| قصة امات طه | |
|
+3النور الصديق ودالعربي عصام ود الخليفة سعد مصطفى محمد سعد 7 مشترك |
كاتب الموضوع | رسالة |
---|
سعد مصطفى محمد سعد عضو برونزى
عدد الرسائل : 153 العمر : 46 العمل/الترفيه : موظف تاريخ التسجيل : 03/08/2008
| موضوع: قصة امات طه الإثنين أغسطس 04, 2008 4:03 pm | |
| من هن أمات طه؟!! نسمع كثيراً بـ (أُمّات طه)! .. ونستخدم هذا المقطع لضرب المثل لفرد أو مجموعة انتقلوا أو كادوا أن ينتقلوا إلى جوار ربهم، يقال –مثلاً-: - ( فلان ده لحق أمات طه)!.. أو: - (الجماعة ديل لحقوا أمات طه)! .. ولكن السؤال الذي يلح بطرح نفسه: - (من هو طه؟)!!.. وإذا لاحظت ستجد أنه يمتلك أكثر من أم، وهذا في حد ذاته استفهام آخر..!! فمن المعروف أن أي ابن آدم له أم واحدة.. إلاّ أن طه قد كسر هذه القاعدة فصارت له أمهات كُثُر !! وإذا سلمنا بكل هذا.. سيواجهنا سؤال آخر .. فـ (أمات طه) المذكورات الظاهر أنهن إختفن في ظروف غامضة فصرن مضرباً للأمثال!!. أين ذهبن؟!. وأين ذهب طه نفسه؟! ولماذا لم يعود الجميع؟!.. توجد تفسيرات قليلة لما تقدم ولكنها لا تشفي الغليل كما أنها لا تجيب عن كل الأسئلة أعلاه! . وجدنا الحل..! عموماً.. بما أننا لا نعرف طه .. ولا أمهاته.. ولا سبب اختفائهن .. فهذا- بلا شك- يعتبر سبباً كافياً لمشروع قصة نعرف منها إجابة الأسئلة أعلاه.. لذا دعونا نطلق لشطحاتنا العنان.. ونتشبث بهذه الفكرة حتى نجد القصة الحقيقية كاملة. طه وأمهاته: (1) كان طه طفلاً صغيراً، وُلد في إحدى المستشفيات، وسط مواليد كُثر في ذلك اليوم، وطه يختلف عن أقرانه بأنه كان أجمل طفل وُلد في هذه القرية، وكل الأطفال من حوله كانوا من (الدقاشم والقشاعم)، وفي هذه المستشفى أى طفل يولد يوضع في غرفة بها جميع الأطفال الذين ولدوا في ذات اليوم، وكل منهم يُعطى رقماً محدداً موضحاً في الدفتر أنه ابن فلانة، كل الأطفال تم إعطائهم أرقامهم، إلاّ أن طه سقط سهواً.. لم يعط رقمه الخاص به!!.. وعند مرور الأطباء نهاية اليوم وجدوا طفلاً بلا رقم!! واحتاروا فيه، ابن من هذا؟!!.. ولتمييزه عن البقية أطلقوا عليه اسم (طه) مؤقتاً ريثما تحل المشكلة. (2) بدءوا رحلة البحث عن والدته، وبالمنطق بما أنه تبقى طفل واحد، لذا فالمرأة التي لم تسجل في الدفتر هي أمه، ولكن ما حدث هو أن كل امرأة في ذلك العنبر رأت طه أدعت أنه ابنها، وأنكرت تماماً أن المسجل في الدفتر يتبع لها، وأصرّت كل واحدة أن طه هذا ابن بطنها!! وهكذا صار لـ طه أمهات كُثُر!! واحتد النقاش بين (أمات طه) في العنبر، وتعالت الأصوات: - ده ولدي أنا .. لا لا ما ولدك !!.. وتطور الأمر فنهضن جميعهن من السراير ونسوا آلام الوضع، واشتبكن (النفساوات) في (شكلة ليها ضل)، وتطايرت (السفنجات والشباشب)، و(هاك يا لبع وزعميط شعر بين النسوان)، يتخلله بعض الخربيش بالاظافر والعض بالأسنان، تم استدعاء شرطة النجدة لتفض الاشتباك، ونُقل جميع (أمات طه) إلى قسم الشرطة، وأدخلن إلى الحراسة حتى ينظر في أمرهن، كل أهل الحلة عرفوا مشكلة (أمات طه)، وصاروا يتساءلون إذا كن كل هؤلاء النسوة هن (أمات طه)، فمن أنجب بقية الأطفال؟!!.. (3) تصاعد الأمر، حتى عقدت لهن جلسة في المحكمة ليسمع القاضي أقوالهن، والذي حدث هو أن كل واحدة تمسكت بأن طه هو ابنها!.. وبما أنه في ذلك الزمان لم يظهر فحص فصائل الدم ولا البصمة الوراثية، لذا كان الأمر مشكلة حقيقية!. في إحدى الجلسات في المحكمة نهضت واحدة من (أمات طه) وأبدت اقتراحاً للقاضي وقالت: - (يا مولانا القاضي .. المشكلة دي أدينا ليها يوم واحد بس بنحلها برانا). وبعد مشاورة الأخريات تم إجازة الطلب وأطلق سراح (أمات طه). (4) التي ألقت الاقتراح اجتمعت بهم وطرحت فكرة لتحل بها المشكلة نهائياً فقالت: - (أنا عندي حل بريحنا كلنا). أشاروا إليها بطرحه. قالت: - ( بما إنو كلنا مصلبطين في طه ده، وأي واحدة بتقول حقها رايكم شنو نشتري سفنجة من الدكان، ونقوم نمشى البحر الليلة العصر، ونجدع السفنجة بعيييد جوة البحر، ونعمل سباق أول واحدة بتلحق السفنجة يبقى طه حقها!!! أها رايكن شنو؟؟). تلفتن أمات طه نحو بعضهن، وكل واحدة أدارت الفكرة في رأسها ووافقن على هذا الاقتراح، وعندما حان الميعاد شدوا الرحال إلى النيل ومعهن سفنجة مقاس حداشر، أمسكت واحدة من أمات طه بالسفنجة، وقذفتها بعيداً داخل النيل، ودخلن جميعهن الماء عوماً وراء السفنجة، كُن يقتربن والسفنجة تبتعد .. وتبتعد .. وهن يجاهدن للوصول، وفي هذه اللحظة سمع أهل الحلة بالحكاية وتدفقوا نحو النيل لردع هؤلاء المجنونات، وفي داخل النيل فجأة ظهر تمساح كبير .. إنفرد بكل واحدة على حده ... وأكلها!! نعم أكلها عديييل، وعندما حضر أهل الحلة وجدوا أن جميع (أمات طه) السبعة صرن في بطن التمساح.. ومن ديك أصبحن أمات طه مضرباً للأمثال... أما بالنسبة لـ (طه) والله ما عارف الحصل عليهو شنو بعداك!!!!!. رايكم شنو؟؟؟؟؟؟؟ | |
|
| |
عصام ود الخليفة عضو مشارك
عدد الرسائل : 99 تاريخ التسجيل : 27/07/2008
| موضوع: رد: قصة امات طه الإثنين أغسطس 04, 2008 5:59 pm | |
| اوووووووو ود اخوي كيفنك برضو انا عندي رواية كدا بتقول انو طه دا امو ماتت بدري وكان خالاتو حنينات شديييييييييييد فكانو بحبو حب شديد ولقبو بامات طه ويوم من الايام طه اختفى ومشو يفتشو عليو وفي النهاية لمن ما لقوه وصلو لحل الحل ان كل واحدة تمش في اتجاه وفي النهاية افترقو ومافي واحدة لمت في التانية
وبقى مضرب مثل لكن السؤال المهم طه وينو تسلم يا سعد مصطفى للموضوع الرائع واحييك على تثقيفنا فالكل يردد المثل وقليل يعرف القصة احييييييك لك ود بحجم السماء | |
|
| |
النور الصديق ودالعربي عضو مميز
عدد الرسائل : 312 تاريخ التسجيل : 03/07/2008
| موضوع: رد: قصة امات طه الثلاثاء أغسطس 05, 2008 12:54 am | |
| ها جماعه الله اديكم العافيه والله لي زمن بسال من امات طه ومالقي ليهن خبر لكن الحمدلله ومشكورين على المعلومه الكانت رايحه زي اماتو | |
|
| |
سعد مصطفى محمد سعد عضو برونزى
عدد الرسائل : 153 العمر : 46 العمل/الترفيه : موظف تاريخ التسجيل : 03/08/2008
| موضوع: رد: قصة امات طه الثلاثاء أغسطس 05, 2008 9:35 am | |
| اذيك ياعمنا ود الخليفة وشكرا على مرورك... وقصة فروجة عجبتنى شدييييييييييييييييييد... عند صاحبى زى فروجة دا اسمو الزين طبعا اسمو مالايق علية نحن مسمينو الشين.. وطواااااااالى امو تشاكلنا... لك ودى | |
|
| |
سعد مصطفى محمد سعد عضو برونزى
عدد الرسائل : 153 العمر : 46 العمل/الترفيه : موظف تاريخ التسجيل : 03/08/2008
| موضوع: رد: قصة امات طه الثلاثاء أغسطس 05, 2008 9:37 am | |
| تشكر حبيبنا النور ورغم بعدى برسل سلامى وتحياتى | |
|
| |
عثمان طه ابراهيم إدريس عضو فضى
عدد الرسائل : 288 الموقع : عمورابي سابقا العمل/الترفيه : سايح في بلاد الله / المطالعة والنت المزاج : مرات رايق ومرات معكنن رقم العضويه : 52 تاريخ التسجيل : 22/04/2008
| موضوع: رد: قصة امات طه الثلاثاء أغسطس 05, 2008 10:37 am | |
| يا ود مصطفي اخوي انا شايف زمن طه داك الولاده ما في المستشفي بي داية الحبل ودي دايره شرح شويه ممكن تسأل منها ابوك ولو ولد في المستشفي كان كذلك اسمه صار ناعما شويه وذو رنه عصريه ولو ولد في المستشفي كان الدكاترة بطريقة علمية (الجينات) عرفو ولدمنو في المدعيات
تسلم ابني علي الاجتهاد واحتمال راي ود الخليفه اقرب والله اعلم | |
|
| |
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
| موضوع: رد: قصة امات طه الأربعاء أغسطس 06, 2008 2:38 pm | |
| العزيز الابن سعد مصطفى محمد سعد تحياتي وودي قصة جميلة مترابطة مقنعه بها شئ من الطرافة مع انها غير واقعية بها جزء بسيط من الخيال والحبكة تسلم ياوداخوي لك حق التاليف والنشر نسبة لعدم ورود اى قصة اخرى عن المثل والحاجة العارفها انو ابوك زمان كان من اميز الممثلين الكوميديين ايام المدرسة واساله عن الجضمارة والامين خالك من كيار المؤلفين واصحاب المحن واساله ايضا عن من فك امانة المشتبكين ؟؟ معذرة للزيادات التي خارج القصة وفي انتظارك ياوداختي ... | |
|
| |
ابوعمار عضو مميز
عدد الرسائل : 594 العمر : 47 تاريخ التسجيل : 07/05/2008
| موضوع: رد: قصة امات طه الأربعاء أغسطس 06, 2008 3:38 pm | |
| الاخ سعد مشكور علي القصة الجميلة التي اقنعتني بها وانا من الان اعتمدتها تب لكن ودالخليفه ده الدخلوا هنا شنو الذول ده تخصصوا بيطره فراريج بس مالوا او مال طه كده ياودالخليفه تم لينا العجنته ده والله زملانا في الشغل بقه راجين فروجتك ده ببيض ولا لسع بكاكي والشكر والتحيه للجميع | |
|
| |
سعد مصطفى محمد سعد عضو برونزى
عدد الرسائل : 153 العمر : 46 العمل/الترفيه : موظف تاريخ التسجيل : 03/08/2008
| موضوع: رد: قصة امات طه الأحد أغسطس 10, 2008 6:26 pm | |
| تسملو ياخيالانى واعمامى الاعزاء واشكركم على المرور | |
|
| |
عبدالوهاب محمد الفكى عضو مميز
عدد الرسائل : 607 العمر : 63 العمل/الترفيه : موظف رقم العضويه : 24 تاريخ التسجيل : 27/03/2008
| موضوع: رد: قصة امات طه الخميس أغسطس 14, 2008 3:19 pm | |
| قصه جميله يا ود مصطفى اخوى ووداختى الروضه والله من زمان بنسمع بامات طه لكن ماعارفين القصه شنو ومشكور ابنى العزيز | |
|
| |
سعد مصطفى محمد سعد عضو برونزى
عدد الرسائل : 153 العمر : 46 العمل/الترفيه : موظف تاريخ التسجيل : 03/08/2008
| موضوع: رد: قصة امات طه الخميس أغسطس 14, 2008 6:03 pm | |
| مرحب بالخال والعم الرائع المتفردعبدالوهاب ود امحمد ودالفكى....مشكوووووووووووووور شديد على مرورك وتشجيعك... ربنا يديك الصحة والعافية | |
|
| |
| قصة امات طه | |
|