الحزن القديم

ولا الحزن القديم

إنتِ

ولا لون الفرح

إنتِ

ولا الشوق المشيتْ شبيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

طبول بتْدُق

وساحات لى فرح نَوّر

وجمّل للحُزن..ممْشى

وتمشي معاي

خُطانا الإلفَهْ والوحشَهْ

وتمشى معاي... وتْرُوحى

وتمشى معاي وسط روحى



ولا البلْقاهو بِعْرِفنى

ولا بعرِف معاكْ ..روحى

جميلة واللة رائعة من روائع العملاق وردي حياك اللة يا سعد

مشكورين على المرور يااحبابنا ومقدريييييييييييييييين جدا

لما أسمع الاغنية دى تدور بى الدنيا فى آفاق شتى ... كلمات معبرة و عميقة عميقة عميقة .... ما عارف الشاعر قاصد بيها شنو .... المهم فى حزن قديم داخل كل واحد فينا .... اذا أيقظناه من جديد فالنتائج دون شك ستكون مروعة .... و من حكمة ربنا أنه هناك شىء اسمه النسيان