نقاش عن الدكـة وما ادراك ما الدكـة

يا جماعـــــــــــــــــة ناقشونا عن الدكة
البعض يقول عنها انها منتدى مباشر
والبعض يقول انها دكــــان ود البصير التانى

والبعض يخالف
يقول جلاس طريق
الدكة تلم الموظف وتلم رجل الاعمال وتلم المقاول وتتلم الطالب


افتونا فى الدكة

حمزة محمد على الجــعلى كتب:

يا جماعـــــــــــــــــة ناقشونا عن الدكة
البعض يقول عنها انها منتدى مباشر
والبعض يقول انها دكــــان ود البصير التانى

والبعض يخالف
يقول جلاس طريق
الدكة تلم الموظف وتلم رجل الاعمال وتلم المقاول وتتلم الطالب


افتونا فى الدكة

يكفى ناس الدكة فيهم الشهامة والمروة

رب ضارة نافعة

والله الدكه دى ياها منتدى الحله وبفرقوا فيها ما عندهم شدائد

الدكة فيها متعة الجلوس وفيها تواصل وتراحم ذي المنتدي
وكل ناس الدكة ناس مسجد الحمدللة تجمعها بعد الصلاة

بصراحة الدكة الصالحة عند اهلنا الفاكياب كان دائما يتم بها عقد زواج وربنا يكثر من محاسنها

اهلنا العسيلات السلام عليكم
والله ماشاء الله عليكم لكن ما شفتو ا السديرة والدكك...
دكك بالكوم فى السديرة الشرقية وكل فئة وكل ناس
فى مجالن فى السديرة فى اى ملف فى اى زاوية تقابلك
دكة عطال جد جد ودكك صاح وكلام الطير فى الباقير ......

[لا لا لا الدكة التى نتكلم عنها يا ابو عمار هى دكة بعينها فى ودبخيت ودسرار ولها والله كثير جدا من المحاسن وخاصة الاجتماعية وكما اسلف الكتاب هم اصحاب عمل ويصلون ولكن لهم قرارات جد هامة فى المنطقة وهى منتدى فعلا مصغر والله يهدى الجميع الى حسن الصواب

اذا التزم المدككون بأداب الطريق( غض البصر و خفض الصوت و تحاشى فاحش الاقوال و اغاثة الملهوف و مساعدة المحتاج.... ) فنعم الدكة تلك
رغم أنى لم أسمع بهذا المصطلح من قبل...
أتمنى أن اكون فهمت صاح!!!!!!!!!!!

ايا كان المسمى ناس الدكة اوناس البرش اهم شى فى الموضوع التزام الناس القاعدين فى الحلقة بالاخاق الاسلامية والاستجابة لنداء الصلاة والابتعاد عن اكل لحوم الناس وغض البصر ونتذكر جيدا ان لسانك حصانك ان صنتة صانك والرسول صلى اللةعلية وسلن فى حديث مامعناة من يضمن لى مابين لحية وقصد اللسان ومابنت فخذية ضمنت لة الجتة
نسال اللة ان يحفظ الجميع

الاخت يسرا احمد ابوعاجبة
معليش انا تكلمت على حسب الموضوع المكتوب وعلى حسب
فهم اى إنسان سودانى إن الدكة هى أن يجلسوا نا س الحلة
كويمات كويمات على الطرقات وشلل شلل هذا مفهوم الدكة
واذاكان دككم حاجة خاصة إبقى ده كلم تانى ووضحوها لينا
عشان ما تلومونا !!!!!!!!

مشكورييين على التعاليق والدكة بمعنى عام ما جاء على لسان الاخ ابو عمار وموضوع الدكة هو دكة بمثابة منتدى لودبخيت ودسرار
والشكر لكل من علق على الموضوع

الاخ حمزة الجعلى السلام عليكم
الدكة دى موجودة عند السودانين بكثرة وفى اى بلد
مش فى ودبخيت وودسرار بس !!! واى بلد فيها دكك
واشكرك اخى حمزة وانا الحمدلله صائب فى كلامى
لكن ما عارف الاخت يسرا ابو عاجبة تقسط اى دكة
فارجو منها ان توضح لنا اى دكة تقصد !!!!!!!!!!!
لكم ودى وحبى إخوتى الاشراف وانا برضو شريفى !!!!!!

الدكة التى نحكى عنها هى جلسة ظريفة امام مسجد انصار السنة بودسرار وهى تضم كبار سن وشباب واعطوا الريق حقة وعندما انزلنا الموضوع للنقاش والطرح كنا نتمنى ان يدعموا بالراءى او ان يوجهوا للجلوس مثلا بالنادى او الجلوس داخل خلوة المسجد او غيرها من الاقتراحات التى تصل من اهل المنتدى ونحن بصورة عامة ليس لدينا اى اعتراض على الدكة او جلسة البرش كما جاء من بعض اخواننا طالما اعطوا الطريق حقة كما جاء فى الحديث الشريف والا حاربناها بكل ما اتينا من قوة هل من معلق

$$$$$$$$$$$$$$$$$$$$$$$$$$$$$$$$$$$

والله الزول التناول الدكة حقو يدوه جائزة لانو الدكة بتلاقي فيها ناس والواحد بعرف الحاصل في الحلة وهل تعلمون ان ناس الدكة والله بناقشو مشاكل الحلة والحلول والله علي ما اقول شهيد شاهدت بعيني ناس الدكة لافين يجمعو مال لحل مشاكل الصحة والعلاج وربنا يجعلها في ميزان حسنات دكة الفرقان .
وانا شخصيا والله مشتاق للدكة لاني لي قريب السنتين ما قعدت فيها ومشتاق ليها كتير وناس الدكة ربنا يخليهم ويحفظهم .
واتمني انو لو في راي مخالف ان يطرح الموضوع للنقاش
وجزاكم الله خير