محمد علي عبدالله عضو برونزى
عدد الرسائل : 106 رقم العضويه : 49 تاريخ التسجيل : 19/04/2008
| موضوع: والله لقيتوها الإثنين يوليو 21, 2008 6:48 pm | |
| فى (كوخ) الجالوص المتواضع الكائن بأحد أطراف العاصمة فيما يطلق عليه السكن العشوائي جلس (إدريس) كي يستريح قليلاً قبل أن يخرج مجدداً للعمل بعد أن قام بربط (حماره) الهزيل الذى يستخدمه فى جلب وبيع المياه بواسطة برميل على ظهر العربة الخشبية المهترئة ، عبر الفضاء الذى كان يفصل بينه وبين المدينة كانت العمارات الشاهقة وال?لل الفارهة تسد الأفق أمام عينيه، قام (إدريس) بفرد قطعة (شوال) وضعها على الأرض توسد يده اليمنى ثم تمدد مسترخيا.
- هاي …. هلو ….. هلو
بين النوم واليقظة إستمع إلى ذلك الصوت ينادى عليه خارج (الكوخ) من خلف قطعة القماش التي تقوم بدور الباب! لم يصدق أذنه وظن أنه يحلم فى ذلك اليوم الصيفى الساخن.
- هاي .. هلو .. هلو؟
خرج (إدريس) مسرعاً فرأى سيدة أجنبية جميلة وأنيقة ومعها مترجم وسائق يحمل فى يده مفاتيح العربة الفارهة التى كانوا يستغلونها وهى تقف غير بعيد من (الكوخ).
- (المترجم): أنت سيد (العربية الكارو) دى؟
- آآآيا فى شنو؟ والله عاوز أرخصا من (المحلية) لكن بس ...
- لا لا ما تخاف نحنا ما ناس (المحلية)، مدام (ليزا) دى بتمثل منظمة إنسانية وجايه عشان تساعدك.
- أهلاً وسهلاً ... حبابكم عشرة..
فرح (إدريس) فرحاً لا يوصف، أخيراً سوف يتم إنتشاله من حالة البؤس التى لازمته طويلاً ، ها قد وصلت يد المنظمات الإنسانية إليه.
- (لمترجم): - لينا فترة يا حاج ونحنا قاعدين ندرس أوضاع (الحتة) الإنت ساكن فيها دى عشان نشوف الناس محتاجة لشنو ونساعدها.
- الله يبارك فيكم ويزيدكم من خيرو يا رب.
- وبعد ما درسنا الحالات الفى المنطقة دى كلها اخترناك إنت.
- الله يختاركم لى جنتو ونعيمو يا رب ... شكراً ليكم والله.
- وقررت الجمعية انها توفر ليك مأوى…..
- (إدريس متهلل الوجه غير مصدق): معقول؟ يا الله والله ما قصرتوا أبداً .. والله أنا من زمان قلت (الخواجات) ديل بيحسو بى آلام الناس الفقراء زينا كده مش زى (جماعتنا) زول فيهم جايب خبرنا مافى ساكنين فى، ال?لل والعمارات ونحنا ساكنين فى الكوش والخرابات..
- (المترجم): سيبني كدى يا عم (إدريس) اكمل ليك كلامى.
- (إدريس مقاطعا): بس إن شاء الله يكون بيت وفيهو (حوش) كبير عشان أربط فيهو (حمارى) ده عشان أنا ما بقدر أسيبو بره .. أصلى ما بفارقو وما بفارقنى .. لازم يكون معاى فى حوش واااحد.
- أيوااا يا حاج كده إنت جيت للحتة النحنا جايينك ليها؟
- (متعجباً) : كيفن ما فاهم؟
- أقول ليك.. شفت (المدام) دى؟ هى بتمثل واحدة من جمعيات (حقوق الحيوان) !
- برضو ما فاهم حاجة!!
- أفهّمك... نحنا أصلو أثناء ما (لافين) بنعمل فى إستكشاف شفناك قاعد تربط الحمار بتاعك ده في الشمس من غير ما يكون فيه حاجة تحميهو من (الحرارة).
- وبعدين؟
- علشان كده هم قرروا أنهم يبنوا (مأوى) للحمار بتاعك ده (يقيهو) من حر الشمس.
- طيب وأنا؟
- إنت شنو؟ مالك؟
- كيفن مالى؟ إنتو ما شايفين الخرابة الأنا ساكن فيها دى ؟ لا باب ولا شباك ولا سقف حتى!!
- والله يا حاج دى مشكلتك إنت .. نحنا بس بنعتني (بالحيوانات) وبس ، ما عندنا شغلة بالبنى آدمين !
فغر (إدريس) فاهه مندهشاً بينما أخرجت (الخواجية) من حقيبة يدها كاميرا رقمية ، وبدأت فى إلتقاط صور للحمار من زوايا متعدده ، ثم (ربتت) على رأسه فى (حنو بالغ)، بينما كان (مرافقها) الذى كان يترجم لها يقوم بملء البيانات التى تخص (الحمار) على إحدى الإستمارات بعد ذلك قاموا بركوب (العربة الفارهه) ثم غادروا المكان!
بعد أن فاق (إدريس) من دهشته (إتكل) على العربة الخشبية المهترئة ثم قال مخاطباً (الحمار) فى أسى : والله لقيتوها! | |
|
محمد احمد راشد وسام التميز الذهبى
عدد الرسائل : 826 العمر : 46 تاريخ التسجيل : 07/05/2008
| موضوع: رد: والله لقيتوها الإثنين يوليو 21, 2008 8:04 pm | |
| اصلو المنظمات لو ساعدتك مالى حنانك هم ما سالوا من تعب الزول يسالوا من تعب حمارو غايتو محن بس امكن عمك ادريس ده يلقاها برضو ويكون فى جاه الملوك نلوك.
مشكور محمد على القصة الواقعية | |
|
محمد علي عبدالله عضو برونزى
عدد الرسائل : 106 رقم العضويه : 49 تاريخ التسجيل : 19/04/2008
| موضوع: رد: والله لقيتوها الجمعة يوليو 25, 2008 7:04 pm | |
| الله يخليك محمد احمد راشد وشكرا علي المرور | |
|
محمد ميرغنى عضو فضى
عدد الرسائل : 227 رقم العضويه : 21 تاريخ التسجيل : 26/03/2008
| موضوع: رد: والله لقيتوها الجمعة يوليو 25, 2008 7:16 pm | |
| - محمد احمد راشد كتب:
- اصلو المنظمات لو ساعدتك مالى حنانك هم ما سالوا من تعب الزول يسالوا من تعب حمارو غايتو محن بس امكن عمك ادريس ده يلقاها برضو ويكون فى جاه الملوك نلوك.
مشكور محمد على القصة الواقعية والله برضو مشكورين لأنّو نحن لا بنهتم بي انسان أو حيوان ...
الرحمة انعدمت من القلوب ...
والله يا فلأّه ما شاء الله عليك .... تراهو الراس دا ما فاضي ,,
قصّة جميلة جدا .... طالع لعمّار خالك | |
|
محمد بركات احمد وسام التميز الذهبى
عدد الرسائل : 1185 العمر : 70 رقم العضويه : 32 تاريخ التسجيل : 03/04/2008
| موضوع: رد: والله لقيتوها السبت يوليو 26, 2008 3:58 pm | |
| تسلم يامحمد علي عبدالله علي على القصة الطريفة والحلوة عن عمي ادريس وحماره والخواجات الحمير ابناء القردة والخنازير وهذه حالهم رؤيتهم للامور من زواياهم الضيقة والتي يبنون عليها سياستهم الحمقاء قتل الابرياء ومحاربة الضعفاء والعطف على الحميرو الكلاب امثال بوش الكلب وزبانيته هوي يامحمد علي ماتجرجرنا للكلام البودى التونج مشكور ياوداخوى وفي انتظارك بقصة اخرى بس تكون عن بيت لعمنا ادريس . | |
|
عثمان طه ابراهيم إدريس عضو فضى
عدد الرسائل : 288 الموقع : عمورابي سابقا العمل/الترفيه : سايح في بلاد الله / المطالعة والنت المزاج : مرات رايق ومرات معكنن رقم العضويه : 52 تاريخ التسجيل : 22/04/2008
| موضوع: رد: والله لقيتوها السبت يوليو 26, 2008 5:02 pm | |
| - اقتباس :
- لا لا ما تخاف نحنا ما ناس (المحلية)، مدام (ليزا) دى بتمثل منظمة إنسانية وجايه عشان تساعدك.
- أهلاً وسهلاً ... حبابكم عشرة.. أفهّمك... نحنا أصلو أثناء ما (لافين) بنعمل فى إستكشاف شفناك قاعد تربط الحمار بتاعك ده في الشمس من غير ما يكون فيه حاجة تحميهو من (الحرارة).
- وبعدين؟
- علشان كده هم قرروا أنهم يبنوا (مأوى) للحمار بتاعك ده (يقيهو) من حر الشمس.
تسلم اخي محمد علي عبدالله وهذه قصة تحكي واقع الغرب الذي ينظر الينا دائما بعين التكبر والازدراء والاحتقار وزرف دموع التماسيح. حتي يقال انهم اهل للرافة حتي ولوكانت علي حمار اوكلب ولايدرون ان دييننا الحنيف امر بالرفق بالحيوان وماسيرة المرأة التي دخلت النار قطعة عننا ببعيدة | |
|