شماااااااااار حار الكل يدخل

[معليش ياشباب حبيت اعرف بس المشاهدين والردود كم عددهم ..........يعنى بالواضح عايز اعرف كم عدد العسيلاتيه الذين يدخلون المنتدى فى اليوم الواحد يعنى انت محسوب محسوب كان رديت والله كان شاهدت

والحساب يبتدى من الساعه الواحده صباحا حتى الثانيه عشر ليلا من نفس اليوم بمحسوب 24 ساعه

يلا شاهدوا او تعلقوا كلوا واحد

الأخ / هشام أحمد إبراهيم

يعني الما بحب الشمارات ما محسوب عندك ؟

في ناس بحبو الشمار ويمكن يدخلو مرتين أو ثلاثة
وفي ناس أصلاً ما حايدخلو ( خليك تقيل يا عبد الجليل ) .

بس الأسلوب جميل وبنفع مع ناس الزمن ده ( جنهم شمارات وأولهم أنا ) .

ابن عمه تحياتي والله دخلنا حبا للاستطلاع وبمناسبة الشمار دي اول مرة اعرف معني الشمار كنت اجازة وكنت قادما من الخرطوم وكان معي الاخ احمد عبدالله وفي الطريق قال لي والله الليلة عندى ليك جنس شمار وحصل موقف نسينا بموجبه الحديث عن الشمار ووصلنا حلة كوكو وطوالي نزلنا وسالته يااخي محل الشمار السمح القلت لي عليه وين وضحك احمد عبدالله وشرح لي معنى الشمار وحكى لي الشمار الذي لم اكن اتوقعه وكله من الغربة التي جعلتنا غير مواكبين لمايجري في السودان من تقليعات واحاديث وكلمات تخلقها الاجيال وكل جيلا بجيله وكل زمنا بناسه والله يكون في العون

هههههههههههههههههههه واللة ابن عمو كلامك ده زاتو شمار

يا هشام سيب الشمار لي اهل الشمار

شكرا اخوتى مصطفى دعوب وابن العم محمد بركات وعلى يوسف وعلى ادريس على المشاركه بالرد ومشكورين الاخوة على المشاهده جميعا

وكانت الحصيله حتى هذه اللحظة الساعه 12 حوالى 64 مشاهدا و4 ردود ومناحيتى انا شخصيا اعتبرها بالنسبه لمنتدى جديد المنشأ مبشرة جدا واقول مبروك ليكم هذه النسبه الجيده واتمنى فى الشهر القادم يكون العدد اكبر من ذلك

اعتبر التعداد بعد 5 أشهر من ميلاد المنتدى

ونتابع التعداد مرارا انشاء الله

واخيرا مشكورين على الردود والمشاهده

هشام احمد ابراهيم

اليوم الثالث على التوالى فقلت نسبه الدخول من 62 فى اليوم الاول فصارت 85 فى اليوم الثانى و92 فى اليوم الثالث يعنى 72 ساعه تم دخول المنتدى حوالى 92 مشترك واتمنى المزيد من المشتركين الدخول فى المنتدى بين فينه واخرى

و الله انا اول واحد خشيت لكن قلت ما اعلق

عشان ما يقولو انا بتاع شمارات .... خفيف و لفيف

النشوف اخرتا شنو ؟ ......

لكن كويس انه الموضوع اخذ منحى تانى ............

والله يا اخى الشمار خفيف شديد داير زيادة وتكلة

يا حيدر .....
آخر شمار
بنت عمك هدى مصطفى دعوب خطبوها قبل 3 أيام
العريس: هيثم عثمان رملى من العيلفون و عندو سرارة و قرابة بالعسيلات بس لحدى الان ما عارف عن ياتو طريق و العرس بعد عيد الاضحى ان شاء الله
ايه رايك فى الشمار الحار دة؟
كدة عمك يكون قفل الشركة بتاعتو خلاص من ناحية العرس...!!!

شمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار يا بتاع الشمااااااااااااااااااااااااااااااااااااااااااااااااااااااااااااااااااااااااااااااااااااااااااااااااار

والله دخلتني كلمه حار دي لاني بحب الشمار بالذات في الباميه المفروكه والطع 100

شماااااااااااار حااااااااار الله يهديك يا ود خالى ده الواحد ساكت اكان سمع ليه نغمة رسالة فى جوال واحد ما بعرفة يكتلك شمار رسالتو ياربى دى من منو وفيها شنو تقوم انت الله يسامحك
المهم مطلوب شمار وعليك مديونية تكتبها لينا ويكون شمار حقيقى والله ما تكتبة اولاد امحمد ديل يمحووووووووووووك من المنتدى
لكن والله فكرة ومافى زول بدخل مرتين عشان كلهم ساكين التميز الذهبى احسب بس وشوف العدد

murtada mustafa daoub كتب:: يا حيدر .....
آخر شمار
بنت عمك هدى مصطفى دعوب خطبوها قبل 3 أيام
العريس: هيثم عثمان رملى من العيلفون و عندو سرارة و قرابة بالعسيلات بس لحدى الان ما عارف عن ياتو طريق و العرس بعد عيد الاضحى ان شاء الله
ايه رايك فى الشمار الحار دة؟
كدة عمك يكون قفل الشركة بتاعتو خلاص من ناحية العرس...!!!

والله ده أقوي واحسن شمار

مبرووووووووووووووووك الخطوبة لبنت العم العزيزة / هدي دعوب وعقبال الزواج بأذن الله .

اسمح لي أصدر الشمار ده لباقي الجماعة

وحقوق النشر محفوظة