شناتا جنس ششنا

يا زول تعال شوف الخشيم
منفوخ زى سعنا قديم
ممطوط تقول جاريه سيل
سيل هادر في عز الخريف
ولة الكضوم منفوخة كيف
وكمان خشنة زى الليف
منفوشة زي طشت الغسيل
تخلع تخوف عديل
وده كلو كوم ولة الكرش
مالا كما ن الكرش
تحلف تقول بالعالا فيل
وماشفنا ليها قط مثيل
وعيونا داقشات الغزال
نورن مشتت صبح وليل
كافتات شمال من غير دليل
والصوت كمان ما شفتو كيف
انكر الاصوات وقول يالطيف
صوتاً خمير زي العويل
ووبّاً علي من شفتا
صاج العواسة اخير عديل
والعجب كمان ريحتا
ولة الحبوب الفي الوشيش
طربيزة عِن حدّاد بخيل
مخربشة جنس خربيش
ايديها واصلات الارض
ممدودة زي حبل الغسيل
ولة الخشيم الما خشيم
ده كبير وشين وش قندران
وللقباحة وطن وللشنا عنوان
والنخرة ممطوطة التقول
خور في الخريف سايل كمان
ورجولا سكاكات عديل
وشقوقن يدخلن الفيران
لا لحمة فيها تقول أضان
والراس مدوقس فولة بس
مورم مدبس دبس
فاضي ومحفر وقمله بان
ودى شنات شنو نان

تسلم يامحمد عبدالوهاب ومعذرة للاضافة التي اامل ان لاتكون قد شوهت رائعتك