هذه احدى خواطري اهديها مع تحياتي الى الاخوة في المنتدى
اهداء الى كل من قابل شخص عزيز عليه بعد الغياب
حكاية لقاء 00
في صوت خطوات أكيد ماخطايا دقات عود بتعزف وقلبي كان بيردد مع العزف الرواية
وما تلفت ما عارف ليه ما اتلفت
حسيت انه في حاجة ما ساهلة بورايا
ولما قعدت طليت انت بوجهك السمح المرايا
معقولة انت بعد العمر بعد السنين
معقوله انت بالروعة باللهفة بكل الحنين
ياكي زاتك ما اتغيرت ياكي زاتك حبيبتي الزمان
حاسي برجفة ايديك وفي عيوني بلمح خضار الفستان
00جبين نادي ضاوي يقطر عزة ونضارة
وحواجبك المقرونه زي مقرن نيلنا والعوينات انسيابه
عيونك الزمان قلت فيهم شعري وغنايا
وانفك المتوسطن كله انفه وحدة وكرامة
والخشيم الما نطق الا حلو الكلام وختمه بأجمل ابتسامة
ومشيت عليك شايل اقدامي في كفين ملانين حيرة
شايل في عيوني ماض حب نبيل معاه شئ من غيرة
واتسمرت قدامك ما عرفتيني 00 أكيد ما عرفتيني
حطام انسان عايش في مشاكلي واحزاني وشقايا
حطام انسان محفورة في وجهه كل تفاصيل الحكايا
وحاتك بعد السنين لسه رايدك وحاتك لسه عاجباني لسه دايرك
ما انا هسه عايش على باقي ريتك وراسم حياتي على كلامك لي على كل الوصايا
ولما صاحبي لكزني فقت فجاءة على ضحكات الصبايا
وابتسمت وابتسمتي وطبقت رمش على رمش حسيت انك على الخط معايا
ضحكت بنشوة ورقصت حلاة رقصة نالت استحسان القدامي و00ورايا
وبقت المشكلة اكالمك كيف وانت محاطة بكل دي العناية
المشكلة القاك كيف واكتب لشقاي النهاية
