ما يطلبه المغتربون

السلام عليكم ورحمة الله
الاخ لقمان مشكور والله عمل رائع جدا وعلى ما اظن الصور تعود الى خريف العام السابق والصوره تظهر منطقة ام ضوابان والجانب من طريق الاسفلت الذى يربط العسيلات بالخرطوم حيث ان هذا الطريق كان مقطوع وكان على الناس ان يخوضو الماء ليعبرو الى الضفه الاخرى من الطريق
كانت ايام عصيبه ومعاناه حقيقيه لا ارانا الله لها مرة اخرى

الاخ الشناوى مرحب بيك وانشاء الله نلتقى ويكون التعاون بيننا لخدمة هذه المنطقه

مرحب بيك اخى العزيز عبد الباقى وحبابك فى المنتدى اولا وحبابك فى نافذة الصور تانيا

والله اتحفتونا ارسلو المزيد

السلام عليكم ورحمه الله وبركاته ،،،

كم انا سعيد بتواجدي من ضمن اسرتكم الجميله ،،

اليوم وبفضل الله تم تسجيلي في منتديات العسيلات ،،،

طلبي من الله ثم من الاستاذ علي الجعلي ..

بان ترسل صوره رفا في منتديات العسيلات ،،،

ولكم جزيل الشكر ،،،

اخوكم عبدالماجد محمد عباس

الحبيب ابو رفا
مرحب بيك كتيييييييييييييييييييييييييير والله منور المنتدى ومنور صفحة الصور حبابك وياخى مبروك الرفا وربنا يجعلها من المستورات وربنا يلمها عليك ويجعلها قرة عين لك ولى امها.
ياخى راجع صفحة التهانى وشوف موضوع بعنوان قدوم الاموره رفا علما اظن هنالك ستجد صوره لرفا وباذن الله سوف ارسل لك صوره حديثه لها

ابـــــــــــــــدااااااااااااااااااااااااااااااااااااااااااااااااااااع

والله مشكوووووووووووووووووووووووووووور
علية يا ود اخوى

الخال على ماتنسى الحوش وصوره خاصه للولده مريم حمد اطال الله عمرها سماح بت بكرى واخواتها

ربنا يقدرك على تصوير المناسبات
لان كل واحد بقول صور عرس فلان
طبعا بقصد المغتربين

اوساكا

الاخ على الجعلي لكى مني الف تحية على الانجاز البتسوي فيه ده واتمنى لك التقدم منير عبدالله ابوبسام الرياض .

طبعا حا تتحير لان التوقيع باسمي والعضو بركات عشان انا يا دوب واص السعودية والمنتدى ده حديث عما قريب سوف اكون عضو انشاء الله بلغ سلامي الى جميع الاهل بالعسيلات عامة وسلام خاص ( اتو مجدي) .

يا ودالجعلي انت من القويز ولا من ودبخيت

والله ياستاذي علي الجعلي ما عارف كيف اشكر ياخي دي اجمل شي شفتو في المنتدي
خليتني اشكك انا في العسيلات والله في بيشة والله شوقتنا العسيلات جد يارب تجمعنا

علي ادريس اسدالله كتب:

يا ودالجعلي انت من القويز والله من ودبخيت

هوى ياعلى مضة ياناس حاقر بى على قول استاذ الفاتح
العسيلات واحد مافى فرق بين الفرقان والله القويز
وبلاش عنصرة
اخبارك يامضرة والظاهر عليك ماخليت المعاكسة
والمشاكسة

الاهل والاحباب
كل عام وانتم بخير ورمضان كريم وتصومو وتفطرو على خير
وناسف جدا للانقطاع وهو لظروف العمل اولا ثم العطل الذى لحق بالكاميرا ويا خال يوسف انا كلمت وائل للكاميرا بس ما وصلتنى وربنا يهون الامور وعلى وعدى باذن الله اتمكن من اغتناء كاميرا جديده وما نقصر فيكم باذن الله.

تسلم يا ودالجعلي ادي فريق تحت طلةورمضان كريم وربنا يتقبل

والله ياشمس الدين تمام التمام لاكن الواحد لازم يعمل بلبله شويه عشان المنتدي يحلي اكثر
واقول لي ود مريم جزاك الله خيرا ونريد التنويع ليس الا0

والله العسيلات حلوة ومجتمعه احلا انا العضو الجديد

اخونا ود الجعلى مشاقين والله، شنو العنصرية صورك كلها من القويز وود يخيت ، شنو الحسناب والدومة يقعو البحر

اخونا ود الجعلى مشاقين والله، شنو العنصرية صورك كلها من القويز وود يخيت ، شنو الحسناب والدومة يقعو البحر