مشروع تعمير المساجد من المغتربين

السلام عليكم يا اهلنا الاشراف وكل عام وانتم بخير بمناسبة عيد الفطر المبارك اعاده الله علينا باليمن والخير والبركات مشروع تعمير المساجد في جميع قري العسيلات يجب ان نقوم وان يقوم اي مغترب من اهلنا بتبرع حتي ولو بـــ ريال واجد لكي نقوم بتعمير المساجد من ناحية الترميمات الداخلية والخارجية وايضا من ناحية التكييف خاصة واصبح لدينا الان ما شاء الله في السودان مجال التكييف ماشي في تطور

كلام موزون الشفيع كل دايرنه وكدح لموا التنمية كلها مع موضوع ابو الجاز في قضية للنقاش وبعد داك الاولي فالاولي انشاء الله ربنا يوفق واهم شئ الخلاوي الخلاوي ثم الخلاوي والله زمان كانت حافظانا من الانحراف بعد الله عز وجل واتمني انه اكون في كل قرية خلوة ولو في مسجد لانه الزمن ماشي للاسوأ ولو ماوجهنا طاقات ابنائنا في الخير بتمش في حاجات ثانية لايحمد عقباها
والله ولي التوفيق ولك الشكر اخي الشفيع علي الرأي السديد

الشفيع علي بلال كتب:: السلام عليكم يا اهلنا الاشراف وكل عام وانتم بخير بمناسبة عيد الفطر المبارك اعاده الله علينا باليمن والخير والبركات مشروع تعمير المساجد في جميع قري العسيلات يجب ان نقوم وان يقوم اي مغترب من اهلنا بتبرع حتي ولو بـــ ريال واجد لكي نقوم بتعمير المساجد من ناحية الترميمات الداخلية والخارجية وايضا من ناحية التكييف خاصة واصبح لدينا الان ما شاء الله في السودان مجال التكييف ماشي في تطور

ياسلام عليك يابن اخوي والله كلامك عين العقل وماعندنا مانع من بذل كل ماهو نفيس لمثل ذلك العمل الصالح والذي يعود على ا لجميع بالخير والثواب ابدأووا وكلفوا اى احد يقوم بفتح حساب وسوف نقوم بالواجب تجاه هذا العمل الطيب وارجو من الادارة تثبيت ذلك البوست حتى يستطيع كل الاعضاء المرور عليه ولنبدا من 50ريال في المرة الاولى وتكون اجبارية على الكل ويترك الباقي مفتوحا للاعضاء بالتبرع حسب الاستطاعة ويكون هنالك مبلغ معين شهريا يفرض على الكل حسب رأي واقتراح الاعضاء واثابك الله لاثارتك ذلك الموضوع الذي يعود علينا جميعا بالخير والثواب

الخال محمد والاخ الشفيع دايركم تربطوا بين البوست ده وبتاع abogaz لانه المرمي واحد من البوستين حتي لاتتشتت الافكار