي الجماعة.
* دايرين اعادة وبس!
* وباكر المريخ بطلع بيان!
* يعقدوا اخونا داك واخونا ده ويصيغوا البيان ومستر بيانات يوقع.
* بيانات.. بالكوم.
* اعادة وبس
* الجماعة اعادوا صياغة امورهم من الاول.
* اللاعب السجل الهدف ومنحهم الفرح.
* لما كان في الهلال اسمو (طمبج).
* ولما سجلوه في المريخ سموه طمبل.
* وهو اصلا طمبل.
* الهلال مرتاح.
* سلم جواب الانسحاب.
* في انتظار قرار الهبوط للدرجة الاولي.
* عشان دوري الخرطوم يبقي نار.
* سيناريو العرائض عارفين نهايتو شنو.
* وصاحب المقام الرفيع يلعب يوم الجمعة بمزاج.
* لا سيناريوهات لا بيانات لا رؤساء لجان.
* سيد البلد طريقو معبد.
* عملاق تحميه الجماهير لا خوف عليه ابدا.
* مشتاقين لدوري الاولي في الخرطوم .
* الهلال هلال السودان موعده في ام درمان اتحاد الكرة استهدف الازرق.
* استهدف الفن والابداع والعرق واصبحت السيناريوهات هي التي تنتصر.
* حرب نفسية تصعيد القضية تصريحات نارية وتحكيم غير عادل.
* في الدقيقة ٨٨ لم يقع اي لاعب من المريخ علي الارض.
* الواقع لا يمكن ان يقع.
* كلما الهلال ينفرد فاول.
* رئيس لجنة التحكيم منو.
* سؤال ممنوع عن الاجابة.
* ولك يوم سيناريو منتهي الغرابة.
* والان شكوي الهلال علي طاولة اتحاد الكرة.
* المعالجة من الداخل متوقعة قبل النظر في الشكوي.
* اخر المطاف يهاجموا كابتن هيثم نسوا كل ما فعله اشباه النجوم عندهم.
* تصرف السعودي !! جبرة الخ.
* ارشيف علي الفكي زاخر بالكثير والصور والوثائق.
* من الذي اعتدي علي الطفل الهلالي نصر الدين خلف الله مساعد بعد فوز الهلال بهدفي شمس الدين ووليد ٦١/١١/٦٨٩١ ونشرت جريدة الراية وقتها كل شيء.
* هل نسوا اعتداء حموري بالضرب علي شيموناك مدرب المريخ وخرج بحماية الشرطة.
* هل نسوا سبب الرياضة الجماهيرية واعتداء حارس مرماهم علي قاقرين هذا قليل من كثير اما معاملة اللاعبين للمدربين والجمهور خليكم معاي.
* سبحان الله.
* البيتوا من قزاز ما يجدع الناس بالحجار.
* خلوها مستورة.
* الموضوع شكوي ايداهو.
* الجماعة يقفلوا ملفات ويطلعوا بيانات.
* اعادة وبس.
* احسن حاجة لما تكتب عن المريخ تطلع من الموضوع وترجع تاني.
* يسرحوا ويجوك راجعين.
ايقاعات خفيفة
* بيان الشكوي بطلع متين.
* اعطني مشكلة امنحك بيان احمر.
* بعد هدفه في الهلال تمت ترقية طمبل من طمبج الي طمبل بقرار من الاعلام الاحمر.
* الهلال صامت وصامد قولوا ما شاء الله.
* مظاهرة فرح ما يحس بيها الا الفرحان وحده دي يفسروها كيف.
* التحية لصحيفة الرائد وهي تعانق القراء وتحية خاصة لاستاذنا عبد المحمود الكرنكي. والمدير العام عمر محمد باسان والاخ العزيز محجوب عبد الرحمن وكل العاملين مع التمنيات بالتوفيق.
* الهلال يهز ويزر.
* هلالاب جوبا اعلنوا حالة الطواريء مرحب بيكم وبرسائلكم.
*بدات الاخبار المدبلجة تنتشر واغلبها حول الحل المنتظر.
* اقصد حل القضية وليس حل الاتحاد.
* علاء الدين جبريل ولا يهمك.
* كلتشي انفراداتك الضائعة تخلينا نقول يا حليل قودوين.
* جماهير الهلال ما فيش حد يقدر يقول كلمة.
* روائع.
* يقال ان الارباب رئيس نادي الهلال جلس لامتحان القيد الصحفي هذا العام يا ربي داير يبقي رئيس تحرير صحيفة الهلال ولا شنو؟
* الارباب دائما عندو مفاجات.
* لك التحية يا صاحب اخطر واروع قرار.
* القطن هو القضية.
* المريخ لا يفكر في التمثيل في البطولة الكبري عاقل جدا.
* اتحاد يا سلام عليك.
* الو.. الو.. الاخوان محمد عبدالوهاب ومحمد بركات هاذ ردي