شخصيه ابراهيم علي الضو

ارفق لك اظرف شخصيه ابراهيم علي الضو من يحفظ له نكتة فليتحفنا بها وهذه الصورة طلب من الاخ شمس الدين والاخ يوسف علي البلوله

ومن مقولاته المشهوره عندما يغضب ( يطحني قطر الابيض)

شخصيه ابراهيم علي الضو Get-7-2008-twu20obunze

شخصيه ابراهيم علي الضو Get-7-2008-twu20obunze

القعدة دى ..طبعا مميز بها دائما.

من الحكايات التى تحكى عنه انو كان فى صغره يطلع فوق راس البيت ويكورك واليوم الذى يليه يطلع عمنا بالعو(رحمه الله) فى راس بيتم ويكورك وهكذا يوم يطلع ده ويوم يطلع التانى...
مرة طلع عمنا ابراهيم يومين وراء بعض فما كان من جدنا ابوه على الا ان قال قولته المشهورة(انزل يا الازرق الغلطان اليوم ما يومك اليوم يوم بالعو) فصارت مثلا ليومنا هذا.

ياسلام والله اليوم اتيتم بمايفرح عمنا ابراهيم وحكاياته ونكته المشهورة سوف اذكر عناوين البعض منها ممنيا بان تتحفونا بها فانكم ادرى مني بواقعتها
اكليني يالزبالة
والقصه المشهورة يوم المحكمة ومن الضمن قال لجدي عبدالباقي العمدة امش على خديرك الفي المناقل
وتصنيف الاصابع لاكل اللقمة ومنها دا السناد
وقصصه مع عركي وفي انتظاركم

تسلموووووووووووووو الاخ عسيلات والخال محمد بركات وربنا يخليكم للمنتدي… دائما سباقين .

كان ينعت حفيده العوض الحبر الخالص بالجعلي الهامل ولما سألناه لماذا قال العوض ابوه ود الخالص من الحوش ريفي مدني وهي بلد بعيده واصبح يكرر مقولته المشهوره

(من جده 12 شده ) لما سالنا من معناه قيل اي مسيرة 12 يوم فقد كان العرب قديما يسافرون بالدواب اي من الصبح يسيرون حتي المغرب وتعتبر مسيرة يوم.

ومن طرائفه ايضا كان يسمي اهله ال دعوب بالدعوباب أكالين الشعيريه فهو يري ان اكل الشعيريه في عيب كبير وانما علي الرجل ان يقع الفوتريته من زراعته فقط وذات يوم مرض مرض شديد اصيب بتسمم فصرف له دواء (حقن ) وكان الطعان عمنا ابراهيم اسدالله ربنا يديه العافيه فلما تحقق من التسمم عرف ان العم ابراهيم اكل شعيريه فقال له وداسدالله الجسم شايف الشعيريه اجسام غريبه هههههه (Virus detected ) بي لغة الحاسب.

من حكمه راي الاخ عبد الحميد حسن كرومه وهو مرتفع الوزن بصوره مخيفه فقال له( يا ودكرومه اقع المسايخ ماتقع الطبائخ) وهذا كلام علمي اذ ان الطبائخ بها الزيت وملعقة زيت واحده بها 120 سعره حراريه شفتو الاجداد ديل كيف ...علم بالفطره .

تسلم سماعين على الصورة لزعيم الضواب اكالين ملاح الورق كما ينطقها الخال الفاتح ود السارة
وجدى ابراهيم على ود الضو رجلى عملى لايهتم بالمنظر وهو خير دليل للجدية
وكان يرافقه ابنه الذاهد عركى فى كل الاشغال
ووهو جل مشهود ليهو بى الجراءة وبيتكلم مع اى حد لابعرف وزير لابعرف غفير
نسال الله له العافية والصحة وياسماعين بالله عليك تانى من امثال جدى ابراهيم
ولو ماوضعتها كان سبقتك عليه وريتى اليمنى صاحبى واتكيف جدا وكنت بورى فيهو
بى جديات الرجل والمناوشات البتقوم بينو وبين عركى ولدو وبقى يعرفو تمام
ولسسالتو يقول هذا الرجل عندو بقر من القويز بنطق القاف قافا

[في يوم من الايام كان حاج بركات عندو البقرات وراح الي ابراهيم ود علي الضو قال الي ابراهيم تعال احلب لي البقرات وكان اليوم داك خائف من ابراهيم عينو حاره كان هو عركي ولدو اول من فتح باب الزريبه نطه عجل من الزريبه وقال ابراهيم الكتلل العجل ده يساوي 50/60/70/80/90/100/جنيه

[]تسلم يا سمعة
طبعا الخال ابراهيم شاتم الجعلين الهاملين وطبعا نحن وناس الشكيرى وعبدالكريم حق المشروع من هماة الحلة
ويوم كان شغال معاه عركى فى الزبالة وناول فيه حتة حتة فما كان من الخال الا وان رمى نفسة فى الزبالة وهو يقول للزبالة اكلينى اكلينى يعنى يا عركى الزبالة بتاكل خايف منها كدى]

تسلم ابو عمار وهاكم دي سريعه كدي
طبعا مسمينا ليك اولاد عيلمونه الهمل ومره جا لي ابوه وقال ليهو دايرين نرححل عرب عيلمونه ديل علي اهلم قام ابو قال ليو ابراهيم انت غلطان العرب دقو حديدن قاصد المواسير وبرضو صارت مثل في الحله

اسع ناس لندن مايسوها ليك اتلقي عندهم ابراهيم علي هناك انجليزي تسلم يانور

كلمات عظيمة في رجل عظيم وهو محطة هام يمثل جيل اهلنا الكبار
اللهم احفظه من كل شر واطيل عمره

انت محطة لنا استاذنا العجب محطة الشعر والاعلام والبلاغة والادب والكلمات والمفردات العربيه التي تاكد تندثر من زحمة اللغات الاخري تسلم ياعجب ياعجيب

مشكور ابن عمتو عركي الضو شخصية ظريفة
مرة علوب شاف عركي الضو اول مرة يشفو
طبعا عركي يحب الضحك بسوط عالي شافو علوب
قال ده منو البضحك شديد قلو عركي الضو
لاحولة خلي ابوة يشتريلو كارو كان يهجس
اي بتاع كارو تلقي مسكين

نورتو عينينا الله ينور عليكم الذكريات ما احلاها ابراهيم على طيف وين الدكة ولما كان يشق البقر الفى الدكة يمن وشمال
واليوم البجيبو المسجد اعرف انو فى مشكلة فى الرعى
وكل من يساله الجابك شنو الجامع ويرد الماعندو بقرة ما يكلمنى..وربنا يحفظه العندليب الاسمر..كيك باقة ورد حلوة

جزاك الله خيرا ابوعمار والله يكثر من امثالك لاكن عمنا ابراهيم علي له امثال كثيرا مثلا كان ينعت الشيخ ادريس ودالفريع عندما كان ياذن لصلاه
يحاكيه الله اكبر مع تفخيم الصوت ويقول طنوب لبن ماعندو0