ايام زمان - الزمن الجميل-

بسم الله الرحمن الرحيم
الاخوة الاعزاء اهلي العزااااااااااااااااز
السلام عليكم ورحمة الله وبركاته
كيفكم وكيف اخباركم عساكم طيبين في السودان والبره الفي الشرق والهوي
تعالوا نعلق علي موضوع جميل وحلو وكل واحد منا بحبه وعنده منو اشياء حلوة شديد
علقو معي عن ايام زمان الحلوة طبعا انا سميتها الزمن الجميل لانها ايام حلوة كلها اكتبو عن ايام الصغر الحلوة اكتبو عن ايامكم التي لا تزال في العقل والدهر يردم فوقها التراب كل يوم فتبقي ذكراها الخالدة الجميلة
ودمتم ..............
محمد علي بابكر القيافة

الاخ محمد علي بابكر ا لقيافة كما يحلو لك بان تناجي نفسك ونناجيك بها اعداما لكلمة ا لزرافه التي الصقوا اسمها بك ياقيافة كلمة تشجيع من ودعمك الذى يكن لك كل ود وتقدير الذكريات في الزمن الجميل جميلة كذلك الزمان بخيرها وشرها وحلوها ومرها وسوف اتيك لاحقا لننهل من ذكراها والعيش فيها ودمت والى اللقاء

ابن العم العزيز محمد بركات
لك لك الف الف تحية اشكرك وانا في انتظار ذكرياتك الحلوة واكيد سوف نستفيد منها

ألا ليت الطفولة تعود يوما *** فأخبرها بما فعل المشيب
زعمتني شيخا ولست بشيخ *** انما الشيخ من يدب دبيبا

اخى ابن امى والله موضوعك جد رائع و نحن فى حوجة اليه ولان كل منا يحمل ذكريات الصغر الجميلة الحلوة ومن هنا نبدا ان شالله

يا ود الخال انت شيخ كبيييييييييييييييييير من زمان وشياختك فى الكلمة الحلوة ولا اظن ان ترجع هاتيك الايام ولكن السلوى فى ان هناك اناس مثلك ومثل اهل المنتدى

وينكم يا شباب عازنكم تشاركونا ذكرياتكم الجميلة

والله يا محمد على دايما الواحد يذكر طفولتة ودى فرصة حلوة علشان الواحد يعبر وباذن الله نمر ونكتب طفولتنا

اشكرك يا اخ الفكي بلولة ونحن منتظرينك انت ورابعة لتزينو هذه الساحة بمعلوماتكم القيمة والجميلة

جميلة هي ايام الطفولة تنساق ايامها كما السحاب لها راحة مثل راحة الدعاش وزي ما قالت رابعة اختي الماشمة ريحة الدعاش ماعاش انني قضيت طفولتي متنقلا بين حبوبتي امي نفيسة اسال الله ان يرحمها ويدخلها فيسح جناته ولمن لا يعرف امي نفيسة هي نفيسة الشريفي اخت سليمان ود الشريفي واخت الحسن ود الشريفي والميرغني ود الشريفي واخت طيبة بت الشريفي والدة(نور وعائشة بنات جعفر)و زوجها محمد الحسن الحاج الزبير شقيق عائشة بت الحسن ام ناس الختمة بت حاج علي ام ناس عبدالمنعم ود حنون و هذه مرأة حديدية يشار اليها بالبنان ولها مقولات واحكام تقال حتي هذه اليوم مثل تنزل بت الحسن و يركب ابوالريح وقبل ان ادخل لكم عن قصة الطولة دعوني اعرج بكم عن هذه المقولة وحكايتها
فبت الحسن هي سيدة الحسن الشريفي زوجة العم محمد دفع الله ووالدة الاخ مجدي محمد دفع الله ، فسيدة ذاهبون بها للولادة بالمستشفي بالخرطوم وقد امتلا البوكس تماما يعني ما في فرقة لاي شخص وسيدة تجلس في الكابينة مع السائق وبعد ان تحرك البوكس قليلا اتي ابوالريح يجري يريد ان يركب معهم للمستشفي فقالوا له الجماعة يا ابوالريح ارجع مافي فرقة البوكس خلاص مليان فما كان من امي نفيسة الا ان قالت تنزل بت الحسن ويركب ابوالريح وبت الحسن كما ذكرت هي التي تريد الذهاب للوضوع فاصبحت مقولة تقال ولعل اكثر الناس يعرفونها (تنزل بت الحسن يركب ابوالريح)
فهذه المراء تربيت وترعرت في حجرها لها الرحمة اللهم اغفر لها وارحمها فكانت ا مرأة حديدية كما قلت لكم وكانت تسميني بي ود امنة وسوف احي لكم باقي الطفولة في فقرة اخري ونتابع .....

يا ليت الصبى يعوووووووود ودهــــــــــــــــــــــــــــــــــــــــــــــــــــــــر
يا اخى الزرافـــــــــــــــة يعـــــــــــووووووووووووووووووووووووود
من منا لايشتاث الى ايام زمان على الاقل الايام الحلوة التى قضيناها مع بعض ومع الاخوان ما قضى منهم نحبة ومع من ينتظر البراءه والاخوة الصادقة والاخلاص غيها والعمل والتضحية والبزل وووووووو00000
الباقى عندك لن ننسى اياما مضت مرحا لن ننسى لن ننسى لن ننسى[

[img][/img]

الاخ العزيز حمزة محمد علي الجعلي مدرسة الجيلي عمر الثانوية
والله مشتاقين كتيرررررررررررررر وكم هي ايام زمان ونتمني ان تعود نقول للزمان ارجع ولكن هيهات الرجوع فتبقي الذكريات الحلوة الجميلة مثل وانا اسمي منو .......... والوالد نادا فلان ....... وتعال جيب لي مسواك من شجرتكم ..... الخ