كلمات أغاني ( البلابل )

نحـيـيــــــك

نحييـك وما بتحـيينـا ونرضيـك مـرة ارضـينـا ....
احكـم فـينا بالدايـرو .. ده ريـدك وانقـسم ليـنا ....
* * * *
خـلاص اخـترت ناس غـيرنا ...
وهـم أغروك تخـليـنا ....
بقـيت لمن تشـوفـنا كمـان ....
بتهـرب من تـلاقـينا ...
كأنك ما عـرفـتنـا يـوم ...
ولا طـليـت فى عـيـنـينـا ...
* * * *
نـلاقـيك والصباح نعـسـان ....
وتـتحـاشـانـا يا زيـنــة ....
زمـان الحـال ده ما حالـك ...
ولا طـبعـك تجـافــينـا ....
اتـاريـك كـنت خـادعـنـا ....
سـرابـك مـوجـو غـاشــيـنا .......

رجـعـنـالـك

رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة
وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وأنت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجعنـالك عـشـان يـسـكـت جـرحـنـا الانـت جـارح قـلبـو بجـراحاتـنا آحنـا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى ...
وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انت الجرف الفيـهو شـتلات حـنـة لـفـرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة ..
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يــفـوح يـكـســـى الـقـبـيـلــة

البسأل ما بتوه

البسأل ما بتوه دارنا نحن قريبة ليه ...
انت ما مجبور علينا نحن مجبورين عليك ...
* * * * * *
كان سألت علينا كنت عرفت احنا الليلة وين ...
كنت أول لما أحنا نغيب ثواني تقول سنين ...
غيروك يا وحيدنا ؟ ولا صابت ريدنا عين ...
اشتهينا تكون معانا .. ما لقينا حنان عينيك ...
أنت ما مجبور علينا نحن مجبورين عليك ...
**********
مرة شفناك يا الحنين طالى فى حارتنا صدفة ...
جابنا ليك الريد وجينا الحصل جابتا الفه ...
ولا لالا آلجابنا ليك .. لو بتطرا دربنا عرفه ...
إن سرحت شويه فينا وما رجيتنا عشان نجيك ...
انت ما مجبور علينا نحن مجبورين عليك ...
*********
لسه مستنين تجينا ناسى طالبنك زيارة ...
يا جمال فرحتنا شاتل الصباحة بالنضارة ...
كان عمرنا زمان وروح .. فى رجاك ما راح خسارة ...
أنت ما تفكر تجينا .. نحن بالأفراح نجيك ...
أنت ما مجبور علينا نحن مجبورين عليك .

اغنية عشة صغيرة روووووووووووووووووووووووعة للبلابل

[size=18]https://www.youtube.com/watch?v=4jD-FO34Yjg[/size]

نسيتى انا
نسيتى انا وخلاص يعنى مافى طريق يرجعنى ...
ما بقول ارجع اصافيك الاقى العزة تمنعنى ..
*********
ياما طال مشوارى بقى مشاوير ....
لا آنت حسيت بالعليا ولا فرحت قلبى المقادير
ذى زولا" بغالب فى الندم لا ليهو سكة ولا مصير ...
مكسور جناح عصفور حزين ...
مشتاق يشوف مشتاق يطير ...
ساعتو تمشى وتحترق ...
شايله فرح يطاوى العبير ...
*********
انا بسأل كل زول فى الدنيا عن حالكم وحنيكم ...
بسالم كل زول فى الدنيا من أيـديـا ليمينكم ...
مكسور جناح عصفور حزين ...
مشتاق يشوف مشتاق يطير ...
ساعتو تمشى وتحترق ...
شايله فرح يطوى العبير ...

البنريدو تايه

البنريدو تايه يا حليل البريدنا ...
احكام الليالى متين كانت بايدنا ....
********
الناس بسألونا مالكم ذى حيارا ...
حالكم ما براهو شمعاتكم سهارا ...
ونقول للحبايب ريحان النضارة ...
من فاتنا الحنين شالت الروح ودارا ....
********
ولا عشان زمانا ما بشبه زمانو ...
ولا عشان حنانا اكتر من حنانو ...
ما عارف مكانا عارفين وين مكانو ...
راجع لينا بكرة ونحن صباح امانو ...
********
زمان كان بسأل علينا كان طولنا منو ...
ايه جده فى عيونو بشوفا غريبة عنو ...
يمكن دى الليالى شالت حسن ظنو ...
ما السمحين بسامحو والحلوين بحنو ...

مشينـــــــــــــا
مشينا .. مشينا .. مشينا
فى طريق الحب مشينا ...
غير عذابو يا ناس ما لقينا ...
*****
ما لقينا غير اساهرو ...
وحبايب ضنو وجارو ...
ما رحمو دموع عينينا ...
ولا حنو مرة علينا ....
*****
قبالنا كتير احتارو ...
فى سحرو وفى اسرارو ...
الظلت خافيه علينا ...
تتلون تلعب بينا ...
****
رغم عريض اخاطرو ...
ورغم لهيبو ونارو ...
فرضنا البيهو رضينا ...
لو حتى الشوق يضنينا ...
****
مشينا .. مشينا .. مشينا

البلابل مشينا

https://www.youtube.com/watch?v=1WOvkPLqqEA&feature=related

تتبارك

مرحب بيك يا الزاهى نضارك ...
نور ليلنا بنوارك ....
زتنا بهجة يزيد مقدارك ...
وعاد تتبارك ما تتشارك ...
*****
ليه بطول فى اسفارك ...
مشتاقين واحشنا نضارك ...
سألين وين كيف اخبارك ...
جيتنا اليوم ما احلى مزارك ...
زتنا بهجة يزيد مقدارك ...
وعاد تتبارك ما تتشارك ...
*****
الحفلة ازدانت بازهارك ....
عطرك فاح واتجلى سمارك ...
كل من شارك غنى وبارك ...
ارقص وفرح قلبى الدارك ...
زيد بهجتنا يزيد مقدارك ...
وعاد تتبارك ما تتشارك ...
*****
قمر الحى شرفت ديارك ...
اوعه تغيب من تانى حذارك ...
ما تحرمنا من انوارك ...
ما بنفارق نحن مدارك ...
زتنا بهجة يزيد مقدارك ...
وعاد تتبارك ما تتشارك ...

قطار الشوق

قطار الشوق متين ترحل تودينا
نشوف بلدا حنان اهلا ترسى هناك ترسينا

*****
نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا

*****
يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار

*****
يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللتة ساعاتك
و كان حنيت على مرة و كان حركت عجلاتك

ليل الشجن

فى ليل الشجن والشوق ... سألت عليك وناديتك
لقيتك فى السماء نجمة ... لقيتك فى الصفاء نسمة
لقيتك فى الصباء كلمة ... وناجيتك وما رديت

* * *
شكيت لي طيفك الأيام ... وحدثتك حديث الروح
سألتك وين .. وين وكيف .. هواك أوهام .. ووعدك زيف
وطول ايامى بلقاك طيف ... وناجيتك وما رديت

* * *
سهرت مع ملاحم شوق ... وفى احضانى نام الليل .. صحيتو
صحيت نجمة ترعى حبيب
وصحيت شمعة تشقى لهيب
تمنيت وأنت طيف ما تغيب
وناجيتك وأنت ما رديت

بتعرف إنى من اجلك مشيت مشوار سنين وسنين

مشيت فى الليل الى الغربة على الكلمات ودمع العين

وعشتك لما فارقتك حروف تغنى بيك حنين

بتعرف ؟ أنت ما بتعرف أنحن بحبكم...هايمين

***
ودارت دورة الأيام ونحن مع الزمن أغراب

متين تحقق اللقيا ومتين يتقابلوا الأحباب

شربنا دموعنا ما روينا حملنا الشوق ملانا عذاب

وقلنا نجرب الصحرا جنينا تعبنا كله سراب