ابناء المغتربين مع اللهجات الاخري

حينما
كنا في اول ايام الاعياد اجتمعنا في منزل صديقي الاول اتي احد اصدقائي وقال لي
تعال شوف صاحبنا دة بتكلم كيف مشيت واتونست مع صاحبنا داك ومعاي شلة الولد
كان بتكلم في موضوع عادي بس كان مرة مرة بدخل كلمات باللهجة السعودية (
رحت -عطيتهم - واللة- ) صحيح انو اكتر من 90% من كلامو كان كلام باللهجة
السودانية لكن كان الكلمات البقلولها باللهجة السعودية دي مصدر ضحك وتندر
كل الموجدين ( اولاد وبنات ) وهو بتكلم والناس ما مخلين بالهم للموضوع
المليان الجادي الكان بتكلم فيهو بس مركزين في طريقة كلامو ويتغمزو
ويتهامسو ويتضاحكو كانهم قاعدين قداااااااااام قرد ..........

مرت الايام والولد لسانو اتصلح وبقا ما
بستخدم كلمات باللهجة السعودية لكن برضو فضلت في صوتة في ( نخة )كدة بتشبة
نخة السعودين في الكلام وهو معذور طبعا للحكاية دي فهو مولود ومتربي ودرس
في المدارس السعودية ....
لماذا دائما ابناء المغتربين
باللملكةبالذات لا يستطيعون التخلص من النخة (لا ادري هل فهمتم قصدي) في
الصوت فهي ملفتة للانتباة واول ما الزملاء والزميلات اسمعهوا بتكلم بعرفهو
الولد او البت شهادة عربية بعد كدة ابدوا في الاستعداد للتنكيت عليهو وعلي
انو شهادة عربية ووووو
معليش للصراحة لكن افتكر انكم عارفين
انو ناس الشهادة العربية في اغلب الاحيان بنكتو عليهم باسباب منطقية وبدون
اسباب منطقية ولا رايكم شنو................

اشكرك لطرحك الموضوع ده واحب ان انوه بانوه مادايمان الناس العايشين هناك لازم يكونوا كده ده بيرجع للتربية الاتربى عليها فتلقى الزول البيتتكلم عنو ده ماعرف ولاعاشر الا سعوديين او خليجيين عموما المثل بيقول اصابع اليد ماواحدة وانا الباخاطبك ده عشت وشفت كتير منهم لكن تربيتنا العسيلاتية الاصيلة ماغيرت فينا مثقال ذرة من كلامك دة والتحية

تعليق الاخ علي شراج الدين عجبني خلاص لانه صادق في نقاشه للقضية
وكلام موزون وفي غاية الروعة فانت صاحب يراع ناضج ناضج