تزووجووووووووووووووووووووووووووووو

ست البيت بريدها براها وترتاح روحى كلما اطراها
الله يحفظ نساء بلادى والله يحفظ نساء العسيلات المستورات الجابرات المقنعات الطيبات الحنينات
عليكم الله غير نسوان العسيلات منو البناديك بى حبابو و ود بطنى وعشاى ومن غيرهن يشفقن عليك لو بقيت اتاخرت شويه وتشوف خوفن عليك لو اصبت باى مكروه نساء قل مثيلهن كميه من الروعه والرضا
ما بزعجنك بى شى غير قوم صلى.نساء بلادى العفه والجمال.

عـلي الجـعلي يعلـن للجميع...." انا مـهروووووووش"

محمد بركات احمد كتب:

ياسلام ياعمر ادريس موضوعك سمح بالحيل وانا مازى ناس عبدالوهاب يعني عديل كدا مامهروش !!!!
وايه رأيكم في ديل

ولوبقيت بخيت .. ربنا يديك مرا هدية ورضية .. السماحة ماضروري لانو بعد شوية .. ما حتكون سمحة حاتكون عادية .. نصيحة ليك النسوان البقولن ليك ديل اوعك تعرس واحدة فيهن ، الفنانة
والحنانة والحردانة والمدرسة والمدبرسة والمفلسةوالنوامة والحوامة واللوامة والبوبارة والكوبارة والخبارة والفشارة واللايوقة والنقناقة أها نمسكن واحدة واحدة

1- الفنانة :- حاتمرق معاهاوتقعد تحوم .. في الحفلات .. وتشوف كرسي قدام وتقعد فيهو شايل عكازل وسكينك فيضراعك وعينك عليها .. إن راجل بشر ساكت تتحنفش وتتخنفش وتقوم .. إلا يهجروك اتنينعلي الكرسي .. وتجوا نص الليل راجعين اهلكم والنهار كلو نائمين

2- الحنانة -: طول النهار برا البيت .. تحنن في نسوان الرجال وهي كرعينها يكونن ما شافن حنة ليهن سنين .. والنهار كلو إنت تحاحي في الشفع ما يلمسوا الصبغة .

3- الحردانة :- دي حا تكرهك حياتك اقل كلمة تتفنع توبها وتجري بيت ناس ابوها وتلحقها انت وتلقي ابوهاتقعد في طرف العنقريب .. تطقطق في اصابعيك ومدنقر في ا؟؟؟؟؟ وداير تراضيها ترجع البيت .. لكن احسن حل يا تسكنوا مع ناس ابوها .. تجيب ناس ابوها عندكم .. عشان توفر المشاوير والجري .

4- المدرسة :- اول حاجة دي ما بتقدر تفرق بينك وبين الطلبة .. وحتقعد تعيد وتكرر في الكلام مليون مرة .. زي برنامج من الامس في التلفزيون .. وممكن جداً تسرح وتقول ليك فاهم ياشاطر.

5- المدبرسة :- تلقاهاطوالي زهجانة .. وشايلة اخلاقها في طرف نخرتها .. وان كلكلتها ماتضحك وفي النهايةحتوديك التجاني الماحي ..... نزيل اكتئاب ..

6- المفلسة :- مادايرة أي شرح .

7- النوامة :- تجي من الشغل نص النهار وزهجان .. تلقاها ( تانية المخدة ) وخاتها ايدها تحتها وتشخر .. وريالتها سائلة .. وحالتها بالبلا .. وتكره اليوم الفكرت انت فيهو في التكاثر

8- الحوامة :- طول اليوم فوق كرعينها .. في الحلة من بيت لبيت .. وتدخل البيت قبال ما إنت تجئ من الشغل بخمس دقائق .. وتجري تولع الناروتطبخ ليك ( القطر قام ) .. واول ما ينتهي الغداء تدخل في سفنجتها إستعداداً لرحلةجديدة .
9- اللوامة :- دا نوع مزعج جداً .. لو جبت سيرة اخوك ساكت .. تفتح فيهو، الله بسألني سنتنا ديك وكت انت خليتنا بلا قروش وسافرت .. يدخل علينا مدلدل ايديهو .. كيس موز ساكت ما بيجي شايلو .. ولو جبت سيرة امك هي والله امك دي اصلهاما بتريدني من تشوفني تزعل والنيران تنطلق فيها .. وتمد قدومها .. ووليداتي ديل السلام يا الله ويا امين تسلم عليهم .

10- البوبارة :- دي تحملك فوق طاقتك تشريك المابنشري .. وجيت الناس في البيت تجري علي علبة الذهب وتتعنكش كلها من راسها لي كرعيها .. وتقعد تنضم وتك*** بايديها وكرعيها ورقبتها واضنيها ,, عشان توري الذهب .

11- الكوبارة :- دي تكبر اي موضوع .. وتسوي ليهو توم وشمار .. وتقول ليك ناس القبور دقو الطنبور .. لو شافع من شفعك عتر ووقع تصرخ وتخت ايديها في نص راسها وبيطول حسهاوووووووووووووووووووووووب علي ووووووووووب علي .. ماااااااااااااااااات خلاص ماااااااااااااااااااااااااات يسمعوها في الشارعوالمصيبة لو انت كنت نائم وسمعتها .. تقوم مخلوع وتمرق من الاوضة لحدي نص الصالة .. اما لوكان عندك قلب مرضان .. اللحظة ديك ...... من المهد لي اللحد

12- اللايوقة :- دي حكايتها تانية .. تمسك في موضوع يحلك منو الجليل الرحيم .. يادا هوي ياداالليلة يايمـــة طرشت ؟؟؟؟ وقدر ما تطنش هي مصرة .. وممكن تجئ وتخجك خجة جامدة عشان تنتبه .............................. للنقة .

13- النقناقة :- دى تقوم تنقنق ونقعد تنقنق ومن الصباااااااح تنقنق وكان بتغسل تنقنق وكان بتعمل فى اى شى تنقنق والغريبة كان جبت ليها حاجة جديدة تنقنق لم تقصر ليك عمرك ... بالنقنقة

أخوي هيثم (أبورحمة)
السلام عليكم
الجماعة الحسانية لو سمعوا كلامك ده حيطردوك
فأحذر التهور وربي عيالك أحسن ليك ولو كررت الكلام تاني شيل شيلتك مع أم رحمه

فاعل خير ( خايف على مصلحة أخوه)

عندنا نيه ندبل باادروبيه ما قلتوا رايكم شنو

نحن العسيلات عموما حزب الموحدين

موحدين فى الله والحريم

رايكم شنو

اوساكا اليابان

العرس سنة الحياة وراحة بال لكن اهم من ده كلوا كيف تلقى بت الحلال البتستر الحال

وما تنقنق ليك في الطالعة والنازلة ولمن تكورك تقول الواطة جاها زلزال

وكان قلت ليها اسكتي تسكت سكوت الاصنام والتمثال

نحن نحب الرمادي في النساء المتوسطة طويلة البال

قصيرة الشوف سمحة الطلة الولادة ام العيال

الرحيمة العفيفة الطاهرة بت الخال

ياريت بعد ده كلو القاها لانو انا عزابي ولسة العرس مافي البال

الاخ عمر ادريس
والله العظيم انا ما كنت عارفك انت مهروش بالدرجة دي وانا سوف اتزوج الثانية والثالثة والرابعة ابوي مسكني الرايه

ابدا واحده فقط ولا غير يا جماعه ما تجيبوا لينا هوى تانى ما بخلونا نخش المنتدى بطريقتكم دى

مالكم يا عسيلات
تقدمو في الاعتذارات
احسن تخلوها مستوره
واشكركم علي الردود
دعونا اقدم لكم قائمه المهورشين من خلال
ا لمشاركه في هذا البوست
والله نخليها
احسن نخليها مافي داعي للفضائح
مع شكر العميق للمشاركه

انت اول واحد مهروش هههههههههههههه

يا جماعة حولوا الموضوع لطاعة الزوجات
على الجعلى قال الرو و و وب عدييييييييل
والله اول ماشفت ولدك وهو صغير لابس
الجلابية والطاقية قلت ابوه هراش
وايو كدا صاح وشاطرالاخ ياسر احمد بركات اعمل حسابك
الناس دول بورطوك ونسوان القويز بختلفن تمام عن الفاكياببات
بمسكن من الاضان ويلونها