مرض حامـــــــــــــــد

لا بد ان اكثرنا قد سمع بمرض
حامد فما اصل التسميه ؟
اليكم القصة كاملة لمرض حامد ..

واحد اسمو حامد عمرو كلو شغال
مع ابوهو من عمرو سبعه سنه
ولحدي ما صاحبنا وصل مرحله
الخطر وبقي في سن المراهقه
وبدا يلمح لابوه بحكاية الزواج
وكده لكن ابوه ما جايب ليهو
خبر وعارف انو اذا اتزوج النوم
لحدي نصة نهار ويوم عمل
ويوم راحه وطلبات كتيره وكده
لكن صاحبنا حامد كان تعبان عديل
وكل يوم تعبو زايد وبحاول
يقنع ابوهو بحكاية الزواج وابوه
رافض .
يوم كده حامد لحدي الساعه عشره
ما قام من النوم جابو ليهو الشاي
ماشربو برضو الفطور رفضو
ويومين بالطريقه دي أكل مافي
بس عندو كبايتين عصير واحده
صباح وواحده مسا وكباية لبن
بالليل كده
ابوه قلق وطوالي وداه الدكتور
بتاع الحله حقتهم ديك اصلو
قالو دكتور نجيض خلاص
من الصباح بدري حامد لبس
جلابيتو وجا ابوه ومعاه وعمو
قادوه لحدي سرير الدكتور
وانتظرو لحدي الدكتور ما فحص
عليهو ..فحص شامل كامل
لكن الغريبه كل النتائج كانت
سليمه الدكتور زاتو استغرب من
الحكاية دي وشك في مرض
صاحبنا حامد برآحه كده قال لابوه
وعمو الزول ده خلوهو ياخد
راحتو شويه وتعالو ليهو المساء
شوفو الحاصل شنو
بعد الاب والعم انصرفو الدكتور
جا قوم حامد براحه وسأله من
مشكلتو لانو عرفو ما عيان
صاحبنا حامد وراه الحاصل وانو
عايز الزواج بس
الدكتور بي حكمه كده وحرفنه
اقنع ابوه بضرورة العرس واهميتو
للشباب لحدي ما وافق وطوالي
أختارو ليهو واحد من بنات عمو
الكتار وقباح ديك لا قصه حب لا
قعاد كفتريات اسبوع كده والزواج
طوالي وبعد اسبوع من الزواج
وفجاه كده حامد عند أختو شابه
ظهرت عليها آثار مرض غريب
البشوفه يقول يومين ما
تعيشن وطوالي بسرعه ودوها
لنفس الدكتور وبسرعه الدكتور
ملا الحقنه وجا ماشي عليها
صاحبتنا فتحت عيونه وقالت
للدكتور وبصوت واطي:
ما تتعب ساي مرض حامد مرض
حامد
‏يعني هي زاتها دايرة العرس برضو

-----------------------
منقول

االلهم اشفي كل من اصابه المرض والعلاج نرجع سيرة الوالد الراحل حمده

لك التحية بن البيداء لكن الخوف الجماعه ناس شمس الدين املوا لينا المستشفيات ساكت

ذكرتني محمد سعيد ودالاعسر الله يرحمه بدر الدين ولده قال ليه الا اعرس والجماعه يرضوا فيه خلي الولد اعرس قال لا لا في النهايه وافق قال علي شرط :-
1 الطماطم ترخس
2 المطر انزل
3القش اقوم
4 بهائمنا كلهن الدن

اه بدرالدين استاء شديد قال ده رفض بطريقه غير مباشره قلنا ليه ماعندك حل غير مرض حامد قعد اضحك قال حامد ابو ده مابقتنع بالطب العلاج عنده الكي بس كان كده اخير لي شر وط ابوي امكن تحقق مجتمعه

جزاك الله كل خير هذه القضيه يجب النظر اليها بعين الاعتبار لانها اصبحت اليوم مشكله كثير من الشباب يريدون اللحاق بحامد لكن الطلبات الكثيره من اهل العروس تجعل الشباب يتراجعون عن الفكره لذلك نرجو اعادة زواج الكوره سابقا (الزواج الجماعي )حاليا

مرض عضال صعب الشفاء منه .... الله يشفينا

مرض حامد الذى اصاب كل جامد

مشكور الاخ السر

والله مرض حامد دة انا قايلو حامد البوسر العناقريب الزمان يجاس جنب امحمد تاتا
هو العرس انا عندي نفس المرض مشكورين علي الموضوع

الاعزاء يوسف وعلاء الدين مرض حامد متلازمة لا فكاك منها ولكن مرض الحارث اظنو من امراض العصر
ربنا يشفينا منه

والله مرض حامد وعرفناه وربنا يساعد لكن المشكلة مرض الحارث اب روشتات دا
دكتورك دا يا علاء حيودى الجينات وين
لكن برضوا نقول فى اصالة فى بنات امحمد
وما هند الا مهرة عربية تحللها بغل فان انجبت مهرا فلله درها وان انجبت بغلا فمن ذلك البغل
الشريفيات حرآاااااااات

معلومة جديدة فعلا يا علاء
بلدكم دى فيها كل غريب و عجيب

والله مرض حامد والله مرض الحارث الجابو لينا الاخ علاء الدين هو مرض خطير والعلاج منة دائما كما زكر الاخ السر بزواج بنت العم (حامد) عشان كدا اى واحد متزوج من خارج القبيلة علية بالعلاج السريع والسر وعلاء الدين وابوعبيدة ومن شابههم سركم فى بير عميق

يا اخوانا السلام عليكم وبمناسبة مرض حامد نري ان الموضوع يترك للنقاش ونري تناول الموضوع بجديه وتناول المشاكل والعقبات التي تساعد في حل مشكلة مرض حامد يا اخوانا انظروا للمشكلة من جذورها .
والله من وراء القصد