ساقتنى الخطاوى على
البنية التوبه مغزول بالجِراح
دِيسه زى ليلا هزيل
مقتول بانوار الصباح
عينيها تكتحِل الأسى
خديها مليانات قِراح
حشاها يعتصرو الالم
موعودة بى ثمرة سِفاح.....
وقفت أتأمل !!!و اسأل
يمكن تجيب لى بى صراح
اسمك منو...؟؟؟
جابك شنو ؟؟..
يا طير حزين مكسور جناح
سكتت كتييييرسرحت بعيد
تسترجع الزمن اللراح
والعبرة ساداهو الحلق
جوه العيون هم ...استراح
و الصوت حزين يحمل أنين
زى نغمة من وتر النواح
قالت شنو تشرب ..؟؟شنو
يا أخوى من فضلك سماح
قالت كتير وحكت كتير
عن رحلة من زمن الصلاح
قالت كلام يهرى البدن
عن الرجال فى الغربة
ساويين المحن؟؟!!
خانو الضمير لبسو الكفن
باعو العروض الغلاية
بى ابخس تمن.,,,
