ست البيت لشاعر العسيلات ودالرضي اهداء لكل ستات العسيلات

ست البيت
-------------

أريدا براها ترتاح روحي كل ماأطراها ست البيت
قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوبوبلاده
نضيفه ومنظمين أولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوختا المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتاوتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو ماإتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني

نحى مخرة العسيلات شاعرنا الكبير ودالرضى ومشكور يا ابو رونق وين المزيد اته عارف نحنا طماعين واحده مابتكفى

الصبر ياوداخوي المزيد علي الابواب بس لوك الصبر

والله يا ابو رونق ماقصرت

واغنية ست البيت ده عاجبانى بالحيل وحفظنى
ليها ابوى امحمد وكان بقوله على طول ونا ملازمو
يعنى لو حفظتها ابقى غبى واتمعنت كلامه فسبحان الله
فى وصفو لى ست البيت ويابخت من يحظى بمتل ست البيت

يا ابو رونق وداخوك ماقال ليك نحن طماعين
وين المزيد اللي علي الابواب الابواب دي ما منتظرا لمن شمست وانت ما رجعت ليها (ابو مؤيد )