القوافل الطبيه

السلام عليكم يااهلنا العزاز.......
بصراحه اترددت كتير قبل مااطرح الموضوع دا لان موضوعي دا عاوز جديه وجديه شديده كمان عشان ينجح...
طبعا انا بقرا طب اسنان وكانت في محاوله من مروه مصطفى انها تقوم بقافله يوم علاجي للعسيلات وبصراحه انا عرفت في الاخر وكان بإمكاني اتناسى الموضوع واسوي زعلنا إحنا السودانين العوير داك ماكلموني وماوروني المهم قلت يازول دي حاجه بتفيد اهلك وعشان كدا خشيت في البرنامج وبصراحه ماتابعت فيو شديد لاني كنت مشغول بالامتحانات
نرجع للخزلان اللي حصل جبنا عبدالاله على انو هو المسوؤل في المركز لما جاء قدام ناس الجامعه المهم طلبو مننا انو احنا ناس الحله نوفر ليهم المواصلات ومواد الاسنان اللي حنشتغل بيها والادويه والاكل والشراب
طبعا المواصلات محلوله كلها200ماشي وجاي الاكل والشراب ماشاء الله لو كل بيت طلع صحن بس مش صينيه بنكفي ضيوفنا المشكله بقت ويييين؟؟؟؟
مواد الاسنان والادويه بتكلف قريب المليونين وطبعا الهدف من القافله علاج الناس مجانا وصرف الدواء برضو يكون مجان المهم عبد الاله في اللحظه دي قرر يفيد نفسو قبل مايفيد الحله قال ليهم الدواء عندنا سألو انت حتصرف الدواء دا للناس مجان؟؟؟
قاليهم لا.
طيب يااستاذ انت لازم توفر الحاجات دي مجان....
قال ليهم جدا انا بعرض الموضوع دا للجنه في الاجتماع يوم الخميس طبعا الاجتماع حق يوم الخميس دا من شهر 6 لسه ماجاء عنده...
انا قلت كدا لان ماجاب لينا نتيجه إيجابيه وهو لو كان الح على اللجنه كان قدر يطلع منهم بنتيجه بس في النهايه فضل مصلحته على مصلحه العسيلاااااات كلها......
هسه بعد النقه اللي نقيتها دي كلها المطلوب منكم تفيدوني انا اعمل شنو؟؟؟
عشان القافله دي تقوم لان في النهايه اهلنا الواحد فيهم لما ضرسو خلااااااااص يصل المراحل الاخيره عشان يفكر بعد كدا يمشي لدكتور وفي حين انو ممكن من البدايه يحل المشكله دي......
ولكم جزيل الشكر..

Thanks Ahmed Sirag for this benifit project for the people in Elosailat,but this issue discuss in direct meeting in public position like the clubs and public institutions in the area.thanks again and repeat the calling and try again

thanx magdi
am now in again trying