مجادعات وقطع أخدر

سلام أهلى الحنان أهل الخصال الجيدة
أحفاد عترة نبينا والزهرا نعم السيدة
عشان أجر مسدارى تلقانى طاوى البيدا
كايس أهل السدار جاوبنى يا ابو عبيدة

نحن جدونا اظهر منعلم بينين
ونحن قلوبنا من فولاذ حديد مابلين
نحن اللى عروضنا لؤام وجبارين
وبعرفنا الصبر يا الملكة صبارين

شمس الدين جاد كريم حمد كتب:: نحن جدونا اظهر منعلم بينين
ونحن قلوبنا من فولاذ حديد مابلين
نحن اللى عروضنا لؤام وجبارين
وبعرفنا الصبر يا الملكة صبارين

بين العالمين ليك حق لو تفخر

والنسب الشريف فينا باهى وأفخر
لو سمعت با أبو مروّة حاشاك ما بتتأخّر
كم ليك الجبارة مولى العباد قد سخّر

نحن الموت نريدو وفيهو نادر عودنا
خزنتنا القيل خلوها لينا جدودنـــــا
مابنتبع الباطلة ولا بننفى عروضنا

نحن الما انجمع فى فارغه كور لمتنا

تعلو على مقاليد السمات همتنا
نحن الفى العرب ما بتنغفر زمتنا
تيجان الملوك تمل حساب عمتنا

صح لسانكم اخوانى محمد وعلى وشمس

مشكور محمد خالى ود هويدا على المرور
على التاجر سلام اخبارك الصورة ده فى دكان ود الراحات

عصفوره الجنان القلبي ديمه بريدا
جاهله وفي جمالها فريدة
اتقابلنا في البقاله صدفة سعيده
خلت قلبي تلفاز والريموت في ايدا[/i]

حباب أخوي الكلس البضبح ام ودعات
الفي الكرم والراي ساوي للبدعات
للشبال بجنك راقصات ومنفدعات
جيب سوط البطان وسوي نم جدعات

حباب اولاعسيل اهلى البعدلو الميل
حباب الجسر الفرسان دوابى الليل
حباب الظرفهم فوق السواده بشيل
حباب القدرهم فى ابريه والاكليل
العسيلات اهل جوده اوصمامه اوضكره
اهل الخوضه والسيف والنحاس والبكره
ساعة الضيقه والناس كلهم في وكره
خمسة دقيقة بي ايدهم بفكو الحكره

الزول أب وجيها قمر تسعه زائد خمسه
شهانى المنام من خمسه لاعند خمسه
السبب الملخبت لى حواسى الخمسه
الزول السكونو شارع سته ناقص خمسه

شكرا علي المجادعات يا معشر الشعراء

أهل الدار سلام دايرلي زول صنديد
ثابت في النزال وليهو معني جديد
يجيب في الدرر واصدح معاو تغريد
نتجادع سوا وحديد يلاقي حديد

لقمان عبد الهادي كتب:: حباب أخوي الكلس البضبح ام ودعات
الفي الكرم والراي ساوي للبدعات
للشبال بجنك راقصات ومنفدعات
جيب سوط البطان وسوي نم جدعات

سلام لقمان أخوى والله عبارتك أسمي
زي شفاة الحبيبة وكتين تبين مبتسمة
لاكنّي سيدو وقايلو ومولاي قسم القسمة
أرجع لحب النيل وقارن هناك الأسما

[quote="لقمان عبد الهادي"]

أهل الدار سلام دايرلي زول صنديد
ثابت في النزال وليهو معني جديد
يجيب في الدرر واصدح معاو تغريد
نتجادع سوا وحديد يلاقي حديد

غيّرنا الكلام يا اخويا مافى مشاكل
ماني اللهوج البيخنق أخوهو ويشاكل
مرّات الكلام بتلخبط فى الراس حروفو تشاكل
بي ضمّة مودة لحروفى دايما شاكل

القلب ان عشق ما بطاوع لسيدو دقيقة
كل ما تقول يمين ياخد شمالو حقيقة
الحب اب لهيب اسرارو ياخى دقيقة
يدخلك طاحونة ويهرس كلاكا دقيقا

لو عركت القلب الشى المؤكد عركك
والطير الحريف محال يقع فى شركك
لو قلت الصبر .. الصبر هاجر تركك
ولو درت الوصال بعد الوصال قد فركك

يا قلبى المطوفش يا الما بتكوس الهادى
يا العايش امين من بدرى طبعك هادى
ايه الجد فيك طولت ياخى سهادى
ما بتسهر براك يا الدرت لى إجهادى

ياريت لو اطولك وبى يدى اقلع ساسك
يا قلبى العدمت فى حالى كل احساسك
الحسس العلى والله من تمساسك
طايش زى كابوى فى ربوع تكساسك

كم عجز البيان يجيب محاسن وصفو
وإن سرح الخيال ما بجيبو معشار نصفو
كل مقطع محكم جنبو مأكول عصفو
أب لحظآ مدرع كتالة نوبات قصفو

أخلاقو العفيفة بي كل كمال بتصفو
والأيام ندية معاهو دايمآ بصفو
وانا المكتوب لي أعيش قسوة جفاهو وخسفو
ودروبو أم دقداق مابيات عديل يترصفو

العربيه ...

باقيالي زي بيتي مرات كتيرة سكنتك
يا الصادقة دايمآ بس مرات بترمي مكنتك
قاسيت عذاب كرعيني لو مرة واحدة ركنتك
في حيرة بقعد بدلك شرقان عيوني تكنتك

الكورة ...

ضربوكي بالشلوت وما لقيتي ليك حجاز
كل اللي جاري وراك قطع معاك الجاز
السامبا نالت بيك كم نجمة في الإنجاز
ونحن أكيش ناس حقيقة وللا مجاز

الموز ....

يا وارد الصومال أهلك هناك ضالين
سموك صوابع زينب بل فقتهن في اللين
التبري لبسك زاهي والجوف تقول فلين
ما بتوسخ إيد ومغسول أكيد ب( كلين)

البصلة ...

توبك النشفان رهيف كأنو وريقة
أصلو ما بتبلّ مهما يكتر ريقا
مذكورة في القرآن هي راسخة عريقة
أنثي ليها دقن , بتبكّي, شطة , حريقة

التلفزيون ...

ما فيك من جرح وبتغطى وشك شاشة
افرحت الجموع ومليت قلوبها بشاشة
كل يوم متنوّع لي عيني جبت طشاشا
والقبة أم فكي عاليات هناك أدشاشا

سر يا قلم واكتب الابيات منقوشه
بيوت شعر تشرفني معانيها
للصاحب اليمد الطيب وينوشه
من روس قوم علي العليا مبانيها
رفقة شرف ماهي بالتلفيق مغشوشه
يسمع بها قاصي العرب ودانيها

من دورين مشتت حالي خات مرواحي في بالي

اتاريه البسوق الشوق ومو باليد نفارقك نحن ياداري
شن بنقول في رزقا بلودو بعاد بقود الزول وما داري
الا اليلة في المكتوب مسطر باقي من بدري نغادر جدة طوالي
وقدف دغري يا باعبود اكرب الحيل ارسي هناك فوق النيل
بدور الحق عقابي عصير اصلو الفاتني ما هو قليل

تسلم ياقمر سبعتين في نضمو براه فريد
انشر كنوز القبيلة وهاود براك وزيد
العين والقلب مشدوهين الا تقصير ايد
الكلام السمح عاجبنا علا زاد سعره الحديد
******
اب وجيها قمر سبعتين متشاوف
الحكيم وصانا للمنام بي فاليوم فايف
ماجانا المنام ما ك براك الخايف
سهّر كل عربنا وفي الملوك ود نايف