كلمات الأغاتي

موضوع: كلمات الأغاتي الخميس مايو 29, 2008 8:34 am

بسم الله نبدأ ...

والعندو اي كلمات اغاني يجيبها لينا بالله ...

الأوصفوك ...

محمد بشير عتيق

وخضر بشير ..العتيق
الأوصفوك بالبدر أو بالزهر هم ماأنصفوك

كيف يجهلوك وعلى الجمال العادي راحو يمثلوك؟
لو بادلوك عين الحقيقة وبالبصيرة تأملوك
بالنار أو بالنور أو بقدر ماصاغ الخيال ماعادلوك

كوكب منزه في علوك
سحرك غريب شخصك بعيد....
ولو كان قريب انوارو ضاربة بدون سلوك
يبرق سناك في غيهب الليل الحلوك
أغرب شمايل زاملوك وهم أكملوك
أدبك هبة
وفيك موهبة
حسن الظبا و طبع الملوك

بعيد الدار
ك/ محمدبشيرعتيق

بعيد الدار طال بي بعدك
متى يامولاي تنجز وعدك

بعيد الدار
انت جميل جمال ودار
جميل جدا لكن غدار
متين ياظبي تكون حاس بي
تزيل البي أنا في عرضك

ليك غنيت
وجدتك قاسي ماحنيت
اكون معذور انا لوجنيت
أراك ياظبي نكرت البي
و جرت علي
متي يطلع لي كوكب سعدك

بعادك طال
تزيد كل يوم نفور ومطال
بعادك كم جندل أبطال
فقدت سكون
فؤاد ممكون
ضروري يكون
موجود عندك

قصيدة " حبيبي عـرّج بي و ميل " للشاعر محمد بشير عتيق
تلحين و غناء خضر بشير.

حبيبي عــرّج بي و ميل
نتأمل الأفق الجميل
فعل الغزالة مع الصباح
***
عـرّج بي و ميل
في الشاطئ نتأمل قليل
شوف حكمة الصانع الجليل
النيل خلال روضو الظليل
ينعشنا بي روحو العليل
شكل الغزالة مع الصباح
أما الطيور ، عاشقة الزهور
في هنا (ء) و سرور
من طيبها ، تستنشق رياح
و تغني ، أغنية الصباح
شكل الغزالة مع الصباح
***
حبيبي سيب الإستحـــا
متــع مناظرك و ســرّحا
شـاهد الطبيعة و مســرحا
شكل البلابل مع الضحـــا
الورد كان نايم صــحا
و الزهرة باسمة و مـُفرجة
شكل الغزالة مع الصباح
***
و الشمس للنيل ، يا خدين
ترسل خيوط متبهرجين
زي تبري ذايب في لـُجين
و الروضة في ندى و اٍرتشاح
الكون ثميل ، من طيبها يتوشح وشاح
شكل الغزالة مع الصباح
***
باللــه ، يا رمز الوفا
خلينا من شوقنا و كفى
عاين أمام و أنظر قفا
تلقى الزهور ما ألطفا
مقتبسة من لونك صـِـفة
و النهر زي خـدك صــِفا
شكل الغزالة مع الصباح
***
هنـا .. هنـا يا ظريف
الظـِل وريف
و الجـو لطيف
و أنا و اٍنت في حلل العفاف
أرواحنا ممتزجو اٍئتلاف
كلما أقول ليك اٍقتراح
ترضاه بكل اٍرتياح

جاهل وديع مغرور

جاهل وديع مغرور فى احلام صباه
نايم خلي ومسرور ماعرف الهوى

فى سور وداخل سور فى روضة زهور غناء وقصور فى قصور
آية الجمال مبصور اخلاق الرضيع فى هيبة المنصور

باهى الدلال موفور محجوب الخدور ماهو الخليع وسفور
زاد في نفورو نفور واصبح قلبى فى ايدو اليمين عصفور

لو ينفع المحزور مالى ومال هواهو الضامر المفزور
قاسى ومنيع مابزور لكن دابو تاب لسع صغيرمعذور

هلا الهلال فى حجور متقلد نجوم لافح إزار ديجور
مابرحم المهجور مأسور الجمال قال برضى حكم الجور

ناعس لواحظ حور هاروت لو رآهن مثلي صار مسحور
فاق الحسان الحور فى خدو الزهور زاهية وجواره بحور

]العاطفة النبيلة

بإسم الحب بقدم ليك حياتى ومعاها العاطفة النبيلة

عليك ياحب تحياتى
عليك اوقفته غاياتى
لحبى اضحى بحياتى
ter
احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل

عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل

كلمات: محمد بشير عتيق

ما بنسي ليلة كنا تايهين في سمر بين الزهور
انا وانت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر،،،،

يـا روحــــي

كلمات: عبد الرحمن الريح

يا روحي أنصفني
في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام

بت ملوك النيل

كلمات الشاعر / سيد عبد العزيز

يا بت ملوك النيل يا أخت البدور

مين لى علاك ينيل فى البدور والحضور

الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

ماهو عارف
خليل فرح

ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره د......... المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

عزة في هواك
خليل فرح

عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال
***
وقلبي لي سواك ما شفتو مال
خذيني باليمين وانا راقد شمال
عزة ما نسيت جنــة بلال
وملعب الشباب تحت الظلال
ونحن كالزهور فوق التلال
نتشابي للنجوم وانا ضافر الهلال
عزة جسمي صار زي الخلال
وحظي في الركاب صابه الكلال
وقلبي لسه ما عرف الملال
أظنه ود قبيل وكريم الخلال
عزة ما أشتهيت نوم الحجال
ولا السوار بكي في يمينا جال
وعزة في الفريق لي ضيق مجال
قبيلة بت قبيل ملأ الكون رجال
***
عزة شفت كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزة في الفؤاد سحرك حلال
ونار هواك شفا وتيهك دلال
ودمعي في هواك حلو كالزلال
تزيدى كل يوم عظمة ازداد جلال

***
عزة في حذا الخرطوم قبال
وعزة من جنان شمبات حبال
وعزة لي ربوع ام در جبال
وعزة في الفؤاد دوا يشفي الوبال

<HR style="COLOR: #d3f5e2" SIZE=1>

ياجوهر صدر المحافل روحي معاك اتلطفيلا
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل وصدرا يرجع وخصرو ناحل
زاد وجدي اللي جسمي ناحل
بحر الشوق ماليه ساحل بيني وبين النوم مراحل
وبن للطيف أنا ألقي حيله
الغصن البتنى راتل طيره ينوح بي غصونو حاتل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
ما بفبل فى هواك مبادل كيف اعشق وارضي البديلا
تمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي باهل جمر الحب لي جسمي شامل
كيف لا تشعل في مناهل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير يسط النسمات رسايل
أغرب شي وأعجب مسايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شامل
ضاق بي الكون مع إنه ماهل دمي تخضبي بي الأنامل
هل يرضيك كدا ياجميله

اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن
انسان لكن مفردا
حاز النور حاز اللدن
غصنة مهفهف املدا
وهيبة اسد فى عيون شدن
يالجبره المازجه العجن
وجسمك بالطيب انعجن
اذا النسمااات بيك عرجن
طبقات الجو يتارجحن
والانفس يتهيجن
انتى نرجس من الوسن
لعيونها الاعين جسن
وان اية الحسن الاسن
وغصون الروض يتمايسن
فى ذالك الزى الحسن
وكل حسن مالك حسن
روضك زى عارضين صفن
حلاك سحرك ماسحر فن
كواكب النور البلصفن
بصفاتك مااتوصفن
بدور الكون لو ينصفن
يسجدن ليييك ومايكون وفن
فيك عيون بالحسن ازدرن
ومهما افكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن

كلمات رائعة جدآ من المبدع خليل فرح ومن ألحانه ....
جن ليلى وهاجت أعراضي
سح دمعى وطاشت أغراضي
هذا بعض البى عدا أمراضي
وإنت ساهي ولاهى ماك راضي

ديمة سادر فى الدلال ماضي
هل تناسيت عهدنا الماضي
فى صحيفة قلبى كم ماضي
ماضي خاتم لحظك الماضي

بالى جسمي ومن زمان قاضي
أهو حبك بين أنقاضي
هدى روعك أوع لا تقاضي
ماضي شرعك ما بدور قاضي

المضلل رشدي يا هادى
والمكتر فى الغضي سهادى
الجبين الفى الظلام هادي
والقوام السيدو متهادي

يا حبيبي فيم تهديدك
طول عذابي وهجري ما بفيدك
روحي فى إيدك ضاعت وحات ريدك
كيق ضاعت تسلم إيدك

ميل وأعرض كتر أمراضي
فى غرامك بالهوان راضي

أغنية الحرموني منك ....
عبد الرحمن الريح ... كلمات وألحان ... وهو الذي كان يعطي الأغنية للفنان مقشرة .... رغم جمال صوته
وهذه الأغنية لإ تصنف من أغاني الحقيبة ولكن شاعرها صاحب لى زمن بنادي للخديدو نادي .. وزيدني فى هجراني ... وما رئيت فى الكون ... وبيك سعادتي مؤكدة .. وغيرها من الروائع يعتبر من فطاحلة شعراء الأغنية السودانية .... برع فى مرحلة الحقيبة وتفرد فى الغناء الحديث ... عنى مالم صدو وإتوارو ...ملك الطيور .. إنصاف ... حبيبى جننى .... زانت أرضها ... خدارى البى حالى ماهو دارى .... عشقت شادن وغيرها وغيرها وغيرها ....

يا الحرموني منك ....
أنا يا حبيب قلبى سائل دوام عنك

يا الحرموني شوفتك
أنا فى قلبى صورتك
كلما جاتني سيرتك
يزداد بى شجوني ويجفا النوم عيوني
ويزحم قلبي شخصك

يا المنعوك زيارتى
وهم شاعرين بحالتي
ما دايرين مناعتي
لكن التقاليد منعت مني شخصك

منعونا التلاقى لكن رغم ذلك
ظل هوانا باقى
أسأل طيف خيالك من فرط إشتياقى
وأسأل نور جمالك عن نار إحتراقى
طبعآ يا ملاكى لو يرضيك هلاكى
أنا لا أعصي أمرك

حرموك ضيعوني أبو ليه ينظروني
ليه يا حبيب أراهم
زايدين فى جفاهم
من شدة قساهم
مانعين التفاهم
برضي أقول عساهم
يسمحوا لى بنظرة

رحم الله عبد الرحمن الريح
وحسن عطية مغني الروائع ...

رائعة أخري من روائع عبد الرحمن الريح ....

أنا فى شخصك بحترم أشخاص
وطبعآ عندي احترامك خاص

إحترامي إليك من صميم قلبي دون ما أشعر
أتفانى عليك والدليل حبي تسمح تنظر
شوف دموع عيني .... سايلة فى خدي
من لهيب الشوق برضو مافى خلاص
هكذا يا ظالم جزا الإخلاص

ذبت فى حبك والفؤاد مجروح
ما فضل منى شئ خلاف الروح
هكذا الأشواق تسمو بالعشاق
من ثري الأشباح لى سما الأرواح
ثم تروي هناك للنجوم معناك
سابحة فى علياك طاهرة كالأملاك

إنت أبهج نور من بدور الكمال
ساطعة فيك آيات من معانى الجمال
تجعل الفنان عبقري الخيال
لو نظم أشعار
أو عزف أوتار
تندهش أفكار
والعقول تحتار
يا جميل ياما فى الجمال أسرار

سيّد خليفة .. وصديق ماك مشغول بالك

يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال

غـــــــــرّد يا حمـــام
الشاعر : محمــد علـــى الأمّي
-------------------------
أسمعني و أشجيني بي ذكرة الأحباب
بالله ناجيني
رحماك ناجيني من ذي الهموم ألبي
من قاعو سجيني
خلى ألهنا يجيني وخلى السرور يصبح
في طيّو زاجينى
تبريحي صاليني وهيامي زاد أضعّاف
ومنامي سالينى
قول أنت سلينى خلى اليزول منى
آلمي الموالينى
الشوق مالينى والبين برى جسمي
وبي نوايبو باليني
يا دمعة بلينى ويا قسوة الأيام
فوتي الحدود ليني
من غيرك يشفيني و من غيرك أنت يعيد
صبري المجافينى
قول ليهو صافيني زمني القصد هجري
فى هاوية خافيني
غاب رشدي أهديني وفى ملتقى النيليين
أتتغنى آشدينى
على توتى عديني تجد الأذان فطرى
تجد الحياة الديني
صبحني مسيني ويا جانب الأفراح
لا تبقى ناسينى
سجعك يواسيني ورجائي فيك يا حمام
كان متّ ترثيني
أزغد وناديني وأقصد رياض شمبات
سير بيّ وديني
في غناك أبدينى اندب هناك حظي
سعدى المعادينى
إن رمته ترويني ري العطيش في برود
بي جرعة داويني
في جوفي كاوينى حب وعفاف أم در
من قبل تكويني
بطري البساتين وأطرى الشذا الفواح
والمسك والتين
يا جنّة فتينى هل بعد هذا رجوع
ويا حظي أفتيني
وغــــــــرد يا لحمام

جناين الشاطى
خليل فرح
----------
بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة آسرة قلوبنا تبين عليها تقوم
في الطريق إن مرت بالخلوق مزحوم
كالهلال الهلّ الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار

حنيني اليك:
حنينى اليك وليل الغربة اضنانى
وطيف ذكراك بدمع القلب بكانى
واقول ياريت زمانى الفات يعود تانى
القاك يا وحيد عمرى وتلقانى
تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تانى
بهرب من خيال طيفك فى عيني بلاقيه
اعيش ايامى بالذكرة
الم افراح اعيش بيه
متين الليل يصافينى
ونعود تانى تانى تانى من تانى
القاك ياحبيب عمرى وتلقانى

الشوق و الريد
*************
والحب البان في لمسة إيد
وأغاني نقولا00 نقول ونعيد
والدنيا زهور00في عينينا
تصبح كل يوم 00زي طفل وليد
**************************
كل الأشواق00
وآهه بتجرح00قلب المشتاق
ليك ياهاجر00ليك رسالة
لو روحك يوم تنسى دلالها
ليك رساله
تشوفنا قريب ماتتعالى
نسأل عنك وعن حالا
نعيد الكان00حليل الكان
نخلي الحب يسرح بينا
يبقي جناحين00ويطير بينا
*************************
نشوف الدنيا ربيع و زهور
نسكت و تتكلم عينينا
ليك رساله
نعود أحباب زي ما كنا
في دنيا الحب نلقى الجنه
يا حبيب الروح يا أغلى غرام
أسأل قلبك برضو يقولك
لو كان حنّ

ليه بتسأل
ليه بتسأل عني تاني بعد ما شلت الاماني
روحت خليتني لزماني وانت عارف علي جاني

لو ببعدك الليالي تداوي غلبي ولاتاني ترجع الافراح في قلبي
كنت واهم يا حبيبي
دي الليالي امر ليا من دموعي الفي عنيا
كل لحظة تمر عليا تنقص الايام شوية
واطفي شمعاتي القليلة وافضل ابكي واقول حليلا
للدموع النازلا كل ليلة زايدة اشواقس وحناني

امنياتك من حياتك زاد حياتي كنت اجمل كنت اجمل امنياتي
انا عهدي راح ما اظنوا اتي وما فضل يا ناس غير اغنياتي
وفيها ضاءت ذكرياتي
مرة اضحك ومرة ابكي ومرة اتحمل اسيا
مرة اهرب منو واشكي واعتبر حبك حكاية
عشت فيها بكل روحي تشفي ليا زوهدي وجروحي
كنت داري كنت دوحي واختفيت يا نور زماني

انت عارف
انت عارف انا بحبك وبحلف بك ولا ماك عارف بالمرة

انت صارف عني مده وانا خايف تتحدى طمني تعال نبدأ
التعارف والتألوف والمود
يا حبيبي من فضلك طاوعني جاملني لا تخالف واحده مره

انا شايف المحاسن الطرايف في صمتك في كلامك
في عيونك في ابتسامتك في خديدك في قوامك
انت جالس وانت ماشي وانت واقف
انت نايم صغير غرير الطرف حالم ما ك عارف
طرفي جفا المنام آلف الحب والهيام
مع الجمال لي العواطف في غرامك استمرا

متين اصادف رضاك علي علي توالف هناي مناي حياتي حبك والمحبه
بلاك اشوف النور ظلام واضوق طعم كل حاجه مر
لما رأيتك بالقرب مني هل تدري اني اسعد اظني
احس بي عظمه وشأن كبير افرح كتير فرح كبير واكاد اطير من الفرح
بالامل احيا واحابك المسره...

الشاغلين فؤادي .. و تائهين فايقين

يكفي البي زارف .. دمع المايقين

تالي القبلي شايف .. لي برقاً لمع

والصيد في الخمايل .. ياناس إجتمع

قوموا ياأعزة .. نسترق السمع

ما بطيق القعدة .. والمايق دمغ

ديل احبابي ليّ .. يا مولاي قدروا

انسلبت لحومي .. وأعضاي خدروا

لاموني العوازل .. وبحالي اذدروا

هم سايقين دلالهن .. تايهين ما دروا

سامرت الكواكب .. لما الفجر لاح

منادي الفجر نادى .. وقال ياأهل الصلاح

صلوا الوقت حاضر .. قاموا أهل الفلاح

وأنا الليل قايمه .. لخيال ليّ لاح

البلابل ناحن .. في الليل الهجيع

سهرانات عيونن .. مابيات الضجيع

من الحالة ديكي .. أخير لي النجيع

واحسرة شبابي .. الما لقيت لي وجيع

thank you mohammad khaly

wher are man this days