| حكاية من حلتنا | |
|
+8محمد احمد راشد عمرعبدالقادرالحاج محمد أبوالقاسم الشيخ زينب عوض محمد هيثم احمد محمد سعد يوسف بركات احمد محمد عبدالوهاب لقمان عبد الهادي 12 مشترك |
كاتب الموضوع | رسالة |
---|
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: حكاية من حلتنا الثلاثاء يونيو 10, 2008 11:32 am | |
| الاخ والصديق العزيز نادر النور ادم من اهلنا العوامرة كاتب ماهر ومتميز كتب هذه الخواطر بينما أنا مستمخ في منتصف نهار شتوي رائع في تلك الكشاشة ذات الهنبريب من ثلاثة جهات بعد فطرة ملاح روب مكرررربة وبعدها جبنة بكر وتني وبركة
جاني سامي بعجلته الدبل وبي فوق للحيطة المقابلة للراكوبة يا زول اتفضل
لا مستعجل عندي لفة طويلة المهم في نفير عند بدر الليلة العصر عنده سريقة بتاعة الحوش خير يا زول عديلة تب
وواصلت النومة في ذلك الجو وبعد صلاة الضهر والغداء ملاح السلج البي مزااااااااااااج:sun: وسلطة يا زول طماطم وعجور وبصل برطوش وكباية الشاي شاي الكبايتين الكيني اتذكرتوه؟؟
قلت كدة خشيت ليك في لبس خمسة (ترنج وفانيلة) وبيت ناس بدر عديييييل لقيت الشباب لسة قاعدين يتجمعوا والحوض غليييييد وبرميل الحديد مليان تب موية والكارو برضو مليانة مسنودة بي مرق بتاع عنقريب سجانة واكتمل العدد جات الشلة كلها يلا اتوكلنا على الله شغلنا الرادي وفتحنا الحوض المعلمين اتنين وكل معلم معاه تلاتة اتنين بيجرو الطين بالشوال وواحد بيدردم ويجدع ليه وواحد دا اسمه سيد الحوض
وهااااااك يا شغل وابراهيم البزعي شغال واغنية خلف الله حمد أنا ليهم بجر كلام
ويا يوسف وسامي ما تتهازروا:ويا خالد صلح لي سفة ويا زول قرب الرادي دا جاي نحن أبعدنا منه الفونا بالطين يا اخوانا
لخوا باقي الحوض سريع ويجيك حاج الطيب مار ب<<<<<<ه الأبيض الله يعين يا عيال الله يخدر ضراعكم
آمين يا حاج اتفضل وفي آخر كفوة في السريقة تغسل يديك وكرعيك في البرميل الواقف
الناس البيجروا الطين وزول الحوض بيغسلوا أول والقعدة في باقي ضل العصرية والشاي باللبن والزلابية
والدة بدر: كتر خيركم كتير يا اولادي إن شاء الله في أفراحكم دا الواجب يمة
(لاحظوا كلمة يمة دي) وهكذا حتى نفير آخر
(وعقبال ما نجيكم نفير كدة ):
تحياتي
| |
|
| |
محمد عبدالوهاب وسام التميز الذهبى
عدد الرسائل : 1824 العمر : 40 الموقع : http://www.marekhb-aliselat.mam9.com المزاج : الانتماء للوطن رقم العضويه : 3 تاريخ التسجيل : 15/03/2008
| موضوع: رد: حكاية من حلتنا الثلاثاء يونيو 10, 2008 3:54 pm | |
| ما اروع حكايات الحله فان قلنا رائع فلن نوفيك حقك فانت الروعه نفسه فسر وعين الله ترعاك | |
|
| |
يوسف بركات احمد عضو مميز
عدد الرسائل : 517 العمر : 55 العمل/الترفيه : موظف- قطر المزاج : مشقلب رقم العضويه : 16 تاريخ التسجيل : 23/03/2008
| موضوع: رد: حكاية من حلتنا الثلاثاء يونيو 10, 2008 4:37 pm | |
| تسلم لقمان وبخصوص السفة دي الله مرقني منها كنت وقتها صغير الشيخ ادريس ود حاج عثمان خالي لفاها لي في قطنة قال لي اتعلم السفة احسن ليك واقول كدي اختها ليك في خشمي وبعد شويه عينك ما تشوف الا النور بيت ناس علي وداللحاج ده اشوفوا ليك عشرين بيت واشوف السماء دي لافه زي المروحة وبعد شويه طراش طلعت ليك الفطور كله ومن ديك لو شفت لي سعوط ساي بطني تطم وشتا اباه الجداد ده يختوه في الخشم كيفن مع الاعتذار للبسفو | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يونيو 12, 2008 9:25 am | |
| بالفعل اخي محمد عبد الوهاب ماجمل حكايات الحلة وناس الحلة وبيوت الحلة وشوارع الحلة وكل شي في الحلة ,,,, نسأل الله لايحرمنا منها ومن ناسها ,,, | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يونيو 12, 2008 9:29 am | |
| - ابورونق كتب:
- تسلم لقمان وبخصوص السفة دي الله مرقني منها كنت وقتها صغير الشيخ ادريس ود حاج عثمان خالي لفاها لي في قطنة قال لي اتعلم السفة احسن ليك واقول كدي اختها ليك في خشمي وبعد شويه عينك ما تشوف الا النور بيت ناس علي وداللحاج ده اشوفوا ليك عشرين بيت واشوف السماء دي لافه زي المروحة وبعد شويه طراش طلعت ليك الفطور كله ومن ديك لو شفت لي سعوط ساي بطني تطم وشتا اباه الجداد ده يختوه في الخشم كيفن مع الاعتذار للبسفو
ياخال الله شافك وكتب ليك السلامة ,,, ومشكوووور علي المداخلة ,,, | |
|
| |
هيثم احمد محمد سعد عضو فضى
عدد الرسائل : 232 العمر : 47 الموقع : hytham1811@yahoo.com العمل/الترفيه : موظف المزاج : عسيلاوي تاريخ التسجيل : 27/04/2008
| موضوع: رد: حكاية من حلتنا الخميس يونيو 12, 2008 10:06 am | |
| الرائع لقمان موضوع جميل ووصف رائع زكرتنا ايام حلوه واخوك كان سيد حوض درجه واحد ولو عندك اي نفير انا اول الحضور من بورتسودان بجيك وبجيب ليك دبنه ودندبيل يابلدينا دبايوا. | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يونيو 12, 2008 11:56 am | |
| - هيثم احمد محمد سعد كتب:
- الرائع لقمان موضوع جميل ووصف رائع زكرتنا ايام حلوه واخوك كان سيد حوض درجه واحد ولو عندك اي نفير انا اول الحضور من بورتسودان بجيك وبجيب ليك دبنه ودندبيل يابلدينا دبايوا.
الله يطمنك اخوي هيثم ,,, كنت شايل هم الله اداني زول حوض ,, وكمان درجة واحد ,,, وعارفك يا اخوي ابو رحمة مابتقصر ,,, وتحياتي لبورتسودان ولي ادروب ,,, اتنينا ,, دبايوا ,,, اوكوبام ,,,, | |
|
| |
زينب عوض محمد عضو مميز
عدد الرسائل : 480 تاريخ التسجيل : 20/05/2008
| موضوع: رد: حكاية من حلتنا الأحد يونيو 29, 2008 7:35 am | |
| والله يا لقمان حكاوي ناس الحله بالحيل سمحه بس الاحلي صياغه الحكايه والاسلوب الواضح بدون ابهام ننتظر المذيد من الحكاوي الجميله | |
|
| |
أبوالقاسم الشيخ عضو فضى
عدد الرسائل : 231 تاريخ التسجيل : 12/06/2008
| موضوع: رد: حكاية من حلتنا الأحد يونيو 29, 2008 8:08 am | |
| أخي لقمان شكراً على التصور الجميل والبديع والمموثق للذكريات الماضية من شبابننا وطفولتنا وهي فعلاً أجمل أيام الحياه رغماًَ عن شقاوتها وتعبها لكنها راسخة بالذاكره . تحلو الحياه بين الأهل والأصحاب والأخوان وهم متواصلين ومتحابين ومتوحدين لا يعكر صفو حياتهم شي يعيشون على أبسط الأشياء وتجدهم أسعد الناس شكراً على اللفته البارعه هذه . | |
|
| |
عمرعبدالقادرالحاج محمد عضو برونزى
عدد الرسائل : 174 تاريخ التسجيل : 16/05/2008
| موضوع: رد: حكاية من حلتنا الإثنين يونيو 30, 2008 9:18 pm | |
| والله خواطر جميلة عن حياتنا الحلوة والكلام ده ذكرنى واحد اخونا اكنا شغالين نفير نضرب طوب فى البداية بقول ادونى القالب عشان بكون قاعد يلا ناس الطين يعصرو ويردمو ليهو الطين ويكون الطين قرب يخلص يقول هوى ياشباب انا داير الشوال ومن اليو م داك سميناهو سيد جرسة. | |
|
| |
محمد احمد راشد وسام التميز الذهبى
عدد الرسائل : 826 العمر : 46 تاريخ التسجيل : 07/05/2008
| موضوع: رد: حكاية من حلتنا الثلاثاء يوليو 22, 2008 3:11 am | |
| مااحلى الحلة ومااحلى الفريق وناس الفريق ومااحلى التعاونومااحلى المحنة فى كلمة(يمة)الله الله على الزمن الجميل.
مرات كنت بكره النفير وقت تمرين العصر دى فطرة جبلنا عليها. تحياتى لقمان. | |
|
| |
أبوعمار العمدة عضو برونزى
عدد الرسائل : 147 العمر : 68 تاريخ التسجيل : 02/07/2008
| موضوع: رد: حكاية من حلتنا الثلاثاء يوليو 22, 2008 11:23 am | |
| الاخ لقمان السلام عليكم سويت ليك نفير حلو وجميل وفى الشرق ماخليت زول. اهلك ناس السديرة يقولوا ليك مامعقول تركب المركب وتخلى الزلط مجهول... قالوا تعال وصلح زلط السديرة المكسور عشان نركب السيارة لاعجاج ولازجاج مكسور نمشى السديرة ونصل الفطور وكيس السوق ولحم عبدالله ود الطيب واليمون والعجور فى ضل دكان الهادى وجارو حسب الرسول والببسى والجبنة والبليلة تفور بدل اللقيمات ونفخ الكروش والاندروس والبندول ودحين يا اخوى تعال منتدى السديرة ودى ما تفول تقول نحن منتظرنك عشان يحلى الكلام والجلسه تطول وتطول!!!!! | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يوليو 24, 2008 8:13 am | |
| الاخت زينب ,,, نعم ما احلي حكاوي الحلة وناس الحلة ,, مشكووووورة علي المرور واسف للردود المتأخرة ,,, | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يوليو 24, 2008 8:27 am | |
| اخي ابو القاسم الشيخ ,, ما احلي زكريات الزمن الجميل ,,, وما احلي ربط الماضي بالحاضر والتواصل والتلاقي ,,, اتمني ان لا تضيع موروثاتنا الجميلة وتندثر تحت اقدام الزمن الغابر ,,, مشكووور علي الاطلالة واَسف للتأخير في الرد | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يوليو 24, 2008 8:50 am | |
| العزيز عمر عبدالقادر ,,, ياحليل ايما النفير وناس النفير ... ومشكور علي الاضافة الجميلة وتحياتي لسيد جرسة | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يوليو 24, 2008 8:54 am | |
| الاخ والصديق العزيز محمد احمد راشد ,,, فعلاً الله الله الله علي الزمن الجميل ,,, وكيف يا ماضي تعود من تاني عشان يوم باكر يكون في الخاطر ,, مشكوووور علي المرور ود راشد | |
|
| |
لقمان عبد الهادي عضو مميز
عدد الرسائل : 338 العمر : 45 العمل/الترفيه : محاسب المزاج : هادئ تاريخ التسجيل : 08/05/2008
| موضوع: رد: حكاية من حلتنا الخميس يوليو 24, 2008 9:01 am | |
| الاخ ابو عمار العمدة ,,, والله وجدت نفسي امام كاتب وشاعر عجيب ,,, نعم كلماتك لها معناها ومدلولها ,,, كم انت دائماً رائع تربط الاشياء الجميلة ببعضها البعض ,, وتعطي الكلام زوقه وطعمه الخاص ,,, فلك الشكر كله وانت تربط بين اهلك ناس الهوي والشرق ,,, عزراً غيابي عن منتيات السديرة والعسيلات لم يكن متعمداً ولكن ظروف العمل هي التي حالت دون ان نلتقي ,,, مشكووور ابو عمار .... | |
|
| |
ياسر احمد بركات عضو مميز
عدد الرسائل : 658 العمر : 46 العمل/الترفيه : صراف المزاج : راااااااااااااايق تاريخ التسجيل : 21/05/2008
| موضوع: رد: حكاية من حلتنا الخميس يوليو 24, 2008 10:35 pm | |
| ما احلى حكاوى الحله وشغل النفير وقعده العصريه وشاى المغربيه | |
|
| |
ودالسديرة ابوحداد عضو برونزى
عدد الرسائل : 114 تاريخ التسجيل : 11/07/2008
| موضوع: رد: حكاية من حلتنا السبت يوليو 26, 2008 8:35 pm | |
| اديك العافية لقمان دايمن تودين الحلة يارمال حلتنه | |
|
| |
محمد بركات احمد حميد عضو مميز
عدد الرسائل : 520 العمر : 51 الموقع : كل القلوب العمل/الترفيه : موظف المزاج : رايق ومبسوط تاريخ التسجيل : 21/07/2008
| موضوع: رد: حكاية من حلتنا الأحد يوليو 27, 2008 7:11 am | |
| حكاوي الحله بتحلي مع اطلالة الخريف ويلا الحاضر يكلم الغائب الخريييييييييييييييييييييف جاء جيبو الشاي ةالبسكوييييييييت ونمشي الباجه | |
|
| |
| حكاية من حلتنا | |
|