عاليين الرأس ومتحابين شمال وجنوب ومتحدين
شعب وجيش متماسكين وبالخيــــــــــــر سايرين
ويمين حالفــــيــــــــــن باكــــــــــر جاييــــــــــن
نقول للعالم سودانيـــــــــين
كان السيل بفوت الحد نحن الترس ونحن السد
وما بتنهد عزيمـتــنا شوف ماضينا كيف بشهد
في شيكان وفى ســـنكات وفى كرري
وفى أولادنا شوف المد وشوف الجد
خيرنا كثير جوه بـــلدنا متماسكين نحقق أمــــلــنا
بس نخلى ذممنا نضيفة بجد وبالإخلاص حنبنى الغــد
وغير الأنتاح ما بنحتاج
بلدي وبلدك احلي بلد خليها تكون في عيونك حد
أرفع صارى الريد والحب ايدى في أيدك وهيلاهوب
باكر اخضر ..باكر أنضر والواطة الشايلة همومنا معانا بتكبر
ونخلات العزة الفينا بتكبر وبينا بتفخر
ونحن بنكبر
وسودانا بيكبر
وأولادنا بتكبر ونبقى في أجمل واحلي بلد
نفثات الخير تكتب تاريخنا ونيل الوطن الجوه قلوبنا بكب
واصوات الساقية والمحراث أصوات المصنع فـــيـنا تدب
أصوات أجيال تعلم أطفال تـمـسـح وتـــكـــتــــــــــــب
وتنتج إبطال ..تقول موال
ارمو البذرة الأرض الصحراء بطلع خضراء
فجرو كل الصحوة الفينا عشان نعرف تاريخنا ونقرأ
وغير الإنتاج ما بنحتاج
بطلع باكر ألف نهار برسم أفق اليد في اليد
شمال وجنوب نبنى السودان دولة أحرار بالجد بالجد
بلدي وبلدك احلي بلد خليها تكون في عيونك حد
خليها تكون فى عيونك حد
والبحب سودانا يقيف ومعانا يغنى يردد
نحن جند الله جند الوطن .... وللعلا للمجد
