العسيلات السودان المصغر

العسيلات عبارة عن سودان مصغر حباها الله باراضى زراعية زى ما بقولو اهلنا لو زرعو فيها زول بقوم ومشاريعها غنية عن التعريف ولكن كلها راقدة بور لماذا لانستفيد منها واهو تساهم فى حل الضائقة المعيشية ومشكلة البطالة والناس الواقفة فى رؤسنا وبتكلمو با اصواتنا اشوفو لينا حل مثتثمرين او الحكومة والعسيلات من المناطق الموالية للنظام زى ما بقولو (صرة فى خيت ) وزى مامعروف انو ناس الانقاذ ما بنسو ناسن وبعد ده الحل فى ايد كباراتنا ونحن ننظر لهذه الامور بمنظارين فقط يا كباراتنا اضينات ولا خموها وعملو نايمين ولا اقول ليكم الانتخابات على الابواب ندى صوتنا للبوفر لينا الحياة الكريمة وتهمو مشاكلنا واساهم فى تطوير المنطقة العسيلات يا اهلنا من اعرق واقدم مناطق شرق النيل ومازلنا فى المربع الاول انظرو للمناطق المجاورة وقارنو تلقونا نحن يانا نحن قبل 50 عام لاجديد يزكر واجع واقول الحل فى كبارنا ولوما قادرين اخلو الدفة لى غيرهم.





ولو حيين بنتلاقى