كلمات أغاني الفنان محمد وردي

تعتبر هذه أول اغنية قام بتسجيلها عملاق الفن السوداني محمد وردي في يوليو 1957 ومنها بدأ مشواره الفني الطويل ...

يا طير يا طاير

يا طير يا طاير من بعيد فوق الغمام
من ربوعي أحمل الشوق يا حمام

انشا الله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

الطير المهاجر /صلاح أحمد إبراهيم
غريب ..
وحيد في غربتو
حيران ..
يكفكف دمعتو
حزنان..
يغالب لوعتو
ويتمنى
بس لي أوبتو
طال بيه الحنين
فاض بيه الشجن
واقف يردد ..
من زمن
************
بالله يا الطير المهاجر للوطن
زمن الخريف
تطير بسراع
ما تضيع زمن
أوعك تقيف
وتواصل
الليلة
للصباح
تحت المطر
وسط الرياح
وكان تعب منك جناح
في السرعة زيد
في بلادنا ترتاح
ضل الدليب أريح سكن
************
فوت بلاد وسيب بلاد
وإن جيت بلاد
وتلقى فيها النيل
بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام
على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع ألف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها
وفاي ليها
وحبي الأكيد

القمر بوبا/ اسماعيل حسن

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل
************
العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل
************
الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبال يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل
************
الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل
************
القديما قديما الحمام
الوزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل
************
الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل
************
الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة أمها كان دستا
وآ هلاكي النار شافتا
معذباني أنا ود حلتا
القمر بوبا عليك تقيل
************
الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل
************
الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل
************
بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل
************
المبارك شيخ الضهر
العليك ساسكت وفتر
قلي جنيت ولا دستر
وآي أنا المرضان مكنتر
جابو لي حكيم خير وشر
قلي يا زول مرضك كتر
سببك ام شلاخا خضر
القمر بوبا عليك تقيل

خاف من الله /اسماعيل حسن

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي
************
سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي
************
خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي
************
يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي

عُرس الفداء
كلمات الشاعر الدكتور مبارك بشير

نلتقيك اليوم يا وطني ..لقاء الأوفيـاء
قــــد تـنـاديـنـا خِـفـافــاً
كطيور الريح فـي جـوف العتاميـر
يا أرض البطولات وميراث الحضارات
نُغـنـي الـيـوم عُــرس الـفـداء
هـا هنـا ..يبتسـم النهـر القـديـم
لبعانـخـي ولتهـراقـا وللمـهـدي
لـعــلــي عبد اللطيف
لعبد القادر الحَـبـوب ..للقـرشـي
لصمـود العُـرس فــي كــرري
وللـمـوت الـفـدائـي العـظـيـم
نذكـر الـيـوم جمـيـع الشـهـداء
كل من خطّ على التأريخ سطراً بالدماء
نذكـر الـيـوم جمـيـع الشـرفـاء
كل من صـاح فـي وجـه الظلـم لا
نحـن أبنـاؤكِ فـي الفـرح الجميـل
نحـن أبنـاؤكِ فـي الحُـزن النبيـل
سنغني لك يا وطني كما غنى الخليـل
مثـلـمـا غــنــت مـهـيــرة
تُلهـم الأجيـال جيـل بعـد جـيـل
ونغني لحريق المَكِ في قلـب الدخيـل
لـــلــــجــــســــارة
حينما استشهد في مدفعـه عبدالفضيـل
نُكحِل اليوم مآقينـا بمـرواد الصلابـة
وبإيـمـان كإيـمـان الصـحـابـة
ســـوف نُـفـديـك دوامــــا
ونــنــاديــك هُــيــامـــا
فلتعِـش حُـراً أبيـاً فــي مهـابـة

رائعة العملاق وردي والطيب الدوش (بناديــــــها(
بناديها ....
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
مسافرِ من فرح لس شوق
ونازِل
في حنان ليهاَ
أغنّي مع مراكب جات
وراها بلاد حتمْشيهَا
واحزَن لي سُفُن جايات
وما بْتلقَى البِلاقيه
بنادِيــــــهَا
ولمّا تغيب عن الميعاد
بفتِّش ليهَا في التاريخ
واسأل عنَّها الاجداد
واسأل عنّها المستقبل
اللسّع سنينو بُعاد
بفتِّش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحِس بالُلقيا زي أحلام
حتصْدِق يوم
والاقيــــــهَــا
واحْلًم في ليالي الصيف
بَسَاهر الليل
واحجِّيـــهَــا
ادوبي ليهَا ماضيهَا
واطنْبِر ليها جاييــهَا
وارسِّل ليها غنوَة شوق
واقيف مرات واْلُوليهَا
بنادِيـــــــــهَــا وبناديــــــــهــا
وبناديـــــهــا

هجرة عصافير الخريف ـ كلمات اسحاق الحلنقي
هـجرة عـصافير الـخريف
فـى مـوسم الـشوق الحلو
هـيج رحـيلا مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو ..مـنى ويـنزلو
ليـه يا عصافيـر الخريف
خضرة مـشاعـرى اشيلا صيف
*******
تـحت الـغمام شـايف
مـواكب الـهجرة اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع
ليه يا عصافير ليه الضنى
صفقة جناحك احزنها
********
غـايـب الـسنين الـليله
مالو غنا العصافير غـلبو
طراهو زولا كان ولوف
كم رضا خاطرو وطيبو
سمع قليبو كـلام حـنين
هـدهد مـشاعرو ودوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن

بلا وانجلى/
محجوب شريف

بلا وانجلى
بلا وانجلى
حمد الله الف على السلامه
انهّ كتف المقصله
والسجن..
ترباسو انخلع
تحت انفجار الزلزله
والشعب..
بى أسرو اندلع
حرر مساجينو اندلع
قرّر ختام المهزله
يا شارعاً..
سوّا البدع
أذهلت أسماع الملا
كالبحر..
دواى الجلجه
فتحت شبابيكا المدن
للشمسِ
واتشابا الخلا

شفت البنادق في السما
الظبط والربط انتمى
للشعب..
شعب الملحمة
الصرخة كانت همهمة
والهبه كانت ململة

سداً منيعاً يا وطن
يا شعب وهّاج الفطن
للظلم يوماً ما ركع
مهما جرى
تباً لعهد السمسره
والنهب..
ثمّ السمسره
سداً منيعاً يا وطن
صه يا طنين البلبله
أبدا ً لحكم الفرد..
لا
بالدم لحكم الفرد..
لا
تحيا الديمقراطية
كم نفديك يا مستقبلا
بلا وانجلى
بلا وانجلى
حمد الله الف علي السلامه
انهدّ كتف المقصله

أكتوبر الأخضر /محمد المكي ابراهيم

اسمك الظافر ينمو في ضمير الشعب ايمانا وبشرا
وعلى الغابة والصحراء يلتف وشاحا
وبأيدينا توهجت ضياء وسلاحا
فتسلحنا بأكتوبر لن نرجع شبرا
سندق الصخر ..
حتى يخرج الصخر لنا زرعا وخضرا
ونرود المجد..
حتى يحفظ الدهر لنا إسما وذكرا

بسمك الأخضر يا أكتوبر الأرض تغنيالحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي

كان أكتوبر في أمتنا منذ الأزل
كان خلف الصبر والأحزان أحيا..
صامدا منتظرا حتى إذا الصبح أطل
أشعل التاريخ نارا واشتعلكان أكتوبر في نفضتنا الأولى
مع المك النمر
كان أسياف العشر
ومع الماظ البطل
وبجنب القرشي
حين دعاه القرشي حتى انتصربسمك الأخضر يا أكتوبر الأرض تغنيالحقول اشتعلت قمحا ووعدا وتمني
والكنوز انفتحت في باطن الأرض تنادي
بسمك الشعب انتصر ..
حائط السجن انكسر..
والقيود انسدلت جدلة عرس في الأيادي

[center]بنحب من بلدنا/أبو آمنة حامد

بنحب من بلدنا ما برا البلد
سودانية تهوى عاشق ود بلد
بعيون المفاتن شي ما ليهو حد

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر

مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا
في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا

أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل

في سنكات بنعشق بت سمرة وأبية
ترتاح في الضريرة خصلاتا الغنية
عاشت في شعوري أحلى هدندوية

الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي فرطاعة

لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة

لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة

لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو

[/center]

من غير ميعاد
من غير ميعاد واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
لو مرة بعدك يا زمان الغربة تجمعنا الصدف
أنا كيف أعود من طيبة أول نظرة للدار منكسف
وآ ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نسيم في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار

كلمات مبارك بشير
نلتقيك اليوم ياوطنى... لقاء الاوفياء
قد تلاقينا خفافاً كخيول الريح
فى جوف العتامير...تداعينا
لك يا أرض البطولات
وميراث الحضارات‏
نغنى اليوم فى عرس الفداء
هاهنا يبتسم النهر القديم
لبعانخى و لتهراقا و للمهدى
وود حبوب و القرشى
و للموت الفدائى العظيم
نذكر اليوم جميع الشهداء
كل من خط على التاريخ سطراً بالدماء
نذكر اليوم جميع الشرفاء
كل من صاح بوجه االظلم.......لا
و نغنى لك يا وطنى كما غنى الخليل
مثلما صدحت مهيرة...‏
تلهم الفرسان..جيلاً بعد جيل
و نغنى لحريق (المك) فى قلب الدخيل
للجســـارة
حينما أستشهد فى مدفعه عبد الفضيل
نكحل الآن مــآقينا بمرواد الصلابــة
بايمان كايمان الصحــابة
سوف نفديك دوامــا
ونغنيك هيامــا
فلتعش حراً فــى مهابة
فلتعش حراً فــى مهابة
فلتعش حراً فــى مهابة
فلتعش حراً فــى مهابة

جمال الدنيا/كمال محيسي

بشوف في شخصك أحلامي
ودنيا تفيض بأنغامي
وسحر الدنيا في عيونك يبعد عني أوهامي
بشوف الكون جميل وبديع
مر أيامي يبقى ربيع
احب الدنيا لي حبك
ويسعد حبك أيامي
رياض وزهور على خديك
بديعة بتخلب الأنظار
تزيد فوق الجمال الفيك
معالم كلها اسرار
تخلي الدنيا في عيوني
جمال وكمال بيتجدد
أمل بسام بيحدوني
اغني اليك واتودد
ولحني الغالي اهدي اليك
وانبت للوجود أزهار

ياحبيبي الدنيا ما احلاها
بديعة وحلوة بين ايديك
فهل أيامي تنساها
إذا ما غبت عن عينيك
هويتك صرت ولهانك
عشقت الدنيا دي علشانك
كتير جددت ذكراها
كتير غنيت من شوقي إليك

سُلاف الغُنَا الكلمات : محمد عبد الله *** الألحان : وردى

سُلاف الغُنا
يدندن غُناك
واقابلك انا .. اقالدك انا
افر الضفيرة .. شِجيرة الهنا
اجيلك مهنى .. اجيلك مغنى
حصاد السنين .. الهريتن تمنّى
اليك يامدائن مقيلى اللُطاف
عليك يابوارق رحيلى الظُراف
عليك التحيّة .. سلامى الهديّة
سُلاف الغُنا
*****
متين التقيك وتكون المسيرة
تزغرد عيون الضفاف والدميرة
ويكسح عفافك حجاب الغروب
وبرداً علينا الحضور الإياب
وننفض بجيتك غبار الغياب
نقولّك تعالى عليك المعزّة
حلاة الغُُنا

*****
تعالى ومعاك القوافى الأثيرة
تعالى ومعاك الشموس المنيرة
تشيلك عيونّا .. مرافئ ابتسامة
رموشك تحدد .. قواسم الوسامة
نقولّك تعالى .. كتير مااشتهينا
ياما اشتهينا .. ياما اشتكينا
عزفنا.. نزفنا.. شربنا وروينا
من لذيذ الغُنا

كتبها الشاعر محمد مفتاح الفيتورى
وبالرغم من ان الموسيقار العملاق محمد وردى انشدها وبدل كلمة افريقيا بسوداننا
الا انها تشير الى رمز استقلالنا وحريتنا
****************************
الحصاد الافريقى
****************************
اصبح الصبح فلا السجن ولا السجان باقى
وإذا الفـجــر جـنـاحـان يـرفــان عــلــيـــك
وإذا الـمـاضى الذي كـحـل هـاتـيك الماقى
والذي شــد عـلـى الـــدرب وثـاقـاً لــوثـاق
والذي ذوب الـحــان الأسى في شـفـتيك
والذي غــطى على تاريخنا فى كل وادى
فــرحــةٌ نــابعـةٌ مــن كـل قـلـبً يـابــلادى

اصبح الصبح وها نحن على البعد التقينا
والتقى جيل البطولات بجيل التضحيات
والــتقى كل شهـيدٍ قـهر الــظـلـم وــات
بشهـــيدٍ لم يزل يسقى بذور الذكريـــات
ابـــداً ماهـــنـــتـى يا افــريـــقـيا علـيـنـا
بــالذى اصبح شمساً سطعت ملء يدينـا
وشـذى تعدو به الريح وتختال الهـوينى
يــــــــــــــــــــــــــابـــــــــــــــــــلا دى

أصبح الصـبح قبـابٌ عـاليـاتٌ و بـيـارق
تفـــرش الأرض ودقـات نحـاسٍ وطـبول
ايـه يـا أفريقيا الكـبرى التي تبنى المشارق
أنا مازلـت أرى وجهـك فى ضوء الحدائق
أمس والظلمة كانت تسكن الدرب الطويل
يـــــــــــــــــــــــابــــــــــــــــــــــــ لادى

يا شعبا تسامي
يا شعبا تسامي
ياهذا الهمام
تفج الدنيا ياما
وتطلع من زحاما
زى بدر التمام
تدي النخلة طولها
والغابات طبولها
والأيام فصولها
والبذرة الغمام
قدرك عالي قدرك
ياسامي المقام
ياملهم رماحك
سناها الصدام
أم در والطوابي
في صدرك وسام
ملامح كم
تسامح
تغضب لا تلام
همه وعبقرية
ذمه وفجريه
ضد العنصرية
وتحلم بالسلام
فداك وفي حواك
يامدد الكلام عفوك
أنت ورضاك
وبرنا ليك تام
وبحلم بهواك بي حسن الختام
دينك كم علينا
منك والدينا
وأجمل مالدينا
من يوم السمايه
من قبل الفطام
منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام

حنيه / إسماعيل حسن

ياما دربك كنت بفرشو ورد وحنية واماني
ياما عهدك صنتو وما خنت وكام ليك حناني
ياما من ليلي ونهاري ودمعي بنسج لك أغاني
وكل كلمة من غناي فيها من حبك معاني
إن نئيت برجاك
وان نسيت بطراك
وان قسيت بهواك

جيت اعاتبك واشتكيلك واشرح الحب من بدايتو
قلب خادع مافي رافع بس عليك تسمع حكايتو
انت حاكمو وانت مالكو وانت في ايدك وصايتو
انت لو حكمت قلبك ما اظن ترضى بنهايتو
العهود صونوها
اوعو لا تخونوها
دا حرام تنسوها

تيقى جنبي ونسى كل الدنيا نغرق في الأماني
واشتكيلك يا حبيبي منك انت ومن زماني
في غيابك ياما ليل الغربة بالآلام رماني
ابقى عيني وابقي روحي وابقي قلبي يا حناني
يا أمل يا لطفي يا حنية وينك من عيوني
لو تعود وتجيني
القى فيك حنيني
وانسى بيك انيني

ابتساماتك ربيع دنياي ياما عشت فيها
فتحت في دربي أشواق الليالي البشتهيها
دي السعادة المن زمان بسأل عليها
بكياني بشبابي بحياتي افتديها
الإله يرعانا
هدا الغرام ضمانا
ونحن ما أحلانا

لو بكاي هماك
لو شقاي هماك
ما كنت يوم
فارقتني
خاصمتني
عذبتني

لو بهمسه .....قوووووووووول!!!!!!!!
آه لو بهمسةلو ببسمة قول احبك
لو بنظرة
نظرة حتى عابرة قول احبك
لو بتحلم في منامك قول احبك
لو ترسل لي سلامك قول احبك
يا حبيبيآه يا حبيبي

كل كلمة من شفايفك أحلى غنوة
كل نظرة من عيونك فيها سلوى
كل نسمة من ديارك فيها نجوى
وكل همسة يا حبيبي عندي حلوة
يا حبيبي
آه يا حبيبي

يا حبيبي عمري كلو اهديتو لحبك
يا حبيبي انت عارف والغرام يشهدلو ربك
يا بدوري في الظلام والظلام يحجبلي دربك
آه .. ناري بعدك
والحنان والجنة قربك
يا حبيبي والزهور الحلوة تتفتح في قلبك
انت عارف أنا يا روحي بحبك

خوفي منك
خوفي تنساني وتنسى الليالي
يا حبيبي انا خايف ياما بعدك انسى حالي
آه ..
أبقى تايه والغرام يصبح حكاية
والأماني الحلوة دي الكانت بداية
تبقى اشواق في طريقي للنهاية
آه يا حبيبي

الهوى الأول / الجيلي عبد المنعم

أخادع نفسي بي حبك وامنيها
واهرب حتى من ذكراك
والاقيها
دموع الحسرة في عينية اخفيها
نار الشوق اقول الصبر يطفيها

اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر

شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه

تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

الود / عمرالطيب الدوش

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرَهْ

وتر مشدود/ محجوب شريف

سلمت
خايف كنت ما يسلم قلب مفصود
حلمت
قبلك كنت لا بحلم ولا موجود
معاك بحلم كأني على فرس طاير بغني على وتر مشدود
واطير عبر السما المدود
سما الوطن اللي مالو حدود
حمامة جناها لا خايف ولا مفقود

واشر الغيمة خيمة على النجم وارتاح
أصادف أجمل الغابات واصادق غصنك الفواح
واشرب من زوايا القلب جنبك اخر الأشباح
وتفتح كلمة من عينيك لي مجرى الغنى المسدود

واخط اسمك على باب الزمان اكليل
وردة صبية تلمع فوق صديري النيل
وباسمك أغني لي عالم بسيط وجميل

وانادي عليك ملاذا في شتا الأيام
وبردا في الحياة وسلام
وفي شدة هجير وزحام

جزيرة حنينة بين نهرين حنان القاك عليك اتلم
وهودج في صحاري الهم
وعالي النخيل عليك اتلم
وفي السكة اللي ما بتعود معاك
لآخر المشوار نغني على وتر مشدود

أرحل

قلت أرحل ..
أسوق خطواتي من زولاً نسى الإلفة
أهون ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت وجيت
في بعدك لقيت
كل الأرض منفى
عيونك زي سحاب الصيف تجافي بلاد وتسقي بلاد
وزي فرحاً يشيل مني الشقا ويزداد
وزي كلمات بتتأوّه.. تتوه لمن يجي الميعاد
وزي عيدا غشاني وفات عاد عمّ البلد أعياد
وزي فرح البعيد العاد
وزي وطناً وكت اشتاقلو برحل ليهو من غير زاد
بدون عينيك بصبح زول بدون ذكرى وبدون ميلاد
رحلت وجيت
في بعدك لقيت
كل الأرض منفى
زمان الفرقة والتجريح بسيبو عشان تشيلو الريح
بسيبو عشان صحيح الذكرى بتّوِّه عمرنا صحيح
وانتِ معاية لا بندم ولا بقضي العمر تبريح
أصلو العمر شوقا حزنا كان وصبرا كان فسيح وفسيح
أصلو العمر كان دربا مشيتو كسيح
وكان غرسا سقيتو بكى وقبضت الريح
رحلت وجيت
في بعدك لقيت
كل الأرض منفى
منــــــفـى
منــفـى
مـنفى

بلد رايح / عمر الطيب الدوش

حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران

موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"!نبيع الطفلة والكراس"
واصرَخ
! ياوطن! يا بيتنا
ليه ما تبقى لينا الساس
قدر ما تجري فيكو اسأل
يا وطن رايح
إذا كل القبور دخلت
بيوت الناس
بلا استئذان
بلا صلوات
بلا أكفان
جريمة اسائل الدفَان؟
حريمة طلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر

أصبح الصبح
أصبح الصبح
ولا السجن ولا السجان باقي
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي
فرحة نابعة من كل قلب يابلادي
أصبح الصبح
وها نحن مع النو التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبدا ما هنت يا سوداننا يوما علينا
بالذي أصبح شمسا في يدينا
وغناء عاطرا تعدو به الريح
فتختال الهوينى
من كل قلب يا بلادي
فرحة نابعة من كل قلب يابلادي

بـعـد ايـه / إسماعيل حسن

بعد ايه جيت تصالحني
بعد ما ودرت قلبي الكنت فيه
جيت تشكي
جيت تحكي
جيت تبكي لية ليه
اعتذارك مابيفيدك
ودموعك مابتعيدك
العملتو كان بإيدك
انا ما لي ذنب فيه
ليه جيت تشكي
ليه جيت تحكي
ليه جيت تبكي لية ليه

انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل ..
انا استاهل وضعتك في مكانا ما مكانك
روح ..
القدر بي نفسو ما ببكو عليه

جيت تايب ياحليلك
والفؤاد ملكوه غيرك
ربي يعدل ليك سبيلك
كل مناي في الكون عديلك
ونهاية الخير نصيبك
ليه ...
ضيعوك
ودروك
انت مابتعرف صليحك من عدوك
استغلو الطيبة في قلبك
وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك