[b] اخيراً تنفس اهلنا المريخاب!!
* تنفسوا الصعداء!!
* كانوا يعيشون حالة من الكبت غير عادية امتدت لسبع سنوات عجاف.
* منذ 2001 لم يهزموا الهلال في الدوري الممتاز.
* يا حليلهم.. الشياطين صالوا.. وجالوا.. وكتبوا.. واحياناً حملوا الكرة وهربوا!!
* دنيا الشياطين دنيا عجيبة!!!!!!!
* طمبل الشتموه وهتفوا برجوعه للهلال.
* جاب القون.. طبعاً قبل كده عملها باكمبا!!
* دي ما القضية!!
* هلال مريخ الاخيرة جاءت بسيناريو عجيب.
* الهلال كان يلعب ضد اتحاد الكرة . والمريخ والاشاعات ولجان الاتحاد الحمراء (والفيفا ذاتها!!)
* الهلال ده.. الله يكون في عونو!!
* كلما يتألق الاعداء يتضاعفوا!!
* والهلال ظريف وفريق اولاد قبائل وود بلد وسيد بلد!!!!
* عملوا سيناريو هزموه ضد المريخ!!
* كل المعالجات كان يمكن ان تتم قبل المباراة.
* لكن الجدولة قالت (فرح الغلابة اول حاجة)
* وخرجوا الغلابة!!
* الهلال حدد الانسحاب.. لانه صاحب قضية!!
* الاقلام الحمراء.. هاك يا شتائم في الهلال شتموه بكل الالفاظ.!
* وسيد البلد صامد..
* استهزوا من الازرق لانه قرر الانسحاب وطالب بتنفيذ قرار الوزير..
* وصاحب المقام الرفيع صامد!!
* جدولوا المباراة.. وقالوا ده انسحاب شفهي!!
* الهلال سلم خطاب الانسحاب رسميا..
* واعلام المكياج يشتم..!!
* اراء تغيرت.. ومواقف تبلورت.. والزعيم صامد!!
* انتظر الهلال قرارات ما بعد الانسحاب!!
* جمهور الشياطين بدأ يستهتر بالازرق..
* تلعبوا مع الجريف.. وامبدة والاهلي.
* قلنا احسن الهلال يقوي دوري الخرطوم!
* مجلس الهلال قرر ان يخوض المعركة بكل ثورية ومن خلفه الجماهير.
* قرار تاريخي لمجلس صاحب المقام الرفيع!!
* من لم يحاول صعود الجبال يعش ابد الدهر بين الحفر!
* يا حافر حفرة السوء.. وسع مداركك فيها!!
* واطلت مبادرة!!!
* واخبار الفيفا.. تحاول ان تدنس النوايا النظيفة!!
* الهلال لم يستأنف!
* يطالب بحقوقه حسب القرار!!
* طالما ان الذين وقعوا واتفقوا وباركوا مشاركة الهلال في الممتاز ومنهم اعضاء اتحاد الكرة تتنصلوا عن عهودهم!!
* الهلال لا يتنازل عن عهوده..
* جاء قرار اللجنة المنظمة ضد الوزير.. واكد مجلس الهلال ان القضية مع الوزير.
* قال الهلال انه سيلعب الدورة الاولى ولعبها.. رغم سيناريو الهزيمة المدبلج.
* وبعدها سلم خطابه.. القرار الهلالي كان قبل المباراة.
* لو فاز او تعادل او انهزم هو قرار هلالي لا يقبل القسمة على اثنين.
* والمبادرة تحركت!!
* لجنة الاستئنافات اجلت المباراة.
* ١١ نادياً مع الوزارة تقدموا بالاستئناف.
* الهلال لم يستأنف كلهم استأنفوا نيابة عنه!
* صاحب القضية لن يكسر ظهور عشاقه.
* وبقاء الهلال في الدوري الممتاز يعني قوة الممتاز والهلال!
* الذين شتموا اظنهم الآن ندموا.
* اول الموقعين في الاستئناف ضد قرار اللجنة المنظمة.. المريخ!!
* والثاني.. نيل الحصاحيصا!!
* وكتلة تجمع اندية الممتاز تضم عقلاء يتعاملوا بمنطق العقلانية!!
* تم تأجيل مباراة الهلال ونيل الحصاحيصا المعلنة.. في الدورة الثانية.
* قرار برمجة المباراة الاولى في الطريق.
* الذين شتموا الهلال وعلى رأسهم سيد احمد (فرحان) عاملين كيف!!!!
* اصحاب الاقلام الذين شتلوا الحسرة والالم.. عاملين كيف!!؟
* التصريحات العنترية توقفت تماما!!
* لكن كل لئيم.. يهوى شتيمة الزعيم!! لانها تمنح المجد.. والشهرة!!
* الذين شتموا.. وتزعموا ونشروا الحسرة والالم واستفزوا المشاعر ماذا يقولون الآن.
* الكرة في ملعب الهلال.
* الكرة في ملعب الزعيم..
* رفض ان يستأنف القرار لانه لا يعترف به اصلاً!!
* والله يا هلال انت بتعمل في جنس حاجات!!
* اريدك.. واريد البريدك يا حبيب الناس!!
ايقاعات خفيفة
* في اقلام حقو تتكسر.. خاصة اخونا العامل عنتر.
* استعدينا لدوري الخرطوم.. لكن القانون كشف الماعون!!
* ده الهلال .. وبس!!
* عزيزي الارباب صدقني اول مرة ارتاح ليك ٩٩٪.
* ده.. الكلام ولا بلاش!!
* كل زول شتم الهلال.. ووقف ضدو.. حقو يعتذر.
* الاقلية صوتها.. لا يصل الى المنصة مهما ارتفع!!
* بختك يا طمبل اعادة تسجيلك ب- 400 مليون على الاقل.. لكن باكر يشتموك تاني!!
* ناس المريخ مندوبهم وقع.. واصدروا بيانا!
* قالوا كتلة الممتاز معاهم لقوها ما معاهم!!
* اظنه بيان نصف الدستة المعتاد!!
* انسحبوا عديل.. بيانات شنو!!
* كلما اتفقوا الناس على حاجة و.. يطلعوا بيان!!
* خالف تذكر!!
* الو.. الو.. الاخ الارباب على الطلاق عازمك شاي.. دي عملتها كيف!!؟