عرس ود أمونة

عرس ود أمونة

الزين والعديل
بركة لينا الجيتا
والجرتق حرير
مربوطة فيه السوميتا
الشاب الأصيل
ست البنات مالقيتا
*****
تسلم يا الأمير
بيك العروس تتهنا
بالمال والعيال
ليك القلوب تتمني
شوفوا يا عيال
أحمد وليد أمونة
في جبينه هلال
في إيده ضامي الحنة
*****
أمونه في وسط العرس تتني
زي بنات عشرين
تتفدع شمال ويمين
وزغرودة الفرح
واحدة ووراها إتنين
من جوف الضمير الرنّة
وفي إيدها اليمين
ورقة أم خمسين
الليلة الفرح عندي
الليلة العريس ولدي
خلوا السهر يطحنا
الليلة يوم سعدي
يلا يا بنات للصباح نتغنا
هزوا يا عيال
فوق وليد أمونة
في جبينه هلال
في إيده ضامي الحنة
*****
الريحة أم عبير
معطونة فيها الحنة
والخمرة أم فتيل
عود روائح الجنة
والشمعة فوقها تسيل
زي سواقي النيل
تروي الغريب وأهلنا
بالزين والعديل
عريسنا الأمير ده حبابه
يهزوا بالمنديل
ديل العزاز أصحابه
وأمونة في وسط العرس تتني
الليلة يوم عيدي
الليلة ليلة الحنة
*****
زينة بهجة ونور
زي ليالي العيد
حفلة علي الطنبور
مع الحسان الغيد
عرضة ورقصة جيد
زي فرحة العصفور
بالعش الجديد وسعيد
*****
وأمونة بتوب الحرير تتني
فرحانة بيها اللمة
يا الله تستر الحال
خلي الفرح يتما
يا بركة الصلاح
أهل الكتاب والسنة
بي بت الحلال
إنشاء الله العريس يتهنا
بالمال والعيال
ليه القلوب تتمني
أحمد وليد أمونة
في جبينه هلال
في إيده ضامي الحنة

عرس ده منو يا ودالعربي محمد الحاج ود الافندي الرجاء التوضيح ؟

منير عبدالله كتب:

عرس ده منو يا ودالعربي محمد الحاج ود الافندي الرجاء التوضيح ؟

ود ابدقن حياك الغمام وتسلم على المرور
والله العريس انا زاتي ماعارفو لكن عجبني كلام امو

تسلم ياود العربي على القصيدة الحلوة وعقبال للعزابة الغلابة الزينا يرتاحوا ويعرسوا تحياتي لك ورمضان كريم

علي سراج الدين كتب:

تسلم ياود العربي على القصيدة الحلوة وعقبال للعزابة الغلابة الزينا يرتاحوا ويعرسوا تحياتي لك ورمضان كريم

ان شاء الله عقبال للعزابه يا علي سراج الدين مشكور على المرور والتعليق ورمضان كرييييييم

رائعة جدا جدا

مبروك على ود امونة

murtada mustafa daoub كتب:

رائعة جدا جدا

مشكور الاخ مرتضى دعوب على المرور والتعليق
رمضان كريم

سماح ابوبكر مساعدابوعاجبه كتب:

مبروك على ود امونة

مشكوره الاخت سماح على المرور والتعليق
رمضان كريم

عرس ده منو يا ودالعربي محمد الحاج ود الافندي الرجاء التوضيح ؟
تسلم ود العربي

الاخ منير تحياتي
ودالافندي مالو
هههههههههههه

ودالسديرة ابوحداد كتب:

عرس ده منو يا ودالعربي محمد الحاج ود الافندي الرجاء التوضيح ؟
تسلم ود العربي

الاخ منير تحياتي
ودالافندي مالو
هههههههههههه

الاخ ابوحداد مشكور على المرور ورمضان كريم

الاخ النور ود العربى
قبل ان اعلق على القصيده والله ليك وحشه جد الجد طولنا منك شديد والله مشتاقين
كيفك وكيف اخبارك وكيف جميع المعاك

القصيده حلوه جدا وزكرتنى نجرك الكنت بتنجرى ونحن جايين من العيلفون بعد مباراه نكون منتصرين فيه جد فى داخلك فنان يجب ان تبحث عنه
ودمت

ود العربى لك التحية والاشواق الحارة
عرس منو ده اصلا الايام دى الاخ السر على سعد والاخ احمد العجب والاخ علاء الدين مدورين مرض حااااااامد فى المنتدى ما تكون الريحة فاحت ليكم

على الجعلى كتب:

الاخ النور ود العربى
قبل ان اعلق على القصيده والله ليك وحشه جد الجد طولنا منك شديد والله مشتاقين
كيفك وكيف اخبارك وكيف جميع المعاك

القصيده حلوه جدا وزكرتنى نجرك الكنت بتنجرى ونحن جايين من العيلفون بعد مباراه نكون منتصرين فيه جد فى داخلك فنان يجب ان تبحث عنه
ودمت

اخي العزيز علي ودالتاجر والله شوقنا ليك مابتوصف وكيف اخبار واحوالك وجد طولنا منك ان شاء الله تكون بخير
ياالله زكرتنا ايام العيلفون والله النجره تبداء من العيلفون تنتهي في ام ضومبان ولمن نصل الحله يقولو لي غنيها تاني وهي تكون اتبخرت ننجر تاني واحده والله كانت ايام جميله يقطع الغربه ويقطع سنينه نسال الكريم ان يجمعنا في ساعه خير وعلى كل خير والف شكر اخي ودالتاجر

حمزة محمد على الجــعلى كتب:

ود العربى لك التحية والاشواق الحارة
عرس منو ده اصلا الايام دى الاخ السر على سعد والاخ احمد العجب والاخ علاء الدين مدورين مرض حااااااامد فى المنتدى ما تكون الريحة فاحت ليكم

اخي حمزه ودالجعلي الشوق امطار الشعفوفه والله
صدقت والله اخونا ودالعجب والسر وعلاءالدين اليومين دي داقين الدلوكه في مرض حامد لكن علاءالدين جاب شي جديد اسمو مرض الحارث يعني بدل مرض عرس بقى عرستين
مشكور يا ودالجعلي وتحياتي الحاره للاخ بدرالدين

مشكور الاخ النور قصيدة لية معني جد
الاخ مصطفي ابشر نحنا اب نفذر

مصطفي دعوب كتب:

الأخ العزيز / النور الصديق

والله من تجيب سيرة العرس الجماعة يتكبكبو

خليك حنين يا برعي !!!

القصيدة جميلة جداً جداً

نتمني المزيد من تلك القصائد ولا تبخل علينا بها

مربع يااخوي تحياتي الحاره عامل كيف مع ناس العقالات
العرس ده برجفون ما تسمع الكوراك ده ساي لكن الله اجعل الستره من مرض الحارث انشاء الله مايطلع مرض ثاني اسمو جنون العرس
مشكور ياغالي

علي يوسف محمد ودخويسي كتب:

مشكور الاخ النور قصيدة لية معني جد
الاخ مصطفي ابشر نحنا اب نفذر

مشكورياودخويسي انشاء الله نغنيها ليك
ونقول للجماعه ديل تب مابننفذروانا معاك

عزيزي ود العربي والله قصيده جميله جدا وممكن تتغنه ولكن الاعلام ضعيف وهله صاحبت القصيده شاعره ام فرحانه لي ولده