بوست خاص بكلمات اغانى عقد الجلاد

توثيق لكل اشعار عقد الجلاد لنسمو بمنتدانا ونجعله في القمه

الطمباره والغناى

نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين وركاب السروج وقاع
شق ياولدى بحر التيه بتتدردر وتتودر
ولامن يوم علي تايهتنا ديك ترسي
نعذك من قبيل داخرنو ليك
الشوق بحر ياولدى بحرا التيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوقو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا وابق قفاك لاتعاين علي موطاك
ولا تندم علي خطوا تملي مشيتو لى قدام
وابقي العاتي ذى سنطتنا زى صبرا نلوك فوق مرو ذى الزات
لاشيتا نزل في الجوف لابرجع ولا بنزات
واركز للبجيبها الريح تقيف انت ويشيلها الريح
وابقي العاتي والدرب الوراك مسدود شيل شيلتك
بقيت للنص لاحلما بجيب البر ولا حدود
وانبليتا اختي الرمل ما تقع مكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا وما لقينا فوق جمر خطانا وما لقينا
يوم الوعد ياحليوه فيك الدنيا ما كانت شروق
الا الارض متكشفا متبلما نعمتو من خير الخريف
لافحالها شال منطرحه خضرا وفرحه دوب تتشابي لعين الشمس
من بت حليوه النفس بيضا كذا الحليب
والروح مشحتفا في البلود الفيها ريحتك
للبعود من فزعة القرب البساسك فوكا
موراجع ولا بالحيل قريبه
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
لوشفتي كيف يوم الوعد كيفنو مترامي الغمام
القمري زغرد للبلوم والنسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه وحليوه ضاحيه كذا النسيم
والدنيا غيم وحليه جد جد ياولد قول للبلد
قايل غناوي الحزن ليه شايل مساديرك مجامر دمع ليه
ليش يا بلد والناس تريد والدنيا كل ما تريد تزيد
تملا الايدين تفرح تهش
لو صحيح غنينا بالدمع الحميمه لو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما دوق الهزيمه

المسدااااار



ودى كلمات المسدار
أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني



خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضايا الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَا المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

واللاّ صَحِي الورم عَضّامِي



سفريتك مِي في النيّة

ماها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِلِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرْفيرات الحُزْنِ

وشِنْ القَعدة

يا أبو السُّرة

شِنْ القَعدة في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة ..

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

وما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

نادينا القعوي والبُلْطي

قرقور السّمَك ودّانا لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

وفُتْنَا عليها

كانت نايمة

عَجّال البحر حارساها

كانت نايمة بين حجرين وضُل ساسوية

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ



مَسَكْنَا دَرِبْنَا

وعُمّال الطّمِي الصّحوها

خابرين الدّروبْ

مَرَقوبنا في مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

وصوتها مكتِّمو القَرَبين سيوف وسَوانْكِي



قولَنْ لي الأَخْلو ديارو

دمّكْ فَرْهَدْ في نارو

غَوّرْ في الأرض

طارو صَقْرين

أولاد الأرض ما طارو

لحمي غَطّى بِنْ عَمِّي

شو صار حالو يا إمِّي

منديل العِرْضْ في بيت الدِّينْ

دمِّي ما يخلِّي دمِّي

إنّا من دير ياسينْ

صِرْنا في جِزْر التّين

عَمْ نسقى بعضْ

حُبّ الزّيتونْ بدّو يرجع للطينْ



صابرا تحت الدورية

صابرا فوق الدورية

صابرا فوق الدورية

يا حال الضِّدْ

لحم الطِّفلين نابت غُصنْ الحريّة

جِذْري مو في شاتيلا

ما قال حالي يا ويلا

حِنّا في الأرضْ

أرضِ فلسطين

يا إمِّي هيلا هيلا

يا إمِّي هيلا هيلا

يا أُمِّى هيلا هيلا

هيلا

هيلا

هيلا



هيلا وهيلا يا ابو السُّرة كُجْ العين

تخبر الشّينة من الزّينْ

تَفُرْز الطّاري من السّاري

يا ابو السُّرة كُجْ العينْ

ومدُّو صباعك السّبابي

قول لي الغَافي يا زول هويْ

وهوي يا غافي يا زول هويْ

أرخي الغُردة للعَنّافي

شِدْ القمري بالحوبابي

في مسدارنا

شِلْنا نهارنا

في إيدنا من ساسو البحر عقدينْ

مَسَكْنا دَرِبْنا

وعُمّال الطّمي الصّحونا

خابرين الدِّروب مرقوبنا في مُشْرع مَسَارب الضّيْ

لقينا الدُّنيا تترجّانا

قوقا القِمري

خَوّى صقيْر

وعَوّى حِدَيْ

وكُنّا جماعة

دابّات الأرض والسّايمة

عَوّامة البحر والطّيرْ

وحتى الغيمة قصّاصة الأَتَرْ

فوق راسنا شايفة الدّربْ

ضِنيب اليَانْكي

قال القمري لي الضُّليلة :

خَلِّكْ صاحية زوغ اليانكي لا يودِّرنا

قال الدّابي :

إن يغباها ما بيغباني

ولمّا الشّمْ مودِّعة غاربة

وَصّتْ جملة الصّقّار عيونهنْ كَارْبة :

أبقو أَلِفْ

بَفوت لي المِتْلَكُنْ ناهضينْ



وفوق ديناب عريباً غادي

قال السِّحْلي لا تغشوهو

ديل عُربانْ توابع اليانكي

وخَلُّوها العريب الغايبة

السّراقْ طبيقو معاهو

تيجاناً عروشها الخروعْ ..

الهَشْ ..

العَويشْ

الناّر تَعَلِّبْ فوق عُقَال العَرْشْ

ولا خَسّانا بي هادي العروش الهـُرْبة

يا ابو السُّرة .. لا عَقّالْ

مسكنا دربنا

وعمال الطمي الصحوها

خابرين الدروب مرقوبنا من وادي الضلمة

الكان

وعقب لمينا في باقي الجمع

قاصين دريب اليانكي

سنور الغيب في الكونغو

وصبراً من جنوب أمريكا

ومن كلهاري ديباً ضاري

والتمساح وليد أمازون

ونمراً في النمور كمبودي

وام رَخَمْ الله مكسيكية



ولمّ لميمنا

لمّ لميمنا والشّمش البتوقد فوقنا

شدّ شديدنا لا التِّمثال مَشيّلْ روقنا

عَالَم حُرْ يدوعِلْ فوقنا

لي يوم سوقنا

نبصُق فيهو .. في عينيهو جَرْ واسوقنا



يا شمسي طِلِّي .. طِلِّي

شاوري عَ بيتي دِليِّ

كَيّال الكيل .. ختياري ماتْ

ظِلِّي عَمْ يحرس ظِلِّي

عَادِلْ عَ خَييّ ميلي

خَييّ ما يحمل شَيلي

ما خَفّ الشّيلْ

تاني المرّات ناطِرْ رصّاصِي سيلي

عيني في الفيل ما ظِلّه

كِلْنا ندريه ما نضِلّه

يا ويل الويلْ

نرمي الجمرات عَدِّ المستشْهِدْ كِلّه

نرمي الجمرات عَدِّ المستشْهِدْ كِلّه

احتاج دوزنه


أحتاجُ دوزنة وتراً جديداً
لا ُيضيف إلى النشيدِ سوا النشـــــاز
لغةً تُفتشُ عن أراضٍ خِصبةٍ
شمساً تُغير طعم فاكهةِ الشتاء

أحتاجُ مِفرزةً من الشعراءِ و الجوعى
لنُعلن سُخطنا أو ننتهي منا باغنيةٍ تذاع

بالشهداء
بالفقراء
بطفلنا الآتي
بكوم اللاجِئين
بالداعين في الصلوات
هتـــــتفنا ما سمعتم
ثم هاجرنا انصرفتم

يا بحراً تجاوز في سكونِهِ كل حد
يا بحر قم..حرِك تحرك
أو فعُد نحو ابتلائك فالنهايات القديمة لا تُحد
ألفُظ جحيمك
أو فغادر ساحليك إلى الأبد
تابعوا من شئتمُ أو طاوعوا من خفتمُ
فالزاحفون إلى الفجيعة أنتمُ
فقط إفهمـــــــــــــوا
أن لا وثيقة أو وفاق
ولا حقيقة أو نفاق
تخفي عن الأطفال عورة من دفنتم مِن رِجال

يا بحر قم..حرِك تحرك
أو فعُد نحو ابتلائك فالنهايات القديمة لاتــحــــــــــــــــــــــــــــــــــــــــــــ ــــــد

ياريت يا بت الخاله تمدينا بالمصير لعقد الجلاد انا بدور عليها مالاقيها ده طلب خاص

الاخ محمد والاخت تونه
دى اغنية المصير وهى من اغانى الرائع ابراهيم عوض وساقوم قريبا برفعها بصوت مجموعة عقد الجلاد

الـــــمــــــصـــــــــيـــــــــــر

ليه بنهرب من مصيرنا ونقضى ايامنا فْ عذاب
ليه تقول لى انتهينا ونحن فى عز الشباب
نحن فى الأيام بقينا قصة ما بتعرف نهاية
ابتدت ريده ومحبه واصبحت فى ذاتها غاية
كنت تمنحنى السعادة ولى تتفجر عطايا
ولما أغرق فى دموعى تبكى من قلبك معايا
كنا فى ماضينا قوة قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة وكنا عنوان للشباب
وهسى تائهين لينا مدة نجرى من خلف السراب
تأنى ما تقول إنتهينا تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا نحن يا دوب إبتدينا

والاغنيه يامحمد نزلها احمد في الفديو مبااااالغه تسلم احمد

لي وين و كيف لمتـــــــــــين




لي وين وكيف لمتين
يا ضحكة ضاعت وين
يا حزن يا مرتاح
بين الدموع و العين

تعبت معاك الروح
والليل حشد سهروا
شباك حلم مقفول
حرس المسافة يطول
للفاتو ما رجعوا

يا سكة لبيـتنا
يا عتمة يا مشوار
يا شارع الحِـلة
ماضاعت الذكرى
للغابو و الحضرو
يا قمري يا قمرا
يا سنسنة و حمرا
بسأل عن الأفراح
و الخاطر المرتاح
عن دنيا فيها السماح
عن الصباح الراح
لا ضو و لا أثرو

علِمنا يا مسكين
ورينا عايش كيف
دي الريح وقول الزيف
بيشتتوا المطرة
والفكرة قولة الحق
مكتوفة مُكتسرة
الخطوة نحوِك كيف
والسكة دي خطرة
أطفالنا و الأُمات
آمالنا و أحلامنا
الهسة والجايات
طوالي في وكرة
لكن دا كلو يهون
مهما الصباح مرهون
والفرحة محتكرة
البذرة مهما يكون
حتبقى يوم شجرة

شين ودشن

الشاعر / صلاح احمد ابراهيم
الحان / حمزة سليمان



شين ودشن

حر سيافى شين

شين ودشن

كلمة مافى شين

وهظاروا خشن

بسموم وسوافى

تسال شن الحبة الفيهو

الحب في زاتو مبرر كافي



ماشين ودشن

حار سيافى شين

عشان بقعة خراب

مافيها شجر

راويها سراب واطاطا حجر

حصحاصا يولع في الرمضاء

الحب سلطان مسلط نافى

لغيروا مرض لكن شافي



الشعب الحر الفعلو بسر

آب لحما مر

في الزنقة أم لوم قدام ميلين

البسمع فيهم يا أبو مروة

بي فرارة ينط من جوة

يبادر ليك من غير تأخير



دا اخو الواقفة يتعشى الضيف

الحافظ ديمة حقوق الغير

سيد الماعون السالي السيف

الهدمو مترب وقلبو نظيف

لا تسالنى عن حب وطني الفقران وغنى

صداح
يامحبوبي
هاك مني مكتوبي
صداح الغني المكتوم
مداح الجمال والنوم
كلمة حب
في قلب حبيبي
وقليب حبيبي من توبي
توشوش جوه قلب النيل
مع اللهفه العلي ولدي
يامعشوقي
ليك من شوقي كل الشوق
فيالخرطوم
اذا نامت عليك عيون
تشوف الضلمه في الضحى
والنهار مخنوق
ولو غنيتي والغنا للسلام مخلوق
اعرفي انك
الزمن اللجاي شروق
فيا الخرطول عيو ن الحق مابتنوم
اعرفي انك الزمن اللجاي شروق واعرفي انك الزمن الحبيبو حنون

كلمات :سعد الدين ابراهيم
الحان : ابو ذر عبد الباقي
اقول باختصار ..
لأنك كأنك هموم الحصار ..
أهو بعدت عنك فايه يعني صار ..
أحبك تصور .. بكل الحواس ..
لأنك كأنك .. براك انت ناس..
مشاعلك يضون .. بما لا يقاس ..
و يخبن تجاهي و يصيبن نعاس ..
أحبك حمايم لأجل السلام ..
و فوق الغمايم تحلق دوام ..
و ما ألقى منك برغم الهيام ..
سوى طيف وعودك كلام في كلام ..
أحبك تصور برغم الحواجز ..
برغم الأماني الوساع العواجز ..
أريدك تصور و أفتح نوافذ ..
يجي الفجرباكر منور و ناجز

افديك ياسلم افديك من عصرا بدرى
تعال
او قبل صياح الديك
الشمس بتستناك للمنزل بتوديك تنجما
تنجما وتشرب شاى يا مظول من شايك
ولو جرحك غور فيك بنسندك وندفيك
انا أم بحلم بحلم بجناى
لالالالالالالالالالالالالالا
لا خايف لا مكبوت
تتقدل تتقدل
فى واديك غاباتك وتبلديك
نخلاتك تتمناك والخندق بقا شباك
وعريس الهنا عريس الهنا
عريس الهنا
جنبى

تــــــــــــــــــونة مشكورة ويقدرنا على جزاك وبالحيل عجبتيني باختيارك لاغانى عقد الجلاد
لانو والله بحب اغانيهم وياحبذا لو نزلتى ياعنى ما كسر رقبة اغنية ود باب السنط
ومشكوره خالص على اغنية احتاج دوذنة

وهاكم دى حقيقه من اجمل اغانى عقد الجلا لانها تمثل واقع المواطن السودانى الغلبان

قطار الشوق متين ترحل تودينا نشوف بلدا حنان اهلا ترسى هناك ترسينا ... نسايم عطبره الحلوه تهدينا وترسينا نقابل فيها ناس طيبين فراقم كان ببكينا ..يا قطار الشوق متين توصل حبيبنا هناك راجينا متين نحضن عويناتو متين يسرع يحيينا .. يا قطار الشوق دا ليل الغربه فيهو ودار متين تسرع متين بتكمل المشوار .. عشان ما نلقى سيد الناس ونطفى البينا من النار نشوف عينيهو نعسانه ولونو الزاهى كلو نضار .... يا قطار الشوق حبيبنا هناك يحسب فى مسافاتك ولو تعرف غلاوة الريد كنت نسيت محطاتك وكان بدرت فى الميعاد وكان قللت ساعاتك وكان حنيت على مره وكان حركت عجلاتك ....... يا قطار الشوق متين ترحل تودينا نشوف بلدا حنان اهلا ترسى هناك ترسينا ..... مساهمه بسيطه جدا من احمد ود عشه بت حنه ...

عاوز : لانك عندى كل االخير و عاوز كمان : ما قدرت اقول نسيتك و بعدها انت فى خوفك تحاكى..... لو سمحت يا بطل