كلمات أغاني الفنان محمد وردي

يا شعبا تسامي
يا شعبا تسامي
ياهذا الهمام
تفج الدنيا ياما
وتطلع من زحاما
زى بدر التمام
تدي النخلة طولها
والغابات طبولها
والأيام فصولها
والبذرة الغمام
قدرك عالي قدرك
ياسامي المقام
ياملهم رماحك
سناها الصدام
أم در والطوابي
في صدرك وسام
ملامح كم
تسامح
تغضب لا تلام
همه وعبقرية
ذمه وفجريه
ضد العنصرية
وتحلم بالسلام
فداك وفي حواك
يامدد الكلام عفوك
أنت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
وأجمل مالدينا
من يوم السمايه
من قبل الفطام
منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام

حنيه / إسماعيل حسن

ياما دربك كنت بفرشو ورد وحنية واماني
ياما عهدك صنتو وما خنت وكام ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تيقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني

لو بهمسه .....قوووووووووول!!!!!!!!
آه لو بهمسةلو ببسمة قول احبك
لو بنظرة
نظرة حتى عابرة قول احبك
لو بتحلم في منامك قول احبك
لو ترسل لي سلامك قول احبك
يا حبيبيآه يا حبيبي

كل كلمة من شفايفك أحلى غنوة
كل نظرة من عيونك فيها سلوى
كل نسمة من ديارك فيها نجوى
وكل همسة يا حبيبي عندي حلوة
يا حبيبي
آه يا حبيبي

يا حبيبي عمري كلو اهديتو لحبك
يا حبيبي انت عارف والغرام يشهدلو ربك
يا بدوري في الظلام والظلام يحجبلي دربك
آه .. ناري بعدك
والحنان والجنة قربك
يا حبيبي والزهور الحلوة تتفتح في قلبك
انت عارف أنا يا روحي بحبك

خوفي منك
خوفي تنساني وتنسى الليالي
يا حبيبي انا خايف ياما بعدك انسى حالي
آه ..
أبقى تايه والغرام يصبح حكاية
والأماني الحلوة دي الكانت بداية
تبقى اشواق في طريقي للنهاية
آه يا حبيبي

الهوى الأول / الجيلي عبد المنعم

أخادع نفسي بي حبك وامنيها
واهرب حتى من ذكراك
والاقيها
دموع الحسرة في عينية اخفيها
نار الشوق اقول الصبر يطفيها

اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر

شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه

تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

الود / عمرالطيب الدوش

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ

وتر مشدود/ محجوب شريف

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

أرحل

قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى

بلد رايح / عمر الطيب الدوش

حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران

موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيكو اسأل
يا وطن رايح
إذا كل القبور دخلت
بيوت الناس
بلا استئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

أصبح الصبح
أصبح الصبح
ولا السجن ولا السجان باقي
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي
فرحة نابعة من كل قلب يابلادي
أصبح الصبح
وها نحن مع النو التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبدا ما هنت يا سوداننا يوما علينا
بالذي أصبح شمسا في يدينا
وغناء عاطرا تعدو به الريح
فتختال الهوينى
من كل قلب يا بلادي
فرحة نابعة من كل قلب يابلادي

بـعـد ايـه / إسماعيل حسن

بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما ببكو عليه

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

حنبنيهو / محجوب شريف

حنبنيهو..
البنحلم بيهو يوماتى
وطن شامخ وطن عاتى
وطن خيّر ديمقراطى

وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده سياده حريّه
مكان الفرد تتقدم..
قيادتنا الجماعيّه
مكان السجنِ مستشفى
مكان المنفى كليّه
مكان الأسري..
ورديّه
مكان الحسرة أغنيّه
مكان الطلقة
عصفوره
تحلق حول نافورة
تمازج شُفّع الروضة
حنبنيهو
البنحلم بيهو يوماتى

وطن للسلم أجنحتو
ضدّ الحرب أسلحتو
عدد مافوق ما تحتو
مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادى
ما بنبنيهو فرّادى
ولا بالضجه فى الرادى
ولا الخطب الحماسيّه

وطن بالفيهو نتساوى
نحلم..
نقرا
نتداوى
مساكن
كهربا ومويه..
تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه

قطر الندى/اسحاق الحلنقي

الريد جو قلبي بحبك بدا
ياطيبة حياتي يا قطر الندي
ما كان في خيالي تتنكر كدا
أيامن الجميلة ليه بتنكدا
جربت هواهم
قليبي انكوى
تاريهم جاروا
وماصانو الهوى
حاولت اسيبك واتناسى المضى
أيامك معاي ساعات الرضى
المكتوب علي أنا قلبي ارتضى
ياريت الليالي عطفو يعوضا
جربت هواهم
قليبي انكوى
تاريهم جارو
وماصانو الهوى
الكلمة الحنينة مشتاق اسمعا
روحي خلاص جفيتا والشوق لوعا
الدمعات
عيوني كيفن تمنعا
وانا شايف سنيني جورك ضيعا
جربت هواهم
قليبي انكوى
تاريهم جاروا
وماصانو الهوى
يومي الشفتك انت حسيت بالهنا
طويت يا حياتي شمعاتي انا
بعد الحب دا كلو يا أجمل منى
لي بكيتني تاني عاودت الضنا
جربت هواهم
قليبي انكوى
تاريهم جاروا
وماصانو الهوى

وطنـــا
وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياة
مداين تعاين
كأمّ العروس
تهلل تكلل جبين الإمام
رزازاً يبلل أغاني الخليل
أصدق كلامك حقيقة وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

الهديه
كلمات السر دوليب

ياحبيبي فكر ..... وقدر إيه ..... الجبتها ليك هديه
أزاهر ...لا... جواهر...لا ...أغلي وحات عينيا
هديه فيها حرفي وحرفك وزكري حبنا مكتوبه
مكانه إيدينك الحلوه... تزين لبنانك المخضوبة
تخليك تفرحي وتقولي شوفوني انا مخطوبة

خلاص ياحبيب ماعدت اطيق بعدك وإنت قريب
في قلبي وروحي إخترتك لأيامي شريك وحبيب
قبل العمر يفرقنا...ومانلقي في شبابنا نصيب
حبايبي وأهلي شاورت... هنوني بهواك ياحبيب

قالو والله والله تستاهل حبي وإنشغالي عليك
قالو والله والله تستاهل قلبي الهديتو إليك
وجوك معاي يهنوك يشوفو البهجه في عينيك
وكيف بي لهفة الأشواق اخت الدبلة بين إيديك
تخليك تفرحي وتقولي شوفوني انا مخطوبة
حبيناك من قلوبنا واخترناك يا حلو
ماتبادلونا العواطف ليه تدللو

حبينا فيك العفة والدم الشربات
والله العيون خلتنا في حيرة وآهات
وفي ابتسامتك شفنا جنات وجنات
شوف العلينا واحكم كان داير اثبات

كان الدلال من طبعك وعاجبنا فيك غرور
ان جرت برضك عادل ظلم الجميل مغفور
نهواك نسيح في ريدك شايفين ألمنا سرور
نار الغرام ياهاجر في قلوبنا توقد نور

أصلو الجحيم في غرامك نرضا عشان يرضيك
حتى المحال ان درت بنطوعو ونهديك
ارواحنا حولك هايمة حارساك دوام تحميك
بيك نورت أيامنا والفرحة تمت بيك

أقابلك

اقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال

عذبني/محمد يوسف موسى

عذبني وزيد عذابك
يمكن قلبي يقسى
وزي مانساني قلبك
يمكن قلبي ينسى
يازين
عذبني وتفنن
في ألوان عذابي
ما تمسح دموعي
ما ترحم شبابي
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتناسى
الكان بيني بينك
ما تطرا العشرة
والفات من سنيني
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين
عذبني وتنكر
للحب والحنان
للريد والمودة
وكل الكان زمان
خليني في شجوني
يمكن قلبي يقسى
وزي مانساني قلبك
يمكن قلبي يقسى
يازين

نور العين/اسماعيل حسن
قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم ولمر دا شرابي
ياحليل الراحو ياحليل احبابي
يا نور العين
يا نور العين انت وينك وين
الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين

في لقاء إذاعي مع الشاعر المبدع أبو قطاطي الشاعر الفذ المتمكن من التعبير الجيد عن عواطفه والذي سافر إلي أحدي القرى التي يقطن فيها أهله وذلك بقصد المجاملة في مناسبة فرح وحضر الحفل المصاحب لهذه المناسبة وفى هذه الأمسية القروية الساحرة حيث تواجد الجمال الطبيعي. شاهد فتاة وأعجب بها أيما إعجاب فغازلها في دواخله وحركت أوتار جنون شعره وأضطر إلي البقاء في هذه القرية ولم يجد سبيل للإلتقاء بالفتاة. فلم يجد بد غير أن يستعين بأحدي بنات عمومته وأرسل معها خطاب تلو الخطاب و لم تأتي قريبته هذه بأي رد وأضطر أن يذهب وحده مصطنعا زيارة لأهل الفتاة وكان يطمح في أن يشاهدها ويلقاها حتى يري انعكاس خطاباته عليها ولكنة للأسف لم يحس بشي مطلقا من هذا القبيل وكانت تلك الفتاة الجميلة تلقب ب ( حاجة) فكتب فيها قصيدته الشهيرة المرسال ويعني بالمرسال قريبته الوسيط وبما إن فتاته المحبوبة تلقب ب ( حاجة) - تأملوا التورية التي أستخدمها لذكر أسم الحبيبة في تلك الرائعة الشعرية - خطاباتي البوديها تقول مابتمشي لا حاجة- وديت ليهو زول مرسال والمرسال مشه وماجة
وأكتمل حلو الشعر بحلو اللحن والأداء وكانت تلك من أجمل الروائع التي تغني بها الإمبراطور.

المرسال/محمد أبو قطاطي

مسكين البدا يأمل
أملو يغلبو تحقيقه
والعاشقة جفا المعشوق
الليلة وا سهرو ونشاف ريقو

امش قول ليهو ياالمرسال
عساه يراعي ملهوفو
حبيبك و بي وراك
جارت عليهو وخانتو ظروفو
فقد صبرو شرد نومو
لهيب الشوق خنق جوفو
نحول جسمو شحوب لونو
براك أحسن تعال شوفو
مسكين .. مسكين

براي السويتا في نفسي
قلبي الحب ما واعي
عشق زولا مجافيهو
وما كان للحصل داعي
اقول اتناسي حبو يزيد
تزيد بالتالي أوجاعي
طريق الحب مشيت فيهو
تعذر تاني ارجاعي
مسكين .. مسكين

خطاباتي البوديها
تقول لا بتمشي لا حاجة
وديت ليهو زول مرسال
والمرسال مشى وما جا
بقيت انا والنجوم بالليل
سوا نساهر ونتناجى
والناس اللي كانو سبب
رموني وبقو فراجة
مسكين .. مسكين

كان وردى وقتها فى السجن ، وتذكّر بعض كلماتها ( فى بعدك لقيت كل الأرض منفى) . طلب وردى من زوجته أن تأتيه بالقصيدة كاملة ، وأتته زوجته بالورقة محشوة داخل (شبشب) حيث ان التفتيش فى السجن كان دقيقاً جداً وكان ممنوعاً حيازة حتى قلم وورقة ..
كان وردى فى زنزانته مع زملائه الأربعة يفتقد لكل مايمكنه من التلحين ، لا آلة موسيقية بالطبع ولا ورقة او قلم ، لم يكن لديه سوى لسانه وزملائه الأربعة .
زملاء الزنزانة كانوا لا يفهمون فى الموسيقى والغناء سوى الاستماع وكما قال وردى ( كانوا شُتُر كمان) ، بدأ وردى فى تلحين الأغنية بلسانه وبدأ يحفّظ كل واحد من زملائه مقطعاً بلحنه كتحفيظ التلاميذ للأناشيد فى المدارس حتى اكتمل اللحن وأصبح وردى يردد الأغنية داخل الزنزانة بمصاحبة زملائه الأربعة مرددين اللحن بألسنتهم كالأوركسترا ، حتى أكمل الأغنية ..
خرج وردى من السجن والأغنية كاملة التلحين وقام بعمل البروفات لها مع عازفيه وقدّمها كاملة بشكلها الذي خرجت به..

قلت ارحل
قلت ارحل
اسوق خطواتى من زولاً نسى الإلفة
أهوّم ليل .. أساهر ليل
أتوه من مرفأ لى مرفأ
أبدّل ريد بعد ريدك
عشان يمكن يكون أوفى
رحلت وجيت
فى بعدك لقيت
كل الارض منفى

*****
عيونك زى سحابة صيف
تجافى بلاد وتسقى بلاد
وزى فرحاً بشيل منّى الشقا ويزداد
وزى كلمات بتتأوه
تتوه لمّن يجى الميعاد
وزى عيداً غشانى وفات
وعاد عمّ البلد أعياد
وزى فرح البعيد العاد
بدون عينيكِ بصبح زول
بدون ذكرى وبدون ميلاد
رحلت وجيت
فى بعدك لقيت
كل الارض منفى

*****
زمان الفرقة والتجريح بسيبو
بسيبو عشان تشيلو الريح
بسيبو عشان صحيح
الذكرى بتتوه عمرنا صحيح
وانتِ معاى لابندم
ولابقضى العمر تبريح
اصلو العمر شوقاً كان
وصبراً كان وحزناً كان
فسيح وفسيح
اصلو العمر كان
درباً مشيتو كسيح
وكان غرساً
سقيتو بكاء
وقبضتّ الريح
رحلت وجيت
فى بعدك لقيت
كل الارض منفى

سوات العاصفة/محمد أبو قطاطي

سوات العاصفة بي
ساق الشتيل الني
وفعل السيل وقت يتحدر
يكسح ما يفضل شي
دا كان حبك وقت حسيتو
شفت الدنيا دارت بي

وقت شفتك ..
شعرت الرعشة من صوف راسي
لي كرعي
ومن الساعة ديك يا السمحة
ولع فيني جمر الغي
كتمت الريدة ما شافوها
ناس الحي
وقلت الجنة عاد إنشاء الله
ما يقسن دروبها علي

ونجم الليل
منو العداهو غيري
وزاد حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك
بدور أطوي المسافات طي

صعيب وصفك
لأنك هالة كلك ضي
وفوقك هيبة واجمل خامة
واسمح زي
جمالك في البنات معدوم
شبيهك ما كحل عيني
أقدلي ..
وسكتي الخشامة
وانزلي في العواذل كي

وآ أسفاي/ من كلمات إسماعيل حسن

وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه تجر النم
مع الحردلو في الدوباي
وا أسفاي
ببيع الدنياكل الدنيا
وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة يادنياي
بتمدد وبتوسد وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي

عندما فارقت هذه الدنيا روح المبدع شاعر عزه المبدع خليل فرح وهو فى ريعان شبابه و توهجه أشرقت شمس الوطن من جديد فى بلاد السكوت على عبقرية موسيقية فذة ظلت تتدفق عطاء وشعرا وغناء وحبا لا محدودا للأرض والإنسان ملكت قلوب الأوفياء الصادقين بالفن المؤثر والصادق وكان لحظة ظهور المبدع محمد عثمان وردى الذي منح بموهبته الموروثة صوتا يرسل الحب والود للناس أجمعين والذين بادلوه هذا العطاء حبا ووفاء فشغل قلوب محبيه والذين تجاوز بهم حدود الوطن حتى صار مالكا أول لفن الموسيقى والغناء بالقارة السمراء وأنتشر العشق لوردي فى كل مكان بالبلاد وظل يزداد مع الأيام مع تزايد عطائه المتجدد وقدرته القوية على الإبداع وظل وردي عامل حب مشترك لكل السودانيين بكافة أهوائهم إنتمائتهم ، ومن بعد الخليل أقترن مبدعنا مع العبقرية الشعرية الفذة الراحل اسماعيل حسن وتولدت عن هذه الثنائية عبقريات شعرية غنائية لم ولن تكرر وهل تكرر كلمات وألحان مثل.

لو بإيدي
لو بإيدي كنت طوعت الليالي
لو بإيدي
لو بإيدي كنت زللت المحال
والأماني الدايرة في دنياي ماكانت محال
دي الإرادة ونحن ما بنقدر نجابه المستحيل
دي الإرادة والمقدر ما بنجيب ليه بديل
دي الإرادة أجبرتني في هواكم من قبيل
غصبا عني وغصبا عنك
انت حبيتني وهويتك
لو بإيدنا من زمان
كنت خليتني ونسيتك
والنهاية
أنت عارف وانا عارف
لو بإيدي كان هديتك
أصلو حبي أقوى وأكبر من إرادتي
وانا حاسس في جحيم نارك سعادتي
واللهيب البكوي في روحي
في ذاتي
هو إنت
قلبي دايرك
حبي عارفك
في شبابك في صباك
في جمالك في وفاك
في شبابك في وفاك
يا المسير وماك مخير
انت ياصابر عند الله جزاك

صدفه / إسماعيل حسن
صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا
*********
النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك
*********
ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار
*********
صدفه عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وـــــــــــــ حبك علشان حبك روحي فداك

لحظة من وسني/محمد الفيتوري

لو لحظة من وسني
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
أصبح الصبح كأن الزمن الماضي على الماء نقوش
فارفعي راية اكتوبر فالثورة مازالت تعيش
وانا مازلت في البعد انادي
يا بلادي
يا مغاني وطني ..
أجمل من فراشة مجنحة على ضفاف المقرن الجميل
أجمل من نوّارة مفتحة ترقد تحت ذهب الأصيل
أجمل من رائحة النضال لم أشم رائحة في صبحك الجليل
يا فخر هذا الجيل
يا وطني ..

مشكوووووووووووووووووووووووور ابن العم