عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: محجوب شريف الأحد أبريل 27, 2008 8:49 am
في السبعينات زارنا الشاعر محجوب شريف بالعسيلات وكان في زيارة لصديقة العم علي الحاج وقد صادف في تلك الايام سماء ماطرة وجو بديع واتحفنا من درره الرائعة ومنذ ذلك الحين اصبحت من مدمني شعر هذا الشاعر القامة وقد زادت محبتنا له حبا في عمنا علي عسيلات ..
وهذه ا حدى روائعه والتي تغني بها الفنان سيف الجامعة طريق الشعب / محجوب شريف
طريق الشعب أوسع من زحام الضيق وقلب الشعب أرحب من رحاب الضو ونبض الشعب كل حلم براه يتم شجر متشابك الهامات جيلاً جاي حلو الشم صبايا وفتية يمرحوا فى صباح الغد عيونهم برقهن لماح سوالم رد وتطلع من شقوق الأرض آلاف المدن قامات يطلعوا من قلب الحجر الصم خفاف ولطاف ثعابيناً أوان الجد دفاعاً عن حياض السلم والإفصاح سلموا ليَّ عليهن جملة حتى اللسة قبل الخلق والتكوين صناع الحياة اليوماتي ملح الأرض نبض الشعر والموسيقى والتكوين هدامين قلاع الخوف كانت هذه الدراجة يوماً ما.. كلاشنكوف وما بين منارات السمّع والشوف نقاشين جدار الصمت نساجين خيوط الشمس كهربجية الظلمات وأجمل ما تكون الدنيا رسامين وحفارين مجاري العصر نصراً نصر مقدامين زمانهم فيه ضبط الوقت بالتقدير شروق الشمس بالإنجاز حروفهم وا حلالي تشمهم ترتاح حا.. حرية تا.. تغيير جـ.. جدار ك.. كتاب س.. سمار وسكة حديد تهز وترز با.. بحارة بحراً عبَّ وثار واو.. وطن مدرار جرت تتلاحق الأنهار كما تتلاحق الأعراف كما تتصافح الأديان كما تتمازج الألوان هجيناً من سلالات الفخار والعز مرور النسمة وأيضاً هزة الإعصار علم فى نشرة الأخبار وهيبة على امتداد الكون وعلماً فى حماه الورد حتى الزهرة والمريخ شبح حرب النجوم ينزاح أيادي القهر خلف الظهر مكتوفين أفاعي السمت حيث مزابل التاريخ
شمس الدين جاد كريم حمد عضو مميز
عدد الرسائل : 592 رقم العضويه : 2 تاريخ التسجيل : 15/03/2008
موضوع: رد: محجوب شريف الأحد أبريل 27, 2008 4:53 pm
ياخال محمد الشاعر محجوب شريف شاعر معروف بالسودانية وغنى الكثير من الاغانى الوطنية مثل نغنى ونحن فى اسرك وترجف وانت فى قصرك وله اكثر من مقالات وقصائد ذات طعم خاص وله الكثير الكثير من الروائع مثل وحياة أمنا الخرطوم أشيل شيلي وأشد حيلي و أموت واقف على حيلي وأقولك يا أعز الناس على الوعد القديم جايين وبين الثورة والسكين شيوعيين حتى الموت شيوعيين من إحدى قصائده يصف به الشهيد عبد الخالق محجوب فيقول فيها : ولسه ولسة عبد الخالق المغوار يقود الصف ونحن وراه كف فوق كف وهاشم قاطع الحدين لسه و لسه يملا العين والقصيدة طويلة وله الكثير الكثير
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الإثنين أبريل 28, 2008 7:22 am
تشكر ياشمس وكل شعر محجوب شريف اكثر من رائع وانا من مدمني شعره
قـــــــــــــــــــــــزازة دم
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
محمد بركات احمد حميد عضو مميز
عدد الرسائل : 520 العمر : 51 الموقع : كل القلوب العمل/الترفيه : موظف المزاج : رايق ومبسوط تاريخ التسجيل : 21/07/2008
موضوع: رد: محجوب شريف الثلاثاء يوليو 29, 2008 1:57 pm
يا غيمات الفرح العده شيلي غناي للناس وديهو جيبي خبير الزول الغادي تلقي النيل بشوق ضميهو اسالي موجو الراحل ديمه عن دمعات الطفل النازفه عن اشجارو الميته و واقفه راجيه متين بتهب العاصفه
محمد بركات احمد حميد عضو مميز
عدد الرسائل : 520 العمر : 51 الموقع : كل القلوب العمل/الترفيه : موظف المزاج : رايق ومبسوط تاريخ التسجيل : 21/07/2008
موضوع: رد: محجوب شريف الثلاثاء يوليو 29, 2008 2:01 pm
مريم ومي بنياتي سمعتن صوتي جيتن جي طلعتن من زوايا السجن كالرقراق وبين السونكي والترباس وحلق الباب [img][/img]
سارة ميرغني عضو فضى
عدد الرسائل : 286 العمر : 52 تاريخ التسجيل : 05/07/2008
موضوع: رد: محجوب شريف الأربعاء يوليو 30, 2008 2:13 pm
محجوب شريف شاعر عظيم احبنا شعرة عن طريق علي الحاج عندما كان يأتينا بقصائدة زمن مضي ويسردها علينا يا والدة يا مريم يا عامرة حنية انا عندي زيك كم يا طيبة النية بشتاق وما بندم اتصبري شوية والعسكري الفراق بين قلبك الساساق وبيني هو البندم والدايرو ما بنتم .
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 9:44 am
محجوب شريف وارضا سلاح ارضا سلاح ارضا سلاح لونتحد ضد الجماح نبني الديمقراطية صاح نبنية صاح وطن البراح وطنا مجير لامستجير لامستبد لامستباح ارضا سلاح ارضا سلاح هذه سيرة ذاتية لها تلك الغويشاية هجين الدبلة والخاتم ضلالة كم حاجة وحاجة مثل السترة وهاجة بختم الدولة لاحوله باوراقها الثبوتية صبحت في خبر كان اللي كانت ليها حاجة محتاجة المسيكينة ماتسالني كم ثمن الغويشاية بس جاوبني كم ثمن الطمانينة دخرى الحوبة للقمرية حبة عيش وقشاية غويشاية تدسدس فيها وتخبي يعلم الله وتربي على كل المحن طافت من عين الفقر خافت بس عين الصقر شافت صقر لابس لبس حربي بختم الدولة لاحولة باوراقها الثبوتية وفي هندامها متخبي صبحت في خبر كان اللي كانت البيها كانت فرحانة المسيكينة لاتسالني كم ثمن الغويشاية بس جاوبني كم ثمن الطمانينة دخري الحوبة للقمرية حبة عيش وقشاية غويشة مي ومريومة تماما زى حماماية لم تعرف لها زوجا ولم تعرف لها تومة وحيدة وجوه عشاية بتاتا لم تساسق في الطريق العام ولافي الحلة قوقاية هي المختوتة لي اليومه المدسوسة من حفلة المحروسة من غفلة المغروسة في الخاطر المخصوصة لي الممكن يكون باكر كثير الحمي تتسربل مسام البيت وتسكن في خيرة النومة وكم تتعذر القومة ورزقا يقطع الحومة ككل الناس نتم الناقصة بالموية وتبقى السترة عشاية غويشة السترة والحوبة من تعب التي ظلت ترتق بالصبر توبه تفتق وردة السترة التبتق في بنياتها وتعتق ذكرى حبوبة غويشاية وفر من سكرة وشاهيا وفر من كسرتا وزيتا وكم من باقي ماهية يشيلها السوق كماهي فلاسكة رفاهية ولاحتة قماشايا تساسق مكتبا وبيتا كما كل الافندية حبيبة فول وعيشايا تساهر ابرتا وخيتا مكنتا من زمن ياما تحت الدامة دوارة وكل زرارة نوارة تفرهد في قماشايا تخليه القديم لنجي ويبقى المافي من مافي ويبقى البلدي افرنجي تقول الزلة حاشايا اما العبدلله اما العبدلله زوجا ليس باللاهي قلبي الجمرة واطيها وماني محلفا ساهي ولامتملقا احدا ولامتعلقا ابدا باموال ولاجاه طول العمر ماهية بقت حزمة معاشايا اخيرا اصبحت ورقة مابتسد فرد فرقة المنديل تمن طرقة وفي الصقر ان وقع كثر البتابت عيب ضرة ودرقة لذلك يارضا نفسي حزمت الامر من اول مامن خوف بنتحول ولابجوع بنتسول واكيد عمر الكلام اطول قصير العمر لوطول احب الكلمة لوحرة احب السترة لو مرة اعاف الشينة لودرة احب العفة بنت امي حليب السترة في فمي دبيب النملة في دمي وقت تلقالاقشاية تجرى جريا واباريها وماتضل طريق الصف للمخزن ولم تاذن لنفسها تنفرد بيها ولن تاذن ولم تحزن على ذلك ولن تحزن وبعض البعض قد ذهبوا الى من عنده الذهب وبعض البعض قد مالوا الى من عنده المال ولكن من ستر حاله يمين الله قد نهبو ا الاما اشرف النملة الاما اشرف النملة تبا للضمير لمن يصير خملة فيالصا حكوميا بختم الدولة لاحول باوراقها الثبوتية وكل ملابس الحملة عمل عملة عمل عملة وللابداع بقية
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 4:58 pm
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 5:10 pm
محمد بركات احمد حميد كتب:
يا غيمات الفرح العده شيلي غناي للناس وديهو جيبي خبير الزول الغادي تلقي النيل بشوق ضميهو اسالي موجو الراحل ديمه عن دمعات الطفل النازفه عن اشجارو الميته و واقفه راجيه متين بتهب العاصفه
دي عشانك يامحمد بركات فيديو الظاهر عليك مغرم بالشاعر محجوب شريف والله فعلا شاعر مبدع وتحياتي
عدل سابقا من قبل محمد بركات احمد في الخميس يوليو 31, 2008 5:26 pm عدل 1 مرات
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 5:14 pm
للشاعر المناضل المبدع محجوب شريف لقد كتب الاستاذ محجوب هذه القصيدة عندما ماتت والدته وكان فى سجون مايو تحية لمحجوب شريف، والرحمة تغشى الوالدة مريم وكل الأمات مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون الحزن المسجون بارود الحزن المسحون جوااااي انا شافع محزون عن امو بفتش فتيش فتش فتيش هبش هبيش دقش دقيش يصرخ ياناااااااس مريم محمود راحت شقيش يصرخ ياناااااااس مريم محمود راحت شقيش يصرخ ياناااااااس مريم محمود راحت شقيش في زنك اللحمة وفي الزحمة مريم محمود راحت شقيش في منحنيات الاسواق مريم محمود راحت شقيش ولا آه يا مريم محمود آآه يامريم محمود آآآه يامريم محمود آآآآه يامريم محمود آآآآآه يامريم محمود ياذات الضل الممدود ياذات القلب الساساق حتلت جواي الاشواك حتلت جواك الاشواك وكنت الولد المحبوب لا هجراً ليك ولا عاق لا هجراً ليك ولا عاق حبيتك ذي ما حبيت الوالد الوطن البيت مني خطفوك تماسيح كم مرة وخلو التباريح كم جيتك راجع مسحور بذات الوجه المغرور البيني وبينك عصفور علي قلبومنشن صياد علي قلبومنشن صياد علي قلبومنشن صياد ظلموك يامريم ظلموك حرموك يامريم حرموك خلوك الدمعة تفصد خدك في الاعياد خلوك الدمعة تفصد خدك في الاعياد خلوك الدمعة تفصد خدك في الاعياد مشوك في الشوك علي حد السيف اتعلمتي الشك في الغربا وكنتي ملاذ الشتا والصيف سرقو امانك وإطمئنانك قلبك كل ما باب الشارع دق يدق قلبك كل ما باب الشارع دق يدق قلبك كل ما باب الشارع دق يدق قلبك كل ما باب الشارع دق يدق قلبك كل ما باب الشارع دق يدق يدك ترجف في الصقاطة وشك شاحب ربنا يستر يمكن هم وشك شاحب ربنا يستر يمكن هم وشك شاحب ربنا يستر يمكن هم وشك شاحب ربنا يستر يمكن هم تفرحي فرحاً قدر الدنيا تفرحي فرحاً قدر الدنيا تفرحي فرحاً قدر الدنيا تفرحي فرحاً قدر الدنيا تفرحي فرحاً قدر الدنيا إذا ما كان الطارق صاحب حارق نارك بالهبابة لهيبا يبق وحارق نارك بالهبابة لهيبا يبق حارق نارك بالهبابة لهيبا يبق وحارق نارك بالهبابة لهيبا يبق حارق نارك بالهبابة لهيبا يبق وحارق نارك بالهبابة لهيبا يبقج
فارقت كم....؟ كم سنة عانيت وشفت الضني نار الحنين للجنا ما شفت زيك أنا لكني مابنحني ولاسواي ..انحني الشمس خلف الجبل والنبع ........ في المنحني هُب يا نسيم الزمن بالذكريات الندي برد هجير الحشا رجع خطاهم صد ي ا لشال كتابو ومشي والدابو عمرو ابتدأ أشواقي لي ضحكتهم وأشواقي لي ضمتهم وأشواقي لي للمتهم بلا حدود آو مدي يسهر معاي النجم يمشي ويجيني الكري يلقاني كم منسجم واللفته بتذكرا ارسم خيالهم رسم يضحك معاي يبتسم يبقي السحاب الضرا الجنة هم سكتها والدنيا هم سكرا تسألني إيه العمل...؟ صبر المناضل عمل انسد باب السجن ما انسد باب الأمل ماببقي السمو القمر لو ما الهلال اكتمل من اجلهم نحتمل ...ما ليس بالمحتمل..... سجن _سواكن1990
مليون سلام يا شعبنا ومليون حباب والاغتراب يا ابونا ما طول الغياب الاغتراب فال البخونك ويزدريك ونحن بين سنكيهو والزنزانة والسجن السميك منك قُراب أحرار وحريتنا في إيمانّا بيك ثوار بنفتح للشمس في ليلنا باب لي يوم جديد وبنفتديك وحنفتديك ما بنرمى إسمك في التراب وعيونا تتوجه اليك إنت المعلم والكتاب * أبداً جُذورك فينا تمتدَّ وتجيك والبزدريك ياويلو من زحفك عليهو ومن مشيك يا ويلو من أجَلو الوشيك يوم ينكسر قيد الحديد والسنكي والزنزانة والسجن السميك وخطى الشهيد من حولو تهدر والنشيد وإنت الشمس من بين إيديك تطلع عليك من كل باب مليون سلام يا شعبنا ومليون حباب
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 5:27 pm
sara merghani كتب:
محجوب شريف شاعر عظيم احبنا شعرة عن طريق علي الحاج عندما كان يأتينا بقصائدة زمن مضي ويسردها علينا يا والدة يا مريم يا عامرة حنية انا عندي زيك كم يا طيبة النية بشتاق وما بندم اتصبري شوية والعسكري الفراق بين قلبك الساساق وبيني هو البندم والدايرو ما بنتم .
تسلمي ياسارة بنت العمه والله فعلا على الحاج هو من حببنا في هذا الشاعر القامة واليكي قصيدة الوالدة مريم .
ياوالدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية يا والدة يا مريم ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم يا والدة يا مريم عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم طول النهار والليل فى عيني شايلك شيل لكني شادّي الحيل لا خوف عليَّ لا هم هاك قلبي ليك منديل الدمعة لما تسيل قشيها يا مريم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم ما بركب السرجين وما ني زولاً شين يا والدة دينك كم دين الوطن كمين ما شفتي ود الزين الكان وحيد أمه ماليلا كان العين قالولو ناسك كم ورينا ناسك وين .. ورينا شان تسلم العودو خاتي الشق ما قال وحاتك طق تب ما وقف بين بين لى موتو اتقدم قال أنا ما بجيب الشين أنا ما بجيب الشين أنا لو سقوني الدم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم كم من حبيباً ليَّ كان مالي بينا دروب ما ودع الحبان ما وسدوه الطوب حي قولي ما حي ووب حي قولي ما حي ووب ما خلى ساعة الموت يمه السرج مقلوب اتشتت الرصاص فى جسمو واتقسم لاقاهو يتبسم والحولو حيله وكان ريحة صباه تتشم زي التقول يومداك يوم العرس يادوب قال أنا ما بجيب الشين أنا لو سقوني الدم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم يمه السجن مليان رجالة ما بتنداس الختو قبلي الساس والشالو هم الناس والفات وليدن ليهو ما مسكو الكراس ما سمعو يتكلم ما نحن عود الفاس فرسان حمى وحراس فى الحارة نتحزم عشم القدر ما كاس ما لاقى بيت يتلم عشم الطواه الجوع المتعب المعدم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم ما تقولي شن سويت ما تبكي شن سويت غير البطمن ناس بى همهم ساويت فارس مع الفرسان حارس بلدنا البيت أخواني علو السور أنا طوبة ما ختيت ديل من زمن تاتيت لامن كتبتَّ قريت عرقنا ياما يدر يمه اللبن والزيت الكسرة والكراس لى قشة الكبريت تقولي جيداً جيت راجع مع الفرسان فايت الحدود واسيت وتغني يا مريم لينا وتجري النم والعسكري الفراق بين قلبك الساساق وبيني هو البندم ... والدايرو ما بنتم ياوالدة يامريم
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الخميس يوليو 31, 2008 5:39 pm
محمد بركات احمد حميد كتب:
مريم ومي بنياتي سمعتن صوتي جيتن جي طلعتن من زوايا السجن كالرقراق وبين السونكي والترباس وحلق الباب [img][/img]
اها امحمد بركات قصرت معاك ..
مريم ومى (أخياتي) وحشتنى ولعبتن بى تحياتى .. تصحووا امامى اشواقاّ تهز النبض وتتاقى عميقاُ من شعاب النور الاقى الذكرى بتاتى سلاماً يا حماماتى اسكنن فى مسامتى سلاماً يا غماماتى البتدني ابتساماتى مريم ومى (أخياتي) وحشتنى ولعبتن بى..
** يسافر قلبى صوتي يرن يسابق الريح قلب (الأخ) انت صحيح تحن وتهم حذاراك من الجواك وحذراك من جرى التبريح حتهرب منه جلدك وين ويوماً ما حتسكت تم واخط رأسى وافارق دنيتى وناسى واخلى وراي كراسى وما أسود سطر بالشين وما تعود اساك العين وما تشمت عدوي فينى مريم ومى (أخياتي) وحشتنى ولعبتن بى
*** طريق الشعب اوسع من زحام الطين وقلب الشعب ارحب من رحاب الضو ونبض الشعب كلو حلم بداه بيتم وتطلع من شقوق الارض آلاف المدن قامات ويطلع حتى من قلب الحجر والصى شجر متشابك الهامات وجيل جاى حلو الشهد صبايا وفتية يمرحوا فى صباح الغد عيونهم برقهن لماح سؤالهم رد خفاف ولطاف وثابين أوان الجد دفاعا عن حياض السلم والافصاح
سلموا لى عليهم سلموا لى عليهم جملة حتى اللسه قبل الخلق والتكوين صناع الحياة اليوماتى ملح الارض نبض الشعر والموسيقى والتلوين هدامين قلاع الخوف كانت هذه الدراجة يوماً ما كلاشنكوف مابين منارات السمع والشوف نقاشين فى جدار الصمت نساجين خيوط الشمس كهربجيةالظلمات واجمل ما تكون الدنيا رسامين حفاريين مجارى العصر نصرا نصر حروفاً واحلالى تشمهن ترتاح ح حرية ت تغيير ت تعليم ك كتاب م مسمار ح حرية ت تغيير ت تعليم ج جراح سكة حديد تهز وترز ب بحارة بحراُ عب وثار وطن مدرار جرت تتلاحق الانهار كما تتلاحق الاعراف كما تتمازج الالوان كما تتصافح الاديان كما تتمازج الالوان هجيناً من سلالات الفخار والعز مرور النسمة وايضاً هبة الاعصار علم فى نشرة الاخبار وهيبة على امتداد الكون علماً فى حماه الوردة حتى الزهرة والمريخ شبه حرب النجوم انزاح ايادى القهر خلف الظهر مكتوفين افاعى السحت حيث مزابل التاريخ
***
سلموا لى عليهم جملة حتى اللسة قبل الخلق والتكوين بشوفهم كلهم أسه عصافيراً ترك جنبى نوافيراً ترش قلبى حماماتى بتشرب حسه من ايدى مريم ومى (أخياتي) سمعتن صوتى جيتن هى مريم ومى (أخياتي) سمعتن حسى جيتن هى طلعتن من زوايا السجن كاللبلاب وبين السنكى والترباس وبالرقراق وحلق الباب وعبر السور زى النجمة والعصفور تجرن جدولاً رقاق من حبل العشم فتلات ومن حقل الوطن شتلات امكن الفى قلب جيتن لى من تيابها شراع ومنديلأ خيوطو شعاع وكراسا مسطر بالضحى اللماع وخط ايدا وشعورا الحي
وقالت لى قالت لى وقالت لى سلاماً يا (اخو) مريم ومى ثباتك شعلة فى ايدى (أخياتك) خلي راسن فوق وحاشاك الكلام النى وحاتك ما انكسرنه وراك ولابد أن يعود الحى وفجراً كالكرِب حيبين وشعب تترب حيقوم ويملا شوارع الخرطوم وتجري مدامع الحلال تجر النم تسوى القوق فوق فوق سودانا فوق سودانا فوق
***
بدل شاهيك اشرب دم اذا قلت الكلام النى وانا الما عندى ليهن شىء لا فى البنك ولا فى الدين سوى الكلمة الما بتنداس ولا بصبح مكانا الرف ولا عصفورة جوه الكف ولا صقراً يحلق فوق وينزل كف نبض الشعب اجمل من بريق الماس واجمل من حليب الستره ما حبيت مشارب كاس و القمرية بين اغصانا اشرف من موائد ناس واقرب للوطن من ناس وخيراً جانا ما عم البلد وسواس أذن فلتقرع الاجراس مريم حضرى الكراس (عديلة) ومى تعالن جاى نغنى لاخر المشوار نغنى لاخر الانفاس نغنى لاخر المشوار نغنى لاخر الانفاس
سارة ميرغني عضو فضى
عدد الرسائل : 286 العمر : 52 تاريخ التسجيل : 05/07/2008
موضوع: رد: محجوب شريف الخميس يوليو 31, 2008 10:40 pm
جزيت كل الخير يا محمد بركات واللة كنت بسترجع في قصيدة يا والدة يا مريم لكن لم تسعفني الذاكرة الا ببصض المقاطع منها خلاص الكبر حصل , واللة فرحتي بيها كأني لقيت كنز ولو عندك مساجينك اكتبها لي ومشكوووووور
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الجمعة أغسطس 01, 2008 7:32 am
sara merghani كتب:
جزيت كل الخير يا محمد بركات واللة كنت بسترجع في قصيدة يا والدة يا مريم لكن لم تسعفني الذاكرة الا ببصض المقاطع منها خلاص الكبر حصل , واللة فرحتي بيها كأني لقيت كنز ولو عندك مساجينك اكتبها لي ومشكوووووور
تحياتي يابنت العم وتحياتي لودالخاله الذي زرع فينا حب الغربة التي طال امدها ومنه تعلمنا الكفاح والطموح والتحية لابنائكم واليكي مساجينك ونعم الاختيار
مساجينك مساجينك مساجينك نغّرد في زنازينك عصافيرًا مجرحّة بي سكاكينك نغني ونحنا في أسرك وترجف وانت في قصرك سماواتك دخاخينك
برغمك نحن ما زلنا بنكبر بي سلاسلنا ونعتق في سلاسلنا ونسخر من زنازينك مساجينك .. مساجينك .. مساجينك حكايات الهوى الاول بنحكيها بدايات الغنى الطّول نغنيها حقيقة وليس تتأول ح تهرب من عناوينك للسودان عواطفنا وبالسودان مواقفنا ولما تهُّب عواصفنـا ما حيلة قوانينك مساجينك .. مساجينك .. مساجينك
شهر عشره حبابو حبابو عشرة وابقوا عشرة على المباديء مبدأ الحرية اوّل لم يحوّر لم يأول والنضال سكة حياتنا مهما وكت السكّة طوّل ما تفرطوّا في الامانة كل شهيد روحو بتنادي ابقوا عشرة على المبادئ مبدأ التطهير يصير ما شعار خاوي وكبير الحساب لكل واحد للصنايعي وللوزير امشوا طهّرو بعدالة وابعدوا الفاشية غادي وابقوا عشرة على المبادي كل ثائر في جهادو قصدو تتحرر بلادو نحنا بنساعدو وندعمّ كل وقفاتو وعنادو اصلو هدف الثورة واحد والاعادي هي الاعادي ابقو عشرة على المبادي
اكتوبر الممهور بالدم صباح الخير اهلاً مساء النور زمنًا تجي وبتمر عبر النشيد المـُر تحت الغنا المحظور تنده تنادي الشعب الصامد المقهور هُب من ظلامك هُب الشمس جوه الجب والحكمة خلف السور ضمِّد جراح الحب والخاطر المكسور كنا بنسّنك سن في خندق الاصرار في خندق الاصرار يامـا ادخرنّا غناك ومسكنا فيهو النار بذلك التيار اكتوبر الممهور بالدم صباح الخير اهلاً مساء النور
المجد للآلاف تهدر في الشوارع كالسيول يدق زاحفها قلاع الكبت والظلم الطويل المجد للثوار المجد للإصرار لليوم العظيم المجد للشرفاء المجد للشهداء للموت الكريم الثورة انطلقت شعاراتٍ ترددها القلوب الثورة الحريةُ الحمراء شمسسٌ لا تغيب الثورة التطهير يُرجع هيبة الحكم السليب الثورة التحرير للثوار من كل الشعوب الثورة الايمان قاد الشعبَ في اليومِ الرهيب يا صانع التاريخ يا شعبي الذي سحق الظلام المجدُ لك ما ازهرت في الارض الوانُ النضال البزل لك ما صوّت الداعي ينادي يا رجال الخُلد لك يا صارم القسماتِ يا حي الشعوب يا شعب اصبح مرجلاً يغلي وبركانًا يفور
الالف اللام السين الواو الدال الالف النون السودان الوطن الواحد ما قد كان وما سيكون مارس ماسك كف ابريل اعظم شعبي واعظم جيل نعم بنادق لا ترتد لصدر الشعب الغدر دخيل مارس حارس ليس يخون الالف اللام السين الواو الدال الالف النون شعبا صمم فردًا فرد هبّ وهدّم حكم الفرد وجاهو عديل اعصار اعصار خطوة بخطوة وايد على ايد سِلم سِلم ما بنسّلم وشعب معلّم زاد إصرار عصينا عصينا شلنا عصينا على الحرية منو بوصينا نحن الشعب الما بحتار إختار إختار ديمقراطية بلا اُمية بايدي قوية (............) للسودان الوطن الحر مرفوع الراس للحرية بلا دورية ولا تفتيش ولا حد ينداس ديمقراطية بنين وبنات نغني و نحلم باطمئنان بحكم الشعب صمود وثبات
من دم القرشي واخوانو في جامع ارضنا مروية ما اعظم غضبك يا شعبي ما اجمل حبك يا شعبي لارضك وانت بتفديها يا شعبي الثائر يا شعبي يا قوة .. السلم امانيها يا شعب غرامو الحرية والعزة شبابو يغنيها ما اعظم غضبك يا شعبي ما اروع حبك يا شعبي لارضك وانت بتفديها اكتوبر 21 يا صحو الشعب الجبار يا لهب الثورة العملاقة يا مشعل غضب الاحرار
سارة ميرغني عضو فضى
عدد الرسائل : 286 العمر : 52 تاريخ التسجيل : 05/07/2008
موضوع: رد: محجوب شريف السبت أغسطس 02, 2008 8:30 pm
ما زلنا نكافح ودائما يبقي الامل جزيت كل الخير
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الأحد أغسطس 03, 2008 9:32 am
sara merghani كتب:
ما زلنا نكافح ودائما يبقي الامل جزيت كل الخير
تسلمي ياسارة وسوف يستمر الكفاح كما ذكرتي ولن يتوقف ويبقى الامل الذى اصبح سرابا وفي انتظار ماتاتي به الايام من مفاجات ..
الحاج ابراهيم عضو برونزى
عدد الرسائل : 155 العمر : 48 الموقع : italaia العمل/الترفيه : رايق والحمدلله تاريخ التسجيل : 21/05/2008
موضوع: رد: محجوب شريف الأحد أغسطس 03, 2008 9:55 am
لام عظيمة مشيت كل الطرق مالقيت غيرك سبيل انت ياست الاحبة انت يالكرمك اصيل انت طباعة العيال زي طبع الناس القبيل وبي فيض حنانك غمرتيني زي جدالريل اناكان خطيتك كنت حار بي الدلييل لواقول انساك يبقي دا المستحيل انت ياتباشير الخريف انت يالشجرالضليل قلبك كبيروخيرك وفير يانسيم عليل لواكون بجوارك بطمئن كتير انت بيك الامل وكل الخير انا جد بحبك اصلو وقيع حبك اسير ام الحبيبة مع التحيات لكل ام
محمد بركات احمد حميد عضو مميز
عدد الرسائل : 520 العمر : 51 الموقع : كل القلوب العمل/الترفيه : موظف المزاج : رايق ومبسوط تاريخ التسجيل : 21/07/2008
موضوع: رد: محجوب شريف الأحد أغسطس 03, 2008 2:37 pm
لك الشكر يا خال فمحجوب شريف هرم سوداني اصيل وهو انبل من الشعراء الذين وضعو شعر الحريه[b][/b]
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الأحد أغسطس 03, 2008 3:44 pm
الحاج ابراهيم كتب:
لام عظيمة مشيت كل الطرق مالقيت غيرك سبيل انت ياست الاحبة انت يالكرمك اصيل انت طباعة العيال زي طبع الناس القبيل وبي فيض حنانك غمرتيني زي جدالريل اناكان خطيتك كنت حار بي الدلييل لواقول انساك يبقي دا المستحيل انت ياتباشير الخريف انت يالشجرالضليل قلبك كبيروخيرك وفير يانسيم عليل لواكون بجوارك بطمئن كتير انت بيك الامل وكل الخير انا جد بحبك اصلو وقيع حبك اسير ام الحبيبة مع التحيات لكل ام
تسلم يابن الاخت على هذه الاضافة التي اضفت على صفحات هذا البوست كل الجمال وكل الحنان وكل العطف باعظم صفات الام ولك الود
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
موضوع: رد: محجوب شريف الأحد أغسطس 03, 2008 3:49 pm
محمد بركات احمد حميد كتب:
لك الشكر يا خال فمحجوب شريف هرم سوداني اصيل وهو انبل من الشعراء الذين وضعو شعر الحريه[b][/b]
تشكر يامحمد بركات وينك ليك كام يوم غائب الحلة مطرانه والا شنو وفعلا محجوب شريف هرم وقامة تسمو فوق العلا رافعه راية الحرية والرأى الحر يازول ماتودينا في داهية لحدي هنا كفاية وتحياتي للحلة بيت بيت وشارع شارع وزول زول ولك الود مفعما بالحرية التي ننشدها ..
محمد بركات احمد حميد عضو مميز
عدد الرسائل : 520 العمر : 51 الموقع : كل القلوب العمل/الترفيه : موظف المزاج : رايق ومبسوط تاريخ التسجيل : 21/07/2008
موضوع: رد: محجوب شريف الأحد أغسطس 03, 2008 6:28 pm
ح حريه الحريه التي ننشدها انشدها الهرم محجوب في نفس يا والده يا مريم وبنياته مريم ومي انا لي اكتر من اسبوع ما مشيت الحله والغياب الشغل والدوشه
